Matthew 10:40 - Yak'usda Ooghuni

⁴⁰ “Mbe la hoontꞌiꞌ whe danyunilhti-un, ꞌen si cha hoontꞌiꞌ whe dasúnilhti leꞌ hoontꞌoh. Mbe la whusalhꞌaꞌ-un cha hoontꞌiꞌ whe daínilhti wheꞌ hoontꞌoh.

Matthew 10:40 Iomraidhean Croise

Matthew 18:5

ꞋInkꞌez tsꞌoodunyaz, yukꞌoh tsꞌe ꞌuntꞌoh-un, Si sooziꞌ cha yukꞌoh tsꞌe yílhchoot-un, si cha suhílhchoot wheꞌ hoontꞌoh.”

Matthew 25:40

ꞋEt lerwe njan ndúbudutanelh, ‘Ꞌalha ꞌi be nohdusni, ndunne sulhutsinke, ꞌaw nchane lhiloh, ꞌenne ꞌilhoghun hoontsꞌi whuz unꞌa ꞌet ndúbahla de, si ꞌusáhla wheꞌ hoontꞌoh.’

Matthew 25:45

ꞋEt budutanelh, ‘Ꞌalha ꞌi be ꞌunohdusni, sulhutsinke ꞌaw ncha lhilohne, ꞌaw ꞌilhoghun hoontsꞌi whuz unꞌa lhebáhlel. ꞋEt huwa si cha ꞌaw ndusúlhahlel leꞌ hoontꞌoh.’

Mark 9:37

“Mbe la si sgha ndun tsꞌoodun danílhti de, si dasúnilhti wheꞌ hoontꞌoh, ꞌinkꞌez mbe dasúnilhti-un, si iloh dasútalhtelh. Sutílhꞌaꞌ-un, dahinilhti wheꞌ hoontꞌoh.”

Luke 10:16

Mbene la nohoozilhtsꞌaine, si soo hoozilhtsꞌai. Mbe la chꞌa nohnísjoot-un, si chꞌa sunísjoot wheꞌ ꞌuntꞌoh. ꞋInkꞌez mbe chꞌa sunísjoot-un, whuz de sútilhꞌaꞌ-un, ꞌen chꞌa inísjoot wheꞌ ꞌuntꞌoh.”

Luke 9:48

ꞋInkꞌez ꞌubulhni, “Mbe la sooziꞌ gha ndun tsꞌoodunyaz yukꞌesutsit-un, skꞌeintsiꞌ wheꞌ hintꞌoh. ꞋInkꞌez mbe la skꞌesutsit-un, whuz de sútilhꞌaꞌ-un cha hikꞌesutsit wheꞌ hoontꞌoh. ꞋEt huwa, mbe la nohtoh ꞌukꞌenus dune ba telꞌen-un, ꞌen ꞌukꞌenus ncha tileh.”

John 13:20

Soo tsꞌihꞌun nohdúsni mbe la whesꞌaꞌ-un, ꞌen dudzi yo whe huyílhchoot de, si cha suhílhchoot whe ꞌuhoontꞌoh. ꞋEt mbe la dudzi yo whe sílhchoot-un, ndun whuz de sútilhꞌaꞌ-un, ꞌen cha yílhchoot whe ꞌuhoontꞌoh.”

John 20:21

ꞋEt Jesus doo cha za ubúlhni, “Nohdzi doghel, ntsꞌenꞌa la sBá whuz de sútilhꞌaꞌ, ꞌet whuz unꞌa si cha nohtisꞌaꞌ.”

John 5:23

ꞋEt huwa la ooYeꞌ dune tsꞌiyanne ꞌen hidólhtiꞌ ntsꞌenꞌa la ooBá hidílhtiꞌ hukwꞌunꞌa. Mbe la ooYeꞌ lhidílhtiꞌne ꞌaw ooBá ꞌen cha lhuhidílhtiꞌ, ꞌinkꞌez ꞌen ꞌuyinla duYeꞌ whusayálhꞌaꞌ inleꞌ.”

2 Corinthians 5:20

ꞋEt huwa Christ ꞌen ba khuni naꞌáne tsinli. Yakꞌusda wheni nebe nohbulh yálhduk leꞌ ꞌutni. ꞋEt whe nohtsꞌun tézdudli, ꞌandit whutsꞌun soo Yakꞌusda tsꞌun naóolhyeh!

Galatians 4:14

ꞋInkꞌez ntsꞌenꞌa la syustꞌe be dzoh nuszut, ꞌet hoontsꞌi nohba dalhúhootꞌoh. ꞋEt huwa ꞌaw tenásulhnahyulh. ꞋEt hoontsꞌi Yakꞌusda oolizas usdli nohba le ꞌustꞌoh. ꞋEt whuz unꞌa nohyoh tsꞌe dasunulhti. Christ Jesus ꞌen nohba le ꞌustꞌoh, ꞌet huwa ꞌanih sudahni.

1 Thessalonians 4:8

ꞋEt huwa mbe la ndi khuni hidotsꞌo hukwa lheꞌhunizun, ꞌaw dune chꞌaz nultꞌine lhuhiloh. Yakꞌusda chꞌaz nultꞌine za ꞌuhintꞌoh. ꞋInkꞌez Yakꞌusda Ndoni ꞌen cha negha ininꞌai-un unli.

2 John 1:9

Mbe nintaꞌutꞌih-un ꞌinkꞌez Christ khuni be ooghu yaduk-i, ꞌaw lhuyóotun de, ꞌaw Yakꞌusda cha lhítꞌih. Mbe la ndi Christ ooghu yaduk-i yoontun de, neBá duYeꞌ bulh nahúltꞌoh ubutꞌi whé ꞌuntꞌoh.