Matthew 11:17 - Yak'usda Ooghuni

¹⁷ ‘Nohba tsꞌujun be tsꞌujun be, ꞌet hoontsꞌi neba lhnuzahdai. ꞋInkꞌez nohni nohba tsꞌodi tsinli, ꞌet hoontsꞌi ꞌaw oohtso ꞌaitꞌoh!’

Matthew 11:17 Iomraidhean Croise

Genesis 50:10

ꞋEt nyo Atad oochꞌeꞌ lhes maiꞌ dunuldus-un, ꞌet nehunindil, Jordan whanooꞌ ꞌuhoontꞌoh, ꞌinkꞌez soo tube ꞌet hikꞌeniudle. ꞋEt Joseph ꞌen lhtakꞌantꞌit dzin ꞌet dubá yukꞌenudleh whe inleꞌ.

Matthew 11:16

Yukꞌedúdehne ntsꞌenꞌa suba nohba lhzih nebosdlelh? Tsꞌoodunneyaz nduhúltꞌoh ꞌinkꞌez ndet la ꞌutꞌalh-i beꞌ ooket-un ꞌet hudilhtsꞌi whe dukꞌekene butsꞌu ha huyih whe ndúbotni,

Matthew 11:18

ꞋEt John dune taninya whe ꞌaw lheꞌusꞌal ꞌinkꞌez ꞌaw talhusnaiꞌ. ꞋEt highu yalhduk whe ꞌuhutni, ‘Nududeh-i ntsiꞌ-i ooyudinda,’ hutni.

Matthew 9:15

ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

Matthew 9:23

Jesus moodih ooyoh daninya whe be tsꞌujun-i, flute huyulhni, ꞌi hiye ujun whe bunilhꞌen. ꞋOnghohne cha tahúditni whe tso yahulhduk.

Luke 15:25

ꞋEt ooyeꞌ, ꞌudetso whudilhdzulh-un ha níyeh tsꞌe ꞌutꞌen. ꞋEt yoh tsꞌu natisja whe whenghoh nadalh whe shun cha ꞌinkꞌez ha nudaih-un ꞌet whuduztsꞌai.

Luke 23:27

Lhane dune hiyuntizdil, tsꞌekoo cha. ꞋEn tsꞌodi hinli ꞌinkꞌez hutso.

Luke 7:32

Tsꞌoodunneyaz duhúltꞌoh whe huyaꞌalh-i be ꞌóoket-un ꞌet hudilhtsꞌi. ꞋInkꞌez lhtsꞌu há hadih whe njan ndulhódutni, ‘Be tsꞌujun-i be nohba tsꞌujun, ꞌinkꞌez ꞌaw lhnahdih. ꞋInkꞌez nohba tsꞌodi tsinli, ꞌinkꞌez ꞌaw lhahtsoh!’

Luke 8:52

ꞋEt tsꞌiyanne tso yahalhduk ꞌinkꞌez hikꞌetedudli. ꞋEt Jesus ꞌubulhni, “ꞋAhtso iloh! ꞋAw dalhitsal nanisti whe ꞌuntꞌoh.”