Matthew 10:25 - Yak'usda Ooghuni

²⁵ Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 10:25 Iomraidhean Croise

Matthew 12:24

ꞋEt Phariseene whulh hudantsꞌo whe ꞌuhutni, “Ndun dune, ꞌen Beelzebul, ntsiꞌ-i nududehne bumoodih, ꞌen be ntsiꞌ-i nududeh-i dune tsꞌu ha nanuyukw,” hutni.

Matthew 12:27

Si Beelzebul be ꞌustꞌen de, sudahni nohni nohyeꞌke, kꞌus mbe suba ntsiꞌ-i nududeh-i dune tsꞌu ha nábonuyukw? ꞋEt huwa ꞌenne bugha tꞌewhuntihzeh tankꞌus údahni!

Matthew 9:34

ꞋEt Phariseene ꞌuhútni, “Ntsiꞌ-i nududeh-i bumoodih ye ulhtus-i be ntsiꞌ-i dunne tsꞌu ha hainuyukw!”

Mark 10:39

“Soo la ꞌutsꞌooneh,” huyúlhni. ꞋEt Jesus ubúlhni, “Lubot be tisnelh-i nohni cha tíhtnelh wheꞌ ꞌuntꞌoh. ꞋInkꞌez too béꞌ uzya whuz unꞌa too béꞌ tilhnelh.

Mark 3:22

Moses be ꞌudustlꞌus ꞌukꞌu nunáguzne, Jerusalem tsꞌu haíndilne, ꞌuhutni, “Beelzebul ooyudínda ꞌen yugha óoninꞌai huwa ꞌutꞌen ntsiꞌ-i nududeh-i bughu whenábunuyukw.”

Luke 11:15

ꞋEt whulohne ꞌuhutni, “Beelzebul ntsiꞌ-i nududehne bumoodih be ntsiꞌ-i nududeh-i dune yutsꞌu ha nainanyoot.”

Luke 11:18

ꞋEt whuz unꞌa za Satan lerwe unli-i, didutchꞌoh lhchꞌaz nedinja de, ntsꞌenꞌa ookwꞌúneꞌ whutꞌen tileh? Lheꞌdahni Beelzebul be ntsiꞌ-i nududeh-i dune tsꞌu ha nánusyukw dahni.

Luke 11:19

ꞋEt si Beelzebul be ꞌustꞌen de, ꞌet de sudahni nohni nohyeꞌke mbe be suba ntsiꞌ-i nududeh-i dune tsꞌu ha nábonuyukw? ꞋEt huwa ꞌenne bugha tꞌewhuntihzeh tankꞌus údahni!

John 10:20

Tube lhane, ꞌenne ꞌuhutni, “Ntsiꞌ-i nudúdeh-i ooyudínda! Whusni wheꞌ ꞌutni, di ha oozúlhtsꞌai?”

John 7:20

ꞋEt ꞌilhozdílne ꞌuhuyulhni, “Ntsiꞌ-i nudúdeh-i, ꞌi nyudínda! Mbe nyutuzilhghelh-un hukwunúta wheꞌ dini?”

John 8:48

ꞋEt Lizwifne ꞌuhuyúlhni, “Ꞌalha ꞌi be ntsꞌuyútni nyun Samaria whutꞌen-un ꞌintꞌoh ꞌinkꞌez ntsiꞌ-i nudúdeh-i nyudínda!”

John 8:52

ꞋEt Lizwifne ꞌuhuyúlhni, “ꞋAndit ꞌawet tꞌétsꞌonínzun ntsiꞌ-i nudúdeh-i nyudínda! Abraham ꞌinkꞌez nus hóoꞌenne yahadla, ꞌet hoontsꞌi ꞌunedíni, mbene la nghuni yoontúnne, ꞌaw dahóotsah ꞌaítꞌoh díni.