Matthew 11:19 - Yak'usda Ooghuni

¹⁹ ꞋEt Yinka Dune Yeꞌ, dune taninya ꞌaꞌalh ꞌinkꞌez tatnaiꞌ, ꞌinkꞌez ꞌuhutni, ‘Nyoon oocha hooncha ꞌinkꞌez tsꞌekoo tooꞌ ꞌutnai. Sooneya nalhdzoohne ꞌinkꞌez lubeshi ꞌulhꞌenne, bukꞌeke unli,’ dáhni. ꞋEt hoontsꞌi Yakꞌusda gha whunih suliꞌne, ꞌenne tsꞌiyawh hiye whunih-i, ꞌi be tsꞌihꞌun ꞌuhintꞌoh suliꞌ.”

Matthew 11:19 Iomraidhean Croise

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Luke 14:1

ꞋEt ꞌuhooja, ꞌilhoghun Pharisee bumoodih ooyoh, natsꞌulyis dzin, Jesus lhes naꞌtitꞌulh ha danínya. ꞋEt soo cho highunli.

Luke 19:7

ꞋEt tsꞌiyanne hinalhꞌen whe whutsꞌo disnih, ꞌinkꞌez howu yahalhduk, “Lubeshi ꞌulhꞌen-un, ꞌen zih tidalh.”

Luke 7:29

Tsꞌiyanne dune ꞌinkꞌez sooniya nalhdzoohne, Jesus daja ni hidantsꞌo whe Yakꞌusda buba ꞌalhaꞌ yija, John too beꞌ balhꞌen ꞌet huwa.

John 2:2

Jesus ꞌinkꞌez yugha hodulꞌehne tubulh ꞌenne cha bughu nahúzdil.

Romans 15:2

ꞋIlhone tsꞌinli whe nebulh dunene bula tsꞌootꞌen. ꞋEt de la Jesus Christ ooba ulhtusne hooleꞌ.

Revelation 7:12

ꞋInkꞌez ꞌuhutni, “Ndo honeh! Uzdólhtiꞌ. Ye diztiꞌ-i cha, ꞌinkꞌez be whútnih-i, be tsꞌílhtus ꞌinkꞌez nutꞌi cha, be musi tsꞌutni cha, ꞌinkꞌez be uzdiztiꞌ-i, ꞌohwhi neYakꞌusda oochꞌeꞌ yoleꞌ ꞌilhiz ꞌinkꞌez ꞌilhiz wheni. ꞋEt ndo honeh!”