Matthew 10:7 - Yak'usda Ooghuni

⁷ ꞋAhdulh whe ꞌet budóhni, ‘Ntsꞌenꞌa la yakꞌuz kꞌúneꞌ whulꞌen-un ꞌawet nilhdukw.’

Matthew 10:7 Iomraidhean Croise

Matthew 10:8

Ndudáne soo naꞌboolhꞌen, ooka whulhjutne, leprosy huyúlhni, bubunaꞌoolhdeh. Yaidlane dunabudóhlelh. Ntsiꞌ-i nududeh-i, dune butsꞌa ha nábunuhyukw. ꞋAntsꞌi nohgha únkat, ꞌet huwa tsꞌiyawh ꞌantsꞌi huwa oohlelh.

Matthew 11:1

ꞋAwet Jesus whunizyane ꞌon ꞌat nane yugha hodulꞌehne, tsꞌiyantsuk ubudániꞌ-un ꞌetsul ꞌudija, ꞌinkꞌez bughu whínya. ꞋUtsꞌun keyoh tsꞌe whinya dune hodutilhꞌeh ꞌinkꞌez bubulh yatilhduk wheni.

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Matthew 23:13

ꞋEt hoontsꞌi nohni Moses be ꞌudustlꞌus ꞌukꞌu nunáguzne nohni Phariseene cha, duba naꞌudzooꞌne ꞌahtꞌoh! Dawhultsiꞌ-un ꞌet nohtsꞌu hóoltsꞌulh. Lerwe yakꞌuz usda-un, ꞌet whudáti dune chꞌa dánaꞌ dihtan. Nohnichꞌoh daóohyaꞌ ꞌaitꞌoh. ꞋInkꞌez mbene la whuz ꞌudulhne, ꞌenne cha ꞌaw dábohlelh ꞌaitꞌoh.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Mark 6:12

ꞋEt whe la hándil ꞌinkꞌez dune Yakꞌusda ooghuni be bubulh yáhulhduk, “Nohlubeshi chꞌa lhtꞌananoohdilh,” hubuhútni.

Luke 16:16

Moses be ꞌudustlꞌus cha ꞌinkꞌez nus hooꞌenne bubeꞌ ꞌudustlꞌus cha ndet whutsꞌun la John dune too be ꞌulhꞌen-un khuna daꞌ, ꞌet whutsꞌun dune hikꞌuneꞌ ootꞌen hubaꞌ hoontꞌoh. ꞋEt whutsꞌun whudutizut Yakꞌusda whe lerwe unli-un, ꞌet huwun khuni unzoo-i dune bulh yahulhduk. ꞋInkꞌez tsꞌiyanne whuz unꞌa húkwaꞌ hutꞌen.

Luke 9:2

Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

Luke 9:6

ꞋInka whenáhidil ꞌinkꞌez keyoh totsuk whutulh lhunáhusdil. Dune khuni unzoo-i be bubulh yahulhduk, ꞌinkꞌez keyoh totsuk dune soo naꞌhulhꞌen.

Luke 9:60

ꞋEt Jesus ꞌuyulhni, “Dudulh yaidlane didutchꞌoh ꞌanalhuhoolyelh. ꞋEt hoontsꞌi nyun nónyaꞌ ꞌinkꞌez Yakꞌusda lerwe unli-un ꞌet huwun budóniꞌ.”

John 3:2

ꞋEn ꞌulhdzis ꞌet Jesus ghu ninya ꞌinkꞌez uyúlhni, “Rabbi, Yakꞌusda yulh ꞌuntꞌoh-un dune, ꞌen za njan huwa ꞌítꞌen-un tuneꞌ ootꞌen huba ꞌuhoontꞌoh. ꞋEt huwa soo tꞌetsꞌonínzun dune hodulꞌeh-un Yakꞌusda tsꞌu haínya-un inli whe ꞌintꞌoh.”

Acts 10:25

Peter yoh tsꞌu tizya whe Cornelius yududizya ꞌinkꞌez yubut nachániti.

Acts 28:31

tsꞌet whucho Yakꞌusda dune kꞌúneꞌ bulꞌen-un, ꞌinkꞌez Jesus Christ neMoodihti ꞌen ghun cha dune hodulhꞌeh. ꞋAw dune whuchꞌa lhinúsyoot whe ndutni.

Acts 4:2

Whutsꞌodutni ndunne whelꞌaꞌne Jesus dazsai ꞌinkꞌez dunadija ꞌet huwun whubuhodulhꞌeh. ꞋEt whe yaidláne dunahudutádulh ꞌalha ꞌuhoontꞌoh.