Matthew 11:2 - Yak'usda Ooghuni

² John ꞌadinꞌai whe ꞌet Christ be ꞌutꞌen kꞌoh whulh ꞌudantsꞌo. Nane yugha hodulꞌehne, ꞌenne John Jesus tsꞌu whébalhꞌaꞌ.

Matthew 11:2 Iomraidhean Croise

Matthew 1:17

ꞋInka Abraham David whutsꞌun, ꞌenne tsꞌiyawh whunizyat ꞌon ꞌat dit-un bubé dindene ꞌuhintꞌoh. ꞋInkꞌez David ꞌoh daꞌ whudizulh whe tsꞌiyanne keyoh whutꞌenne Babylon tsꞌe whebuhanla whutsꞌun, ꞌenne tsꞌiyawh whunizyat ꞌon ꞌat dit-un bubé dindene hinli. ꞋInkꞌez ꞌoh daꞌ whudizulh whe tsꞌiyanne keyoh Babylon tsꞌe whebuhanla ꞌet hukwꞌelhꞌaz dichꞌoh dukeyoh yun kꞌut Judah, whuz whenáhidil, Christ ꞌet whutsꞌun, ꞌenne tsꞌiyawh whunizyat ꞌon ꞌat dit-un bubé dindene hinli whe hintꞌoh.

Matthew 14:3

ꞋOh daꞌ Herod John huyílhchoot huyulhghel ꞌinkꞌez ꞌahúyanꞌai. Bulhutsin Philip ooꞌat Herodias huyulhni, ꞌen la toh tsꞌe ꞌuyinla.

Matthew 4:12

Jesus whulh ꞌúdantsꞌo John ꞌahuyanꞌai. Galilee yun kꞌut tsꞌu whinya.

Matthew 9:14

ꞋEt ꞌawet John yugha hodulꞌehne, Jesus tsꞌu hoozdil ꞌinkꞌez huyoodulhkut, “Dáhoontꞌoh huwa wheni ꞌinkꞌez Phariseene, cha lhat soo tsꞌoohooni, ꞌinkꞌez ngha hoodulhꞌehne, ꞌenne gak?”

Mark 6:17

Herod dichꞌoh John dune too be ꞌulhꞌen-un ꞌahuyooꞌalh huwá bulhꞌa ínleꞌ. Huyulhghel ꞌinkꞌez ꞌahuyánꞌai. Ndun tsꞌeke Herodias huyúlhni-un, ꞌen yughusda. ꞋEn ghaꞌ yinla ínleꞌ. Dulhutsin Phillip ooꞌat yuzih usda ꞌet huwa.

Luke 3:19

ꞋEt hoontsꞌi yun moodih Herod, dulhutsin Philip ooꞌat ꞌen yuzih usda. John yulhni, “Lubeshi ꞌilhꞌen.” ꞋUdun tankꞌus unꞌa cha ꞌutꞌen. ꞋEt cha tsꞌiyawh lubeshi ꞌuhoontꞌoh yulhni.

Luke 9:7

ꞋEt ꞌawet lerwe Herod whulh ꞌudantsꞌo ntsꞌoh te Jesus neꞌutꞌen. Whulohne nduhutni, “John yaidlane butoh nahítnaꞌ, ꞌen ꞌuntꞌoh,” hutni. ꞋEt huwa ooba nawh ꞌuhooja.

John 4:1

ꞋEt Phariseene huyulh ꞌúdantsꞌo whe la ꞌuhutni, “Jesus ꞌen John anus lhane dune cha yugha hodulꞌehne suliꞌ, ꞌinkꞌez ꞌonus lhane too be ꞌúlhꞌen cha ꞌutꞌen,” hutni.