Matthew 10:3 - Yak'usda Ooghuni

³ Philip ꞌinkꞌez Bartholomew; Thomas ꞌinkꞌez sooniya nalhdzooh-un Matthew; James Alphaeus ooyeꞌ ꞌuntꞌoh, ꞌinkꞌez Lebbaeus ꞌen oobooziꞌ ꞌudekꞌez-un Thaddaeus cha huyulhni;

Matthew 10:3 Iomraidhean Croise

Matthew 18:17

ꞋInkꞌez ꞌaw lhunoh oozílhtsꞌai de, ꞌet de Yakꞌusda ba ꞌilhunaoodulhne cha budóhni. ꞋEnne cha ꞌaw lhuboozílhtsꞌai de, ꞌet de mbe la ꞌaw ooba ꞌalha lheꞌhootꞌoh-un kꞌus mbe la sooniya ꞌilhunaoosꞌaih-un, ꞌet ndun lubeshi be ndulhyo ꞌuja-un, ꞌen ꞌenne bukꞌunꞌa noolhꞌen.

Matthew 27:56

ꞋEnne butoh Mary Magdala whutꞌen-un cha ꞌutꞌen, ꞌinkꞌez Mary James ꞌinkꞌez Joses ꞌenne buloo, ꞌen cha ꞌutꞌen, ꞌinkꞌez Zebedee ooyeꞌke ꞌenne buloo cha, ꞌutꞌen.

Matthew 9:9

ꞋEt hukwꞌelhꞌaz Jesus ꞌoh whuya uyalh whe sooniya naldzooh-un, ꞌilhoghun dune Matthew huyulhni, ꞌet usda yunilhꞌen. “Sunanyalh,” yulhni. Dudinya ꞌinkꞌez yikꞌoh tsꞌe ꞌutitꞌelh ha yuntizya.

Mark 15:40

Tsꞌekoo cha ꞌet núdilhya yoo ꞌaz de whutsꞌun huwhunilhꞌen. Butoh Mary Magdalene, ꞌinkꞌez Mary Jamesyaz, ꞌinkꞌez Joses bulh buloo, ꞌinkꞌez Salome cha.

Mark 2:14

Jesus ꞌoh whuya uyalh whe Alphaeus ooyeꞌ Levi, Capernaum whenkuti huwunli ha sooniya nálhdzooh-un, ꞌen Jesus yutilhꞌen ꞌet uyúlhni, “Sunanyalh.” Levi dudinya ꞌinkꞌez yukꞌoh tsꞌe ootꞌen ha yuntizya.

Mark 3:18

Andrew, Philip, Bartholomew, Matthew, Thomas, James Alphaeus ooyeꞌ, Thaddaeus, Simon huwu daóoditꞌowh-un,

Luke 18:10

“Nane dune Lizwifne bulugliz whucho tenahudutidli ha whuz whehanꞌaz. ꞋIlhoghun Pharisee ꞌuntꞌoh, ꞌinkꞌez ꞌilhoghun sooniya ꞌilhunaoosꞌaih-un ꞌuntꞌoh.

Luke 18:11

Ndun Pharisee ꞌen dichꞌoh usyin ꞌinkꞌez tenadudli whe njan ndutni, ‘Yakꞌusda musi nyudusni. ꞋAw ꞌuyoonne dune dúlhuztꞌoh. ꞋUyoonne eꞌwhuhalhtsꞌit sooniya be, ꞌenne ꞌaw tsꞌihꞌun lheꞌitꞌohne ꞌuhintꞌoh, ꞌinkꞌez tsꞌekoo kꞌus dunene bulh níntaꞌ ꞌutꞌihne. ꞋInkꞌez ndun sooniya ꞌilhunaoosꞌaih-un, ꞌen cha bundúlh uztꞌoh.

Luke 18:13

ꞋEt ndun sooniya ꞌilhunaoosꞌaih-un, ꞌen cha ꞌudun usyin. ꞋAw ndo hoontsꞌi yutóꞌen ꞌaitꞌoh ꞌinkꞌez yo nilhꞌai. ꞋInkꞌez dudzi kꞌut hoolhchis, ‘Yakꞌusda sgha teꞌninzeh! Lubeshi ꞌulhꞌen-un ꞌustꞌoh,’ ni.”

Luke 19:2

ꞋInkꞌez ꞌet ꞌilhoghun dune ꞌen ꞌet usda, Zacchaeus huyulhni. ꞋEn sooniya ꞌilhunaoosꞌaihne bumoodih, ꞌinkꞌez soo dinꞌa-un.

Luke 5:27

ꞋEt hukwꞌelhꞌaz Jesus ꞌaz whinya ꞌinkꞌez ꞌilhoghun sooniya nalhdzooh-un, Levi huyulhni-un, ꞌutꞌen-un usda whe yunilhꞌen, ꞌinkꞌez uyúlhni, “Sunanyalh.”

John 1:48

ꞋEt Nathanael Jesus yoodulhkut, “Di gha tꞌewhunínzun dantꞌoh-un dune usdli?” ꞋEt Jesus yúlhni, “Mai chun tꞌah sinda daꞌ, Philip ꞌanih nyudutánelh whutsodaꞌ, ꞌet nyunusꞌen,” yúlhni.

