Matthew 10:26 - Yak'usda Ooghuni

²⁶ ꞋEt huwa ꞌenne bube noolhjut junih! Tsꞌiyaitsuk lubeshi whuꞌiz ꞌuntꞌoh ntilhꞌi-i, tsꞌiyawh tsꞌet ha óotikulh ꞌinkꞌez tꞌewhuntizeh.”

Matthew 10:26 Iomraidhean Croise

Matthew 10:28

Neyustꞌe ughanne bube noolhjut junih. ꞋAw nezul ꞌi hizoolhghelh ꞌaitꞌoh, ꞌet nduntꞌohne, bube noolhjut junih. ꞋEt hoontsꞌi Yakꞌusda nohzul nohyustꞌe bulh kwuncho yo tsꞌe nohtinoh, ꞌen bé noolhjut.

Mark 4:22

ꞋEt huwa di la whuꞌiz ꞌuntꞌoh-i, tsꞌiyawh tsꞌet ha tíkulh. Kꞌus nonutiꞌ-un tsꞌet halhoohooskat ꞌaitꞌoh.”

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 8:17

Di la nistꞌi-i, nus de tsꞌiyawh ha ootikulh. Di la whuꞌiz ꞌulhꞌen, ꞌi hootꞌen-un, tsꞌet ha ootikulh.

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 4:13

ꞋEt nahíyilhne tꞌehonínzun Peter ꞌinkꞌez John ꞌenne ꞌantsꞌi ꞌoh dune, ꞌaw whulhodílꞌelne ꞌuhintꞌoh. ꞋAw lhoníljut whe yahulhduk, ꞌet huwa buba hooncha, ꞌinkꞌez tꞌehonanzin Jesus Christ yulh nusudilne hinli.

Acts 4:19

ꞋEt Peter John bulh ꞌuhútni. “Nohnichꞌoh hukwꞌu nuní nulhzut, nohkꞌunꞌa tilah kꞌus Yakꞌusda ookꞌunꞌa tilah ꞌuztinelh? Ndet la Yakꞌusda nalh tsꞌihꞌun ꞌuhoontꞌoh?

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

1 Peter 3:14

ꞋEt hoontsꞌi tsꞌihꞌun unꞌa ꞌahtꞌen hukwꞌelha, huwa dzoh nahdzut de, ꞌet ꞌukꞌenus hoonzoo-un nohgha whútaltsꞌulh. ꞋInkꞌez nohéꞌ hoonulhjoot de whénoolhjut junih, kꞌus huwu ni oolhleꞌ junih!