Matthew 10:33 - Yak'usda Ooghuni

³³ ꞋEt hoontsꞌi mbene la dune nalh stsꞌooditdlaine, si cha ꞌuBá yakꞌuz usda-un ndunne, ꞌenne ꞌaw schꞌeꞌ lhuhiloh dósniꞌ la.”

Matthew 10:33 Iomraidhean Croise

Mark 14:30

ꞋEt Jesus uyúlhni, “Peter, ꞌandit ꞌulhdzis lugok dune nat ꞌudutinelh whutso, tat ꞌet tꞌesunuzínzun dutanelh.”

Mark 14:72

ꞋEt lugok dune whulh nat ꞌudija. Peter ꞌet Jesus dája yulhni la whunalni, “Lugok dune nat ꞌudutinelh whutso tat tꞌesunuzínzun dutanelh.” ꞋEt huwu nuninuzut ꞌinkꞌez intse.

Mark 8:38

ꞋAndit yukꞌedinzutne lubeshi ꞌuhutꞌen ꞌinkꞌez dune tsꞌeke bulh nintaꞌhutꞌih hinli, ꞌet hoontsꞌi mbe la si ꞌinkꞌez sughuni cha yukaya unli de, Yinka Dune Yeꞌ, ꞌen cha yukaya tileh, lizas bulh ooBá ootsꞌu ha yánduz-i toh whusanája de.”

Luke 12:9

ꞋEt hoontsꞌi mbe dune nalh stsꞌooditdlaine, Yakꞌusda oolizas bunalh butsꞌoodutásdlai.

Luke 22:57

ꞋEt hoontsꞌi yutsꞌoo dildlai ꞌinkꞌez ꞌuyulhni, “Tsꞌeke, ndun dune ꞌaw tꞌenuzuszun.”

Luke 9:26

ꞋEt mbene la dune si cha ꞌinkꞌez sghuni cha yukayá unli-un, ꞌet de Yinka Dune Yeꞌ, ntsꞌo de dichꞌoh ye diztiꞌ-i cha, ooBá ye diztiꞌ-i cha, ꞌinkꞌez Yakꞌusda oolizas hiye diztiꞌ-i cha, whuz unꞌa whusanaja de, ꞌoh de bukayátileh.

2 Timothy 2:12

Ntsꞌoh dawhutꞌen hoontsꞌi whulh tsꞌúzyin de, ꞌet de ꞌen bulh lerwe ꞌuztileh. Oochꞌaz natsꞌulhꞌa de, didut cha nechꞌaz nátilꞌa.

2 Peter 2:1

ꞋEt ꞌoh daꞌ ndunne whahutsꞌit whe nus hooꞌenne, ꞌenne cha dune toh hudilhtsꞌi inleꞌ. ꞋInkꞌez khuni whutsꞌit-i be whubodulhꞌehne, ꞌenne cha nohtoh hudutáltsꞌilh. Ndunne whuꞌiz whe khuni whutsꞌit-i, bé nohba ꞌalha ꞌuhoontꞌoh-i, ꞌi musai hitilhtselh hukwaꞌ hutitꞌelh, ꞌet whuz unꞌa whunohodutilhꞌeh. NeMoodihti, mbe la naboket-un, ꞌen hoontsꞌi hitsꞌoodutádlai. Ndunne whuz unꞌa dune hodulhꞌehne, ꞌenne ꞌilhudzin de Yakꞌusda ye huske-i, ꞌi khuntsul bugha ítaltsꞌulh.

1 John 2:23

Mbe la neBá ooYeꞌ tsꞌoodidlai-un, neBá cha lhiyítꞌih whe ꞌuntꞌoh. Mbe neBá ooYeꞌ ooba ꞌalhaꞌ yintꞌoh de, ooBá cha yutꞌi whe ꞌuntꞌoh.