Matthew 11:11 - Yak'usda Ooghuni

¹¹ Tsꞌihꞌun unꞌa ꞌunohdusni, whuzdline toh, ꞌaw John dune too be ꞌulhꞌen-un anus díztiꞌ-un hooloh. ꞋEt hoontsꞌi yakꞌuz kꞌúneꞌ whulꞌen-un, mbe la ꞌukꞌenus diztiꞌ lhiloh-un, ꞌen yanus uncha whe ꞌuntꞌoh.

Matthew 11:11 Iomraidhean Croise

Matthew 11:10

ꞋEn ghun ꞌukꞌu nusguz-i ꞌet ndutni, ‘Whunulhꞌen, khuni sba naꞌa-un, ꞌen ntso tisꞌalh. Ntsꞌoya la lhutányalh-un mba lhaoodutileh ha.’

Matthew 11:12

ꞋEt ꞌoh daꞌ John dune too ꞌulhꞌen-un be wheꞌ whuditꞌen, ꞌandit dzin whutsꞌun, yakꞌuz kꞌúneꞌ whulꞌen-un, ꞌet yakꞌuz huhoolhdil, ꞌinkꞌez huhoolhdilne, yakꞌuz daꞌ hudolhdis hukwaꞌ hutꞌen.

Matthew 3:1

ꞋOh whuya hoozulh whe John dune too be ꞌulhꞌen-un Judea yun kꞌut dune lhuhootꞌi tsꞌe, whuz whinya ꞌinkꞌez dune bulh yalhduk.

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Matthew 5:19

ꞋEt huwa ndai khuni neghaltsꞌut-i, ꞌi hoontsool-unyaz hoontsꞌi dune kꞌuhinínyuz de, ꞌinkꞌez ꞌuyoonne whuz unꞌa whubodutilhꞌeh dune ndutꞌen de, ꞌet yakꞌuz kꞌúneꞌ whulꞌen-un, ꞌen ꞌaw hoonli lhiloh-un yidutánelh. ꞋEt ndi khuni netlꞌa diltsꞌut-i, dune hikꞌuneꞌ ꞌutꞌen de, ꞌinkꞌez ꞌuyoonne whuz unꞌa ꞌaz whubodutilhꞌeh, yakꞌuz kꞌúneꞌ whulꞌen-un, be ncha-un ꞌuntꞌoh hidutánelh.

Luke 1:15

ꞋEt neMoodihti oonalh dune uncha-un tileh. Tsꞌekoo tooꞌ kꞌus too ulhtus-i cha lhtisnel. Whutileh whutso ꞌet hoontsꞌi Ndoni be dutibun.

Luke 7:28

Nohdusni, nus hooꞌenne whuzdline butoh John dune too be ꞌulhꞌen-un, ꞌukꞌenus ncha-un ꞌuntꞌoh. ꞋEt hoontsꞌi Yakꞌusda whulerwe unli-un, ꞌukꞌenus ꞌudeyo ꞌuntꞌoh-un yanus uncha whe ꞌuntꞌoh.”

Luke 9:48

ꞋInkꞌez ꞌubulhni, “Mbe la sooziꞌ gha ndun tsꞌoodunyaz yukꞌesutsit-un, skꞌeintsiꞌ wheꞌ hintꞌoh. ꞋInkꞌez mbe la skꞌesutsit-un, whuz de sútilhꞌaꞌ-un cha hikꞌesutsit wheꞌ hoontꞌoh. ꞋEt huwa, mbe la nohtoh ꞌukꞌenus dune ba telꞌen-un, ꞌen ꞌukꞌenus ncha tileh.”

John 1:15

ꞋEn ghun John ubudániꞌ inleꞌ, dune bulh yálhduk whe, “Ndun ꞌen ghun nohdásniꞌ, skꞌelhꞌaz whusatíyalh whutisdleh whutsodaꞌ ꞌet khuna whe ꞌuntꞌoh ꞌet sando ꞌuntꞌoh,” ubúlhni.

John 1:27

ꞋEn ꞌuntꞌoh skꞌélhꞌaz whusatíyalh-un sanus díztiꞌ whe ꞌuntꞌoh. ꞋAw ookechun natlꞌool ooba kꞌunaítisꞌuk hoontsꞌi huba soo lhéꞌuzdzooꞌ,” ubúlhni.