John 11:16

ꞋEt Thomas, ꞌen ꞌutꞌudándaꞌ-un huyúlhni, dudulh yugha hodulꞌehne ubúlhni, “Dugweꞌ! Bulh ꞌúztoodilh! Wheni cha si bulh yatsꞌodlah!”

John 14:22

ꞋEt Judas, ꞌaw Judas Iscariot ꞌen iloh, ꞌen Jesus ꞌuyulhni, “Moodihti, ntsꞌenꞌa ꞌuhoontꞌoh whe nyun nghun tꞌetsꞌonózin-un neba ꞌuwhutánlelh, ꞌet hoontsꞌi yinka whuduneꞌne, ꞌenne nyun nghun ꞌaw tꞌéhontászin dini?”

John 14:5

ꞋEt Thomas yoodulhkut whe ꞌuyúlhni, “Moodihti, ntsꞌe tanyalh ꞌaw tꞌetsꞌonúszun, ꞌinkꞌez ntsꞌenꞌa whuz ti tꞌétsꞌontázin?”

John 14:9

ꞋEt Jesus ꞌuyulhni, “Philip, lheꞌwhuldzoh nohbulh ꞌústꞌen, ꞌet ꞌawhuz eh tꞌésunuzínzun? Mbe la sanꞌen-un, ꞌen sBá cha hiyanꞌen. ꞋInkꞌez di ha, ‘MBá bunenilhtun,’ díni?

John 21:2

Simon Peter, Thomas ꞌutꞌudándaꞌ-un, Nathanael, ꞌen keyoh Cana Galilee yun kꞌut whuzꞌai, ꞌet whutꞌen-un, Zebedee ooyeꞌke cha, ꞌinkꞌez ꞌuyoonne nane Jesus yugha hodulꞌehne cha, ꞌenne tsꞌiyawh ꞌalhgoh hudilhtsꞌi whe

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Acts 12:17

ꞋEt buba núlhni whe tꞌehudoosni ꞌubulhni ꞌinkꞌez buba hukwꞌu nuhúlhyeꞌ daja whe neMoodihti ꞌadinꞌai whe tenaínilhti. “James ꞌinkꞌez ꞌon ꞌunne ooba ꞌalha ꞌuhoontꞌohne tsꞌiyawh ꞌubudóhniꞌ,” ubúlhni. ꞋEt ꞌawet ꞌutsꞌun bughu whenája.

Acts 15:13

ꞋEt yahulhduk ꞌetsul ꞌuhudija whe James dudinya ꞌinkꞌez ꞌutni, “Sulhutsinke soo zúlhtsꞌai!

Acts 21:18

ꞋEt ꞌom bun dzin Paul nebúlhtizꞌaz James uztiꞌelh wheni, ꞌinkꞌez la tsꞌiyawh butso whudilhdzulhne, ꞌenne cha ꞌet hudilhtsꞌi.

Galatians 1:19

ꞋEt ꞌonghohne whelꞌaꞌne, ꞌenne ꞌaw lhubusꞌel. NeMoodihti bulhutsin James, ꞌen za ꞌusꞌen.

Galatians 2:9

ꞋInka James, Cephas, ꞌinkꞌez John, ꞌenne butsꞌutni keyoh whuduchun unline, ꞌenne ndi ye unzoo-un ꞌet stlꞌa hónꞌai, ꞌet tsꞌihꞌun unꞌa tꞌehonanzin, ꞌet de Barnabas ꞌinkꞌez si cha ꞌet huwa nela nahúzꞌai. ꞋEt whuz unꞌa tsꞌiyanne whúbuznilhtan, wheni ꞌinkꞌez James, Cephas ꞌinkꞌez John te lhulh ꞌutsꞌintꞌoh za búznidulh. Wheni ꞌudun yun kꞌut whutꞌenne butsꞌúztidulh, ꞌinkꞌez ꞌenne Lizwifne butsꞌu hutidulh.

James 1:1

Si James, Yakꞌusda ꞌinkꞌez neMoodihti Jesus Christ ba ꞌulhna-un usdli. Nohni Lizwifne, mbene la Jesus Christ ooba ꞌalhaꞌ yintꞌohne, nohkeyoh whuchꞌa nohonízyootne ꞌahli, ndi ꞌudustlꞌus nohtsꞌó kꞌesges-i, ndi yun kꞌut whutꞌenne tsꞌiyawh be hadih nohdúsni.

Jude 1:1

Si Jude Jesus Christ be ꞌulhna-un ꞌinkꞌez James bulhutsin ꞌustꞌoh. Nohni Yakꞌusda neBá, ꞌen ba ꞌudun nelyane ꞌinkꞌez Jesus Christ ꞌen be uboontun. ꞋEt nduntꞌohne, ꞌenne ꞌutꞌahályane ꞌuhintꞌoh. Nohni ndi ꞌudustlꞌus nohtsꞌó kꞌesguz.