Matthew 10:28 - Yak'usda Ooghuni

²⁸ Neyustꞌe ughanne bube noolhjut junih. ꞋAw nezul ꞌi hizoolhghelh ꞌaitꞌoh, ꞌet nduntꞌohne, bube noolhjut junih. ꞋEt hoontsꞌi Yakꞌusda nohzul nohyustꞌe bulh kwuncho yo tsꞌe nohtinoh, ꞌen bé noolhjut.

Matthew 10:28 Iomraidhean Croise

Matthew 10:26

ꞋEt huwa ꞌenne bube noolhjut junih! Tsꞌiyaitsuk lubeshi whuꞌiz ꞌuntꞌoh ntilhꞌi-i, tsꞌiyawh tsꞌet ha óotikulh ꞌinkꞌez tꞌewhuntizeh.”

Matthew 25:46

ꞋEt nduntꞌohne, ꞌilhiz wheni dzoh nuhutideh tsꞌe hutidulh. ꞋEt hoontsꞌi tsꞌihꞌun ꞌuntꞌohne, ꞌilhiz whe tsꞌukhuna-un bugha óotakulh.”

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

John 5:29

ꞌinkꞌez la dunáhudódilh. Mbene la ꞌutꞌen unzoo-i ꞌalhꞌénne, ꞌenne dunábudutálelh ꞌilhiz wheni huhutinalh ha, ꞌinkꞌez mbene la hoontsiꞌ tuneꞌ ꞌústꞌenne, ꞌenne cha dunábudutálelh ꞌilhiz wheni dzoh notizut ha buba nahutiyeh.

Acts 21:13

ꞋEt ꞌuneúlhni, “ꞋEt di dahni wheꞌ dahni, ꞌahtso ꞌinkꞌez sdzi tsꞌodi ulhꞌi? Jerusalem sotilhghel ꞌet huba lhadústꞌoh, ꞌet hoontsꞌi ꞌon ꞌun Jesus Christ neMoodihti ꞌen ooba ꞌet datísah huba lhadústꞌoh wheꞌ ꞌustꞌoh.”

Hebrews 10:31

Yakꞌusda khuna-un, oola kꞌetsꞌultsꞌuk te, whe whunujut whe ꞌuhoontꞌoh.

Hebrews 11:35

Be ꞌalha ꞌuhoontꞌoh-i, ꞌi be whulohne tsꞌekoo bughu yaidlane cha za dunahudidil ꞌinkꞌez bughu nahundil. ꞋInkꞌez ꞌuyoonne cha dzoh nubuhulhde, ꞌet hoontsꞌi be ꞌalha ꞌuhoontꞌoh-i, ꞌi be za didutchꞌoh ꞌaw bula nahudutitnih hukwa lheꞌhunízun. ꞋEt whe ꞌon nus hoonzoo hukwꞌunꞌa dunabudutálelh ꞌet nahohootáꞌalh.

James 4:12

ꞋAw ꞌilhoghun za ꞌuntꞌoh ndi khuni netlꞌa ídanꞌai-un. ꞋAw ꞌilhoghun za dune ulhyis-un kꞌus kwuncho yo tsꞌe butilhꞌalh. ꞋEt huwa mbe inli naꞌduninzun whe ꞌuyoonne ba nahanyelh?

1 Peter 3:14

ꞋEt hoontsꞌi tsꞌihꞌun unꞌa ꞌahtꞌen hukwꞌelha, huwa dzoh nahdzut de, ꞌet ꞌukꞌenus hoonzoo-un nohgha whútaltsꞌulh. ꞋInkꞌez nohéꞌ hoonulhjoot de whénoolhjut junih, kꞌus huwu ni oolhleꞌ junih!

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.