Matthew 11:1 - Yak'usda Ooghuni

¹ ꞋAwet Jesus whunizyane ꞌon ꞌat nane yugha hodulꞌehne, tsꞌiyantsuk ubudániꞌ-un ꞌetsul ꞌudija, ꞌinkꞌez bughu whínya. ꞋUtsꞌun keyoh tsꞌe whinya dune hodutilhꞌeh ꞌinkꞌez bubulh yatilhduk wheni.

Matthew 11:1 Iomraidhean Croise

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 7:28

Jesus ndi khuni ye bubulh yailhduk, ꞌetsul ꞌudíja whe ꞌilhunaoosdilne buba hooncha.

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Mark 6:12

ꞋEt whe la hándil ꞌinkꞌez dune Yakꞌusda ooghuni be bubulh yáhulhduk, “Nohlubeshi chꞌa lhtꞌananoohdilh,” hubuhútni.

Luke 23:5

ꞋEt ꞌon nus huhunílchꞌe ꞌinkꞌez ꞌuhutni, “Yun kꞌut Judea ndulcho whe ꞌinkꞌez Galilee yun kꞌut ꞌinkꞌez njan cha, dune nohchꞌaz nehudodilh whuz unꞌa whubodulhꞌeh.”

Luke 8:1

ꞋEt hukwꞌelhꞌaz Jesus kedutizut keyoh whucho ꞌinkꞌez keyoh whuyaz totsuk, Yakꞌusda lerwe unli, ꞌet huwun khuni unzoo-i be yalhduk. ꞋEt whunizyat ꞌon ꞌat nane cha huyulh ꞌutꞌen.

John 15:10

SBá ntsꞌenꞌa la sba lhúhizyeꞌ ookꞌúneꞌ zustꞌen ꞌinkꞌez yé skꞌensiꞌ-i, ꞌi cha bulh ꞌístꞌeꞌ. ꞋEt whuz unꞌa za khuni nohtlꞌa disdla-i ookꞌúneꞌ ꞌahtꞌen de, ꞌet de la be nohkꞌesiꞌ-i, ꞌi bulh óohtꞌeꞌ.

John 15:14

ꞋInkꞌez khuni nohtlꞌa dísdla-i ookꞌúneꞌ ꞌahtꞌen de, ꞌet nohni syadanke ꞌahtꞌoh.

Acts 1:2

ꞌinkꞌez ndet dzin ndo yakꞌuz whenája ꞌet whutsꞌun. ꞋEt ndo yakꞌuz natiltelh whutso ndunne dune whelꞌaꞌne ubulhtsi, Ndoni gha buba núhizyeꞌ.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 10:42

ꞋInkꞌez ndi khuni unzoo-i dune be bubulh yátsꞌoolhduk, huwa néulhꞌa ꞌinkꞌez ꞌet ꞌuzdooniꞌ Yakꞌusda Jesus ꞌen ꞌutahayálhti dune yaidlane ꞌinkꞌez khunane cha huba nahooyeh ha.

1 Thessalonians 4:2

Tꞌeoonuhzun neMoodihti Jesus khuni netlꞌaídanla, ꞌi tsꞌiyawh nohtsꞌudaniꞌ.

2 Thessalonians 3:10

ꞋEt ꞌoh daꞌ nohbulh ꞌutsꞌintꞌoh whe nohba nutsꞌúhizyeꞌ, ꞌet whulohne ꞌaw ꞌuhutitꞌelh hukwa lheꞌhunízun de, ꞌaw ꞌuhooꞌalh huba lheꞌhóotꞌoh.

2 Thessalonians 3:6

ꞋEt ꞌawet neulhutsinke, neMoodihti Jesus Christ booziꞌ gha njan dunohtsꞌutni, ndunne ooba ꞌalha ꞌuhoontꞌohne neulhutsinke hinli, tsedutni ꞌinkꞌez ꞌantsꞌi oogháꞌ tikulh za huba sulhꞌi de, ꞌet nduntꞌohne, ꞌenne tsꞌiyawh buchꞌa nasahdilh, ꞌinkꞌez buyit ꞌahtꞌoh. Ndi Yakꞌusda ooghuni whubutsꞌodalhꞌeꞌ-un, ꞌaw lhuhuhóotun ꞌet huwaꞌ hintꞌoh.

1 Timothy 6:14

khuni ntlꞌa dísꞌai-i ookwꞌuneꞌ ꞌontꞌen. Khun naooltsꞌit junih. ꞋUyoonne dzoh tsꞌe nghu yahutilhduk, ꞌet ꞌoh te neꞌontꞌen junih. ꞋEt neMoodihti Jesus Christ whusatiyalh whutsꞌun, ꞌet za ndontꞌeꞌ.