Matthew 10:41 - Yak'usda Ooghuni

⁴¹ Mbe la nus hooꞌen-un, dune hoontꞌiꞌ whe daínilhti de, nus hooꞌen kꞌunꞌa ooba ꞌukꞌelha whutaleh. ꞋInkꞌez mbe la tsꞌihꞌun dune hoontꞌiꞌ whe daínilhti, ꞌen tsꞌihꞌun dune kꞌunꞌa ooba ꞌukꞌelha whutaleh.

Matthew 10:41 Iomraidhean Croise

Genesis 20:7

ꞋAndit ꞌet huwa ndun tsꞌeke ootlꞌaꞌ nayilhtih, nus hooꞌen-un dune ꞌuntꞌoh, ꞌinkꞌez si mba tenadoodli ꞌinkꞌez khonaꞌ. ꞋAw ootlꞌa nalhuyilhtel de, ꞌalha dantantsah whe ꞌintꞌoh ꞌinkꞌez mbene la nchꞌeꞌ unline ꞌenne cha tsꞌiyawh.”

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 25:44

ꞋEt njan ꞌuhidutanelh, ‘NeMoodihti nkeda daꞌ ntsꞌu yanꞌen whe nye ꞌiltsꞌul ꞌinkꞌez taꞌoonda? Kꞌus ꞌutsꞌun whutꞌen-un inleꞌ, kꞌus be dune ꞌonleꞌ-i lhíntꞌiꞌ? Kꞌus ndinda ꞌinkꞌez ꞌadanꞌaꞌ? ꞋEt whuz unꞌa ntsꞌu yanꞌen ꞌet hoontsꞌi ꞌaw hoonli whe nlalheꞌtsꞌínel dini?’

Matthew 25:45

ꞋEt budutanelh, ‘Ꞌalha ꞌi be ꞌunohdusni, sulhutsinke ꞌaw ncha lhilohne, ꞌaw ꞌilhoghun hoontsꞌi whuz unꞌa lhebáhlel. ꞋEt huwa si cha ꞌaw ndusúlhahlel leꞌ hoontꞌoh.’

Matthew 6:1

“Huwahli! Khun telꞌenne ghaꞌ tihꞌalh de, tsꞌet whucho ndóhtꞌen junih. Ndahtꞌen de, nohBá yakꞌuz usda-un, ꞌaw nohba; ꞌukꞌelha hoolhtselh ꞌaitꞌoh.

Matthew 6:18

ꞋEt whuz unꞌa soo hóotahni de, ꞌonghohne buchꞌa nonahꞌiꞌ. ꞋEt hoontsꞌi nohBá lhuhoostꞌen tsꞌe hoontsꞌi whunilhꞌen, ꞌen tsꞌiyanne nalh nohba ꞌukꞌelha whutilhtselh wheꞌ hoontꞌoh.”

Matthew 6:4

ꞋEt whuz unꞌa ꞌuyoonne tꞌehonúszun ꞌet dahtꞌen whe telꞌenne gha ꞌáhꞌaih. NohBá yakꞌuz usda-un, whuꞌiz hooꞌen, tsꞌiyawh nohnilhꞌen whe ꞌuntꞌoh. ꞋEt huwa didutchꞌoh tsꞌiyanne but nohba ꞌukꞌelha whutilhtselh.”

Matthew 6:6

Tenadutihdli de, nohnichꞌoh whahtꞌi-un, dati dánadihtan whe tenadoohdli. NohBá lhistꞌen-un, tsꞌiyawh nohnilhꞌen, didutchꞌoh tsꞌiyanne nalh nohba ꞌukꞌelha whutilhtselh.

Matthew 7:8

Yoodulhkutne, Yakꞌusda bugha whútaꞌalh. Hoonliyaz hukwunútane, nahahootáꞌalh. Dati dunulkwꞌuzne, Yakꞌusda buba dáhaꞌ dutitꞌelh.

Acts 16:15

ꞋEt didut ꞌinkꞌez hiyoh dilhtsꞌíne ookꞌekoone tsꞌiyawh too beꞌ hulya. ꞋEt hukwꞌelhꞌaz neghu nusuya, “NeMoodihti soo cho ootꞌa nunistan-un nohba ꞌalha ꞌuhoontꞌoh de, ꞌanih syoh tsꞌe szih dulhtsꞌi,” neyúlhni ꞌinkꞌez ꞌilhiz netsꞌulhéꞌditsꞌil ꞌinka bulh úztizdil.

Romans 16:23

Gaius, ꞌen duyoh dásunilhti, ꞌen cha bózoo nohúlhni. ꞋEn ooyoh ꞌet Jesus Christ unidúlhne ꞌilhuhozdil. Erastus, ꞌet keyoh whutꞌi sooniya ghundli-un, ꞌinkꞌez neulhutsin Quartus, ꞌenne cha bózoo nohuhútni.

1 Corinthians 9:17

Ndi ꞌusꞌen-i, sdzi ndulcho ꞌi be ꞌusꞌen de, ꞌet de sba ꞌukꞌelha whutaleh. ꞋEt hoontsꞌi ndi ꞌusꞌen oosdleh hubaꞌ hoontꞌoh de ꞌinkꞌez ꞌet huwa ꞌusꞌen de, ꞌet de ꞌantsꞌi ꞌutꞌen stlꞌaltsꞌut-i kꞌunꞌa ꞌusꞌen hukwꞌunꞌa ꞌuwhutatꞌelh.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

2 John 1:8

Nohnichꞌoh khahdli! Ndai ꞌutꞌen beni ꞌutsꞌitꞌen-i ninta tsꞌoolelh whuchꞌa. ꞋEt de la soo cho neba ꞌukꞌelha hóleꞌ.