John 10:41

Lhane dune highu nindil ꞌinkꞌez ꞌulhodútni, “John ꞌaw huwa ꞌítꞌen te nulhéꞌitꞌel, ꞌet hoontsꞌi ndun dune ꞌen ghun daja daniꞌ la, tsꞌihꞌun ꞌudaniꞌ.”

John 3:30

ꞋOn nus tube cho hidólhtiꞌ ꞌinkꞌez si hukwꞌelhꞌi le sba hodólhtiꞌ, ꞌet whuz unꞌa ꞌuhótꞌeꞌ hubaꞌ hoontꞌoh.

John 5:35

John ꞌen la too dízkꞌun ꞌinkꞌez be hóotꞌen-i ootsꞌu ha yándi ꞌet ndántꞌeꞌ. ꞋAtsulyaz wheni ndi be hóotꞌen-i, ꞌi be whunúlhni inleꞌ.

John 7:39

ꞋEt Jesus ndutni whe Ndoni ghun bubulh yaílhduk. Mbene la didut buba ꞌalhaꞌ yintꞌohne, ꞌenne buyudútiltsꞌulh. ꞋAw ꞌaho iloh. Jesus ooba whudáltiꞌ hukwꞌelhꞌaz de, ꞌet de nduwhutanelh.

1 Corinthians 15:9

Whelꞌaꞌne butoh si ꞌukꞌenus bukꞌeꞌi ꞌustꞌoh naꞌdunúsdzun. ꞋEt Yakꞌusda ba ꞌilhunaoodulhne, ꞌenne dzoh nubusdeh inleꞌ, ꞌet huwa ꞌaw whélꞌaꞌ-un sodutánelh-un ꞌet huba soo lheꞌuzdzooꞌ.

1 Corinthians 6:4

ꞋEt ndi yun kꞌut whe ꞌutꞌen lhdulhyoh ꞌuntꞌoh-i ghun buba natsꞌotiyeh de, ꞌet de nohni Yakꞌusda ba ꞌilhunaoosdilne toh, mbene la nohba soo lheꞌildzooꞌne ooba ꞌalha ꞌuhoontꞌohne hoontsꞌi, ꞌenne za nohba nahutiyehne ubuzulhtsi.

Ephesians 2:3

ꞋOh daꞌ wheni cha whuz unꞌa za bukꞌunꞌa ꞌustsꞌintꞌoh inleꞌ. Neyustꞌe lubeshi tsꞌu nintꞌi, ꞌet whuz unꞌa za neyustꞌe ꞌutitꞌelh hukwaꞌ ninzun, ꞌinkꞌez ne-eni cha, ꞌet tsꞌiyawh ꞌutsꞌuholhꞌen inleꞌ. ꞋInkꞌez Yakꞌusda ndet whe bubulh hunilchꞌe-un, ꞌet cha neba whusaóotikulh ínleꞌ ꞌuyoonne kꞌunꞌa.

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

2 Timothy 1:10

ꞋEt ꞌawet Jesus Christ netaninya. ꞋEt Yakꞌusda dichꞌoh hukwaꞌ ninzun-un ꞌinkꞌez ye unzoo-i cha, ꞌi yunénilhtan. Wheni bé dáztitsah-i, ꞌi Jesus Christ neba gak yulhtsi ꞌinkꞌez khuni unzoo-i, ꞌi be ꞌilhiz be tsꞌúkhuna-i negha íninꞌai. Ndi ꞌaw dálhtsꞌutisa-un, ꞌet neba whusahónꞌai, ꞌet whe whunénilhtan.

Hebrews 11:40

Whuz unꞌa wheni tsꞌiyawh nús de Yakꞌusda ꞌon nus hoonzoo-un nebaꞌ ꞌuhóonla. Ndunne tsꞌiyawh wheni tsꞌuhooloh ꞌet huwa Yakꞌusda butsꞌu hoozi-un, neyit ꞌaw tsꞌihꞌun unꞌa lhadúlyane hooleꞌ ꞌaitꞌoh.

1 Peter 1:10

Ndunne Yakꞌusda be nus honꞌenne, ꞌenne ndi ye unzoo-i nohtsꞌu hóoltsꞌulh-un, ꞌet huwun nus huhonꞌen. Ndi whézdujis-un, ꞌet huwun ꞌet soo tsꞌihꞌun ꞌukꞌenus huwaꞌ hooli whe nahahootáꞌalh hukwaꞌ hutꞌen.