Matthew 10:5 - Yak'usda Ooghuni

⁵ ꞋEt ꞌawet ndunne whunizyane ꞌon ꞌat nane, ntsꞌe ꞌuhutitꞌelh Jesus whuz ubutilhꞌah. Khuni butlꞌa danꞌai ndubulhni, “ꞋUdun yun kꞌut whutꞌenne buti tsꞌe ti toohdilh junih. ꞋInkꞌez Samaritan bukeyoh tsꞌu ti whuz te toohyaꞌ junih.

Matthew 10:5 Iomraidhean Croise

Matthew 22:3

ꞋInkꞌez bughu nuséyane, dude ꞌulhnane butsꞌu whe balhꞌaꞌ, ꞌanih ubuhudóniꞌ ha, ꞌet hoontsꞌi buchꞌa tséhudisnih.

Matthew 4:15

“Yun kꞌut Zebulun ꞌinkꞌez Naphtali, yatooꞌ kꞌuz wheti Jordon ꞌon ꞌun. Galilee yun kꞌut, ꞌudun yun kꞌut whutꞌenne buchꞌeꞌ.

Mark 6:7

ꞋEt whunizyane ꞌon ꞌat nane, “ꞋAnih,” hubudániꞌ ꞌinkꞌez nane hinli whe lhelhtsꞌun whe balhꞌaꞌ. ꞋInkꞌez hiye úlhtus-i bugha nínꞌai ntsiꞌ-i nudúdeh-i dune yudúltsꞌine butsꞌa ha náhinooyoot ha.

Luke 10:1

ꞋEt hukwꞌelhꞌaz neMoodihti lhtakꞌantꞌit whunizyane (70) ꞌutahábanla keyoh whuti totsuk nutiyalh-un, nane hinli whe dutso whe balhꞌaꞌ.

Luke 10:33

ꞋEt hoontsꞌi ꞌilhoghun Samaria whutꞌen-un, ꞌen cha ꞌoh whuya uyalh whe yutilhꞌen ꞌinkꞌez ꞌaho yugha teꞌninzin.

Luke 17:16

ꞋEt Jesus yubut yun ꞌet nachániti, ꞌinkꞌez lhkꞌuz te musi yulhni. ꞋEn dune Samaria whutꞌen-un ꞌuntꞌoh.

Luke 9:1

ꞋEt whunizyane ꞌon ꞌat nane yugha hodulꞌehne Jesus ꞌalhgoh bukaꞌ daniꞌ. Ntsiꞌ-i nududeh-i, tsꞌiyawh whe hílhtus-un cha, ꞌinkꞌez himoodih hooleꞌ ha, ꞌet bugha óoninꞌai. ꞋInkꞌez dune hukwꞌe hunduda-un, ꞌet cha soo naꞌboohoolhꞌen, cha bugha óoninꞌai.

Luke 9:2

Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

John 17:18

Ntsꞌenꞌa la nyun ndi yun kꞌut whuduneꞌne butsꞌun whusalhꞌaꞌ, ꞌet whuz unꞌa ꞌenne ndi yun kꞌut whuduneꞌne butsꞌun whebisꞌaꞌ.

John 20:21

ꞋEt Jesus doo cha za ubúlhni, “Nohdzi doghel, ntsꞌenꞌa la sBá whuz de sútilhꞌaꞌ, ꞌet whuz unꞌa si cha nohtisꞌaꞌ.”

John 4:20

Netsodaꞌne, ndi dzulh kꞌut ꞌet teni ꞌuhunilhdzun ínleꞌ. ꞋEt nohni ꞌudúhni Jerusalem ꞌet ꞌilhoghun whuzꞌai-un, ꞌet dune teni ꞌuhunoolhzin huba ꞌuhoontꞌoh,” yúlhni.

John 4:5

ꞌinkꞌez Samaria yun kꞌut keyoh Sychar huwhútni tsꞌe oozya. Njan keyoh ꞌet yun kꞌut Jacob duyeꞌ Joseph yugha óoninꞌai ínleꞌ, ꞌet whenghoh whuzꞌai.

John 4:9

ꞋEt ndun Samaria tsꞌekeꞌ ꞌen yúlhni, “Nyun Lizwif ꞌintꞌoh ꞌinkꞌez si Samaria tsꞌekeꞌ ꞌustꞌoh, ꞌinkꞌez di haꞌ dini too stsꞌu haꞌ dini?” Lizwifne ꞌaw Samaria whutꞌenne ꞌaw buka lheꞌhunízun.

John 7:35

ꞋEt Lizwifne dichꞌoh ꞌulhodutni, “Ntsꞌe atꞌen tiyalh whe ꞌutni? ꞋAw natsꞌólhtelh ꞌaítꞌoh neúlhni. ꞋUdun yun kꞌut whutꞌenne, ꞌenne butuz toleh tiyalh whuz Lizwifne whulohne yahandil inleꞌ, ꞌinkꞌez whuz toleh ꞌudun yun kꞌut whutꞌenne hubodutilhꞌeh?

John 8:48

ꞋEt Lizwifne ꞌuhuyúlhni, “Ꞌalha ꞌi be ntsꞌuyútni nyun Samaria whutꞌen-un ꞌintꞌoh ꞌinkꞌez ntsiꞌ-i nudúdeh-i nyudínda!”

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 10:45

ꞋInkꞌez ndunne Lizwif ooba ꞌalha ꞌuhoontꞌohne, Peter bulh whusaindilne, buba hooncha ꞌuhooja ꞌudun yun kꞌut whutꞌenne hoontsꞌi Ndoni butsꞌó tlꞌa idiltsꞌut ꞌinkꞌez buyudiltsꞌut.

Acts 8:1

ꞋEt nyoon Saul hiyeni kꞌunꞌa ꞌuyínla. ꞋEt dzin za Jerusalem tsꞌe Jesus ba ꞌilhozdílne bube túzilalh ꞌinkꞌez dzoh nótizut. ꞋEt tsꞌiyanne ooba ꞌalha ꞌuhoontꞌohne Judea ꞌinkꞌez Samaria whutꞌenne bukeyoh tsꞌe whuz tsꞌiyawh whutabonínyoot. Whelꞌaꞌne, ꞌenne za ꞌawet hudilhtsꞌi.

1 Thessalonians 2:16

ꞋUdun yun kꞌut whutꞌenne hudoojih ha bubulh yaztilhduk, ꞌet whuchꞌa nehuniyoot. Ndunne Lizwifne ꞌuhuyulhꞌen-i ꞌet whe lubeshi be hudizbun. ꞋEt huwa Yakꞌusda ye bubulh hunilchꞌe-i, ꞌi ꞌilhiz wheni huyulh ꞌutitꞌelh.