Matthew 11:13 - Yak'usda Ooghuni

¹³ ꞋEt John whusatiyalh whutsꞌun, nus hooꞌenne bubeꞌ ꞌudustlꞌus, ꞌinkꞌez Moses be ꞌudustlꞌus cha, daóotanelh ꞌet hudaniꞌ.

Matthew 11:13 Iomraidhean Croise

Matthew 11:12

ꞋEt ꞌoh daꞌ John dune too ꞌulhꞌen-un be wheꞌ whuditꞌen, ꞌandit dzin whutsꞌun, yakꞌuz kꞌúneꞌ whulꞌen-un, ꞌet yakꞌuz huhoolhdil, ꞌinkꞌez huhoolhdilne, yakꞌuz daꞌ hudolhdis hukwaꞌ hutꞌen.

Matthew 11:14

ꞋInkꞌez nohba ꞌalha whutatꞌelh de, ndun nus hooꞌen-un Elijah whusatiyalh-un, John ꞌen ꞌuntꞌoh, whe ꞌuntꞌoh.

Luke 24:27

ꞋInkꞌez Moses be ꞌudustlꞌus ꞌukꞌu nunáguz-un ꞌinkꞌez nus hooꞌenne bubeꞌ ꞌudustlꞌus cha, ndai ꞌukꞌu nuhúyuzgus ꞌen ghun, ꞌi tsꞌiyawh Yakꞌusda ooghuni yúbunilhtan.

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

Acts 13:27

Jerusalem ꞌet whutꞌine ꞌinkꞌez bumoodih unline cha ꞌaw tꞌéhinúszun neulhyis-un ꞌúntꞌoh. Lizwif nahulyis-un dzin totsuk ndi Yakꞌusda be nus hooꞌenne ꞌukꞌu nuháyuzguz-i ookꞌu yaduk ꞌet hoontsꞌi ꞌaw bubeni tálhodulhtsꞌit. Jesus datítsah tsꞌe beꞌ hininya, ꞌet huwa Yakꞌusda be nus hooꞌenne bughuni ꞌalhaꞌ ꞌuntꞌoh huyulhtsi.

Romans 3:21

ꞋAwet ꞌandit Moses be ꞌudustlꞌus ooyit, tsꞌiyanne Yakꞌusda nalh tsꞌihꞌun ꞌuhutitꞌelh ꞌet whúbunilhtan. Moses be ꞌudustlꞌus cha ꞌinkꞌez Yakꞌusda be nus hóoꞌenne bubeꞌ ꞌudustlꞌus cha whuz unꞌa ꞌuwhutánelh hutni.