Matthew 10:4 - Yak'usda Ooghuni

⁴ Simon, ꞌen Canaanite yun kꞌut whutꞌen-un, ꞌinkꞌez Judas Iscariot ꞌen ꞌuja Jesus be ꞌonket-un.

Matthew 10:4 Iomraidhean Croise

Matthew 26:14

ꞋEt whe ndunne whunizyane ꞌon ꞌat nane, butoh ꞌilhoghun Judas Iscariot huyulhni, ꞌen lubret bumoodihne butsꞌu whinya.

Matthew 26:15

ꞋEt ꞌúbulhni, “Daltsuk sgha tíhꞌalh ndun dune nohtlꞌásti de?” “Tat whunizyai sooniya, silver,” huyulhni, ꞌet ꞌultsuk hiba huyolhto.

Matthew 26:2

“Tꞌeoonahzun nat dzin whuzꞌai whe butus lhuseya-un ꞌet whunahutilnih. ꞋEt de Yinka Dune Yeꞌ butlꞌa hitilhtelh ꞌinkꞌez tulalhgus kꞌehúyitalhtelh.”

Matthew 26:47

ꞋAwhuz yalhduk whe khuntsul Judas, whusainya. ꞋEn ndunne whunizyane ꞌon ꞌat nane whelꞌaꞌne, ꞌilhoghun ꞌuntꞌoh. ꞋEn bulh lhane dune yulh whusaindil. Whulohne saluzti nuhúle, ꞌinkꞌez whulohne tutꞌoh nódule. Lubret bumoodihne ꞌinkꞌez dune ꞌutso whudilhdzulhne, whusahábahalhꞌaꞌ.

Matthew 27:3

ꞋEt mbe whutlꞌa yálhti-un, Judas huyúlhni-un, ꞌawet Jesus datitsah huba ooba nahisda whe, ꞌet tꞌeoonanzin whe tube unija. ꞋInkꞌez tat whunizyai sooniya silver huyulhni, lubret bumoodihne ꞌinkꞌez dune ꞌutso whudilhdzulhne cha, buba whusanáyandzai.

Mark 14:10

Whunizyane ꞌon ꞌat nane yugha hodulꞌehne, ꞌilhoghun Judas Iscariot huyúlhni-un, ꞌen Lizwif bulubret bumoodih butsꞌú whinya Jesus butlꞌa ítilhtelh ha.

Mark 14:43

ꞋAhoh ꞌawhuz Jesus yalhduk whe Judas whusaínya. Judas ꞌen whunizyane ꞌon ꞌat nane whelꞌaꞌne, ꞌilhoghun ꞌuntꞌoh. Dzoh saꞌ inleꞌ Lizwif lubret bumoodihne, Moses be ꞌudustlꞌus ꞌukꞌu nunáguzne cha, ꞌinkꞌez dune tso whudilhdzulhne cha, ꞌudaꞌ butsꞌú nuséya, ꞌinkꞌez Jesus ye bútsꞌeꞌonket. Judas butsꞌó whenáhiyalhꞌaꞌ, ꞌinkꞌez dune lhane yulh údulh saluzti ꞌinkꞌez tutꞌoh cha hilelh whe whusahándil.

Luke 22:3

ꞋEt Satan Judas ye yínya. ꞋEn Iscariot huyulhni. Whunizyane ꞌon ꞌat nane, ꞌenne butoh ꞌilhoghun ꞌuntꞌoh.

Luke 22:47

ꞋAwhuz yalhduk whe khuntsul lhane dune whuz de údulh, Judas huyulhni, ꞌen butso uyalh. ꞋEn whunizyane ꞌon ꞌat nane bubulh ꞌilhoghun ꞌuntꞌoh. Jesus ye nghoh neninya naidutitsꞌoos ha.

John 13:2

ꞋEt hulhgha naꞌhitꞌal hukwꞌelhꞌaz ꞌudaꞌ netsudule Judas Iscariot Simon ooyeꞌ Jesus yeꞌ óotakulh hukwaꞌ noozin-un, yudzi yo neoodinꞌai.

John 6:64

ꞋEt hoontsꞌi nohtoh whulohne ꞌaw nohba ꞌalhaꞌ lheꞌhootꞌoh.” Jesus ꞌudaꞌ tꞌeooninzun mbene buba ꞌalhaꞌ lheꞌhootꞌoh, ꞌinkꞌez mbe yeꞌ óotakulh-un, ꞌet cha tꞌeoonínzun ꞌet huwa.

John 6:71

Judas Iscariot, Simon ooyeꞌ, ꞌen ghu yalhduk whe ꞌutni, ꞌen ꞌutinelh yeꞌ óotakulh tꞌéwhunínzun ꞌinka ꞌutni. ꞋEn cha whunizyane ꞌon ꞌat nane ꞌilhoghun butoh ꞌuntꞌoh.

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Acts 1:25

Judas nintaꞌantꞌen whe huba ꞌantꞌoh tsꞌe wheínya, ꞌet huwa ndun yukꞌenádutidalh-un, ꞌen whelꞌaꞌ-un whunénilhtun mbe suba ꞌutsꞌooleh.”