Matthew 11:12 - Yak'usda Ooghuni

¹² ꞋEt ꞌoh daꞌ John dune too ꞌulhꞌen-un be wheꞌ whuditꞌen, ꞌandit dzin whutsꞌun, yakꞌuz kꞌúneꞌ whulꞌen-un, ꞌet yakꞌuz huhoolhdil, ꞌinkꞌez huhoolhdilne, yakꞌuz daꞌ hudolhdis hukwaꞌ hutꞌen.

Matthew 11:12 Iomraidhean Croise

Matthew 11:11

Tsꞌihꞌun unꞌa ꞌunohdusni, whuzdline toh, ꞌaw John dune too be ꞌulhꞌen-un anus díztiꞌ-un hooloh. ꞋEt hoontsꞌi yakꞌuz kꞌúneꞌ whulꞌen-un, mbe la ꞌukꞌenus diztiꞌ lhiloh-un, ꞌen yanus uncha whe ꞌuntꞌoh.

Matthew 11:13

ꞋEt John whusatiyalh whutsꞌun, nus hooꞌenne bubeꞌ ꞌudustlꞌus, ꞌinkꞌez Moses be ꞌudustlꞌus cha, daóotanelh ꞌet hudaniꞌ.

Matthew 3:15

ꞋEt hoontsꞌi Jesus ꞌuyulhni, “Whute soo cho nilhꞌen, be tsꞌihꞌun ꞌuhoontꞌoh-i, ꞌet tsꞌiyawh lhaoodutanelh wheꞌ hoontꞌoh.” ꞋEt yutlꞌa honꞌai.

Luke 13:24

“Hoondat-un datí-un hukwa daóohtni. ꞋEt nohdusni lhane ꞌet datí-un dahátidulh hukwaꞌ huntizilh, ꞌet hoontsꞌi ꞌaw ꞌuhooneh ꞌaitꞌoh.

Luke 16:16

Moses be ꞌudustlꞌus cha ꞌinkꞌez nus hooꞌenne bubeꞌ ꞌudustlꞌus cha ndet whutsꞌun la John dune too be ꞌulhꞌen-un khuna daꞌ, ꞌet whutsꞌun dune hikꞌuneꞌ ootꞌen hubaꞌ hoontꞌoh. ꞋEt whutsꞌun whudutizut Yakꞌusda whe lerwe unli-un, ꞌet huwun khuni unzoo-i dune bulh yahulhduk. ꞋInkꞌez tsꞌiyanne whuz unꞌa húkwaꞌ hutꞌen.

John 5:4

Soo nenaóodudzuk leꞌ whutꞌih totsuk la, lizas ndus de ha dúdoh ꞌinkꞌez tadizꞌaí-un, ꞌet too nunáhuyilnaih. Mbe la soo ꞌudechoo toot tayaih-un, ntsꞌoh dantꞌi-i dada be nduda, ꞌet hoontsꞌi soo naꞌutꞌih.

John 6:27

Ndi tꞌalh-i gak nadleh whe ꞌuntꞌoh, ꞌaw ꞌi iloh ookunáhta, kꞌus ndi ꞌutꞌalh-i dune ꞌilhiz ooleꞌ huye khúna-i, ꞌi ookunáhta. Yinka Dune Yeꞌ, ꞌi nohghá yoꞌalh, ooBá Yakꞌusda ꞌen yugha óoninꞌai, ꞌen ooYeꞌ ꞌuntꞌoh ꞌet huwa.”

Philippians 2:12

ꞋEt huwa ookꞌesiꞌne ntsꞌenꞌa dahtꞌoh nohbulh ꞌustꞌen inleꞌ whe Yakꞌusda kꞌuneꞌ ꞌahtꞌen. ꞋAndit ꞌaho ꞌaw nohbulh lheꞌustꞌoh ꞌet hoontsꞌi ꞌon nus ꞌukꞌuneꞌ ꞌutꞌenne tihleh. ꞋEt huwa soo tsꞌihꞌun unꞌa nohdusni, ntsꞌenꞌa la dihjiz inleꞌ, ꞌet whénulhjut ꞌinkꞌez nohyustꞌe dutlut, ꞌet whuz unꞌa lhadáhleh hukwaꞌ ꞌuhtꞌen.