Matthew 11:18 - Yak'usda Ooghuni

¹⁸ ꞋEt John dune taninya whe ꞌaw lheꞌusꞌal ꞌinkꞌez ꞌaw talhusnaiꞌ. ꞋEt highu yalhduk whe ꞌuhutni, ‘Nududeh-i ntsiꞌ-i ooyudinda,’ hutni.

Matthew 11:18 Iomraidhean Croise

Matthew 10:25

Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 11:17

‘Nohba tsꞌujun be tsꞌujun be, ꞌet hoontsꞌi neba lhnuzahdai. ꞋInkꞌez nohni nohba tsꞌodi tsinli, ꞌet hoontsꞌi ꞌaw oohtso ꞌaitꞌoh!’

Matthew 3:4

ꞋInkꞌez John dichꞌoh khuna-i gha, camel huyulhni, ꞌi ye dune unli ꞌinkꞌez ꞌuzus se be tsꞌudilhꞌoo. Tulkꞌus cho ꞌinkꞌez tsꞌihnatlꞌuz ꞌohwhi yaꞌalh.

Matthew 9:34

ꞋEt Phariseene ꞌuhútni, “Ntsiꞌ-i nududeh-i bumoodih ye ulhtus-i be ntsiꞌ-i dunne tsꞌu ha hainuyukw!”

Mark 3:22

Moses be ꞌudustlꞌus ꞌukꞌu nunáguzne, Jerusalem tsꞌu haíndilne, ꞌuhutni, “Beelzebul ooyudínda ꞌen yugha óoninꞌai huwa ꞌutꞌen ntsiꞌ-i nududeh-i bughu whenábunuyukw.”

Luke 1:15

ꞋEt neMoodihti oonalh dune uncha-un tileh. Tsꞌekoo tooꞌ kꞌus too ulhtus-i cha lhtisnel. Whutileh whutso ꞌet hoontsꞌi Ndoni be dutibun.

John 10:20

Tube lhane, ꞌenne ꞌuhutni, “Ntsiꞌ-i nudúdeh-i ooyudínda! Whusni wheꞌ ꞌutni, di ha oozúlhtsꞌai?”

John 7:20

ꞋEt ꞌilhozdílne ꞌuhuyulhni, “Ntsiꞌ-i nudúdeh-i, ꞌi nyudínda! Mbe nyutuzilhghelh-un hukwunúta wheꞌ dini?”

John 8:48

ꞋEt Lizwifne ꞌuhuyúlhni, “Ꞌalha ꞌi be ntsꞌuyútni nyun Samaria whutꞌen-un ꞌintꞌoh ꞌinkꞌez ntsiꞌ-i nudúdeh-i nyudínda!”

John 8:52

ꞋEt Lizwifne ꞌuhuyúlhni, “ꞋAndit ꞌawet tꞌétsꞌonínzun ntsiꞌ-i nudúdeh-i nyudínda! Abraham ꞌinkꞌez nus hóoꞌenne yahadla, ꞌet hoontsꞌi ꞌunedíni, mbene la nghuni yoontúnne, ꞌaw dahóotsah ꞌaítꞌoh díni.

Acts 26:24

ꞋEt Paul whuz unꞌa laꞌ dutni whe, ꞌet Festus yúlh dilhtulh, “Paul nyeni hoolel! ꞌon nus hodalꞌeꞌ kꞌet, nyeni hooloh suliꞌ!”

1 Corinthians 9:27

Sichꞌoh syustꞌe be syaih ꞌet whe skꞌuneꞌ titꞌen. ꞋEt ꞌaw ndulhuzustꞌen de, lhelhyoone khuni unzoo-i be bubulh yasduk hoontsꞌi sichꞌoh sba dzoh naóodleꞌ la.