Matthew 10:20 - Yak'usda Ooghuni

²⁰ ꞋAw nohnichꞌoh iloh yatilhduk. NohBá ooyughi ꞌi ꞌudutinelh.

Matthew 10:20 Iomraidhean Croise

Matthew 6:32

ꞋAlhaꞌ ꞌudun yun kꞌut whutꞌenne hukwa hitísꞌen. ꞋInkꞌez ꞌalha ꞌi be nohBá yakꞌuz usda-un, ndai hoonli be tsꞌuwhulhdoh-i, tsꞌiyawh tꞌeooninzun.

Mark 12:36

ꞋEt David Ndoni ꞌi gha la ꞌet ndutni, ‘Moodihti ꞌen sMoodihti ꞌúyulhni nailhni tsꞌunkꞌus sinda. Nchꞌaz ditnine bukꞌut nke naóolhyis mba ubooselh ꞌet whutsꞌun.’

Luke 11:13

Nohni lubeshi ꞌulhꞌenne ꞌahli, ꞌet hoontsꞌi tꞌeoonáhzun unzoo-i nohuzkeh gha tíhlelh. ꞋEt dáwhulcho-i be ꞌon nus ndo yakꞌuz nohBá yoodulhkutne, Ndoni bugha tíꞌalh.”

Luke 12:12

Soo ꞌet whudizulh-un Ndoni whunoh untilhtun daja dutihnelh-un.”

Luke 21:15

Khuni ꞌinkꞌez be wháhnih-i nohtlꞌa dutisꞌalh. Mbene la nohchꞌaz ditnine ꞌaw nohtsꞌoohoodódlai ꞌaitꞌoh. ꞋInkꞌez ꞌaw daja ꞌuhudooniꞌ ꞌaitꞌoh.

Acts 13:9

ꞋEt Saul, ꞌen Paul cha huyúlhni, Ndoni kꞌuneꞌ yulꞌen whe soo cho yunin tsꞌe yunilhꞌen

Acts 2:4

ꞋEt dilhtsꞌíne tsꞌiyawh Ndoni buyudíltsꞌut ꞌinkꞌez khuni whutsodaꞌ tꞌehinúszun-i be yawhehúnilhduk, ꞌet Ndoni bugha óoninꞌai ndo dooniꞌ ha.

Acts 28:25

ꞋEt Lizwifne lhdulhyo ꞌuhudutni. ꞋEt ꞌaz náhidulh whe Paul njan dúbulhni, “Dalcho-i be Ndoni ꞌen Yakꞌusda be nus hóoꞌen-un Isaiah huyúlhni-un, yudániꞌ ndi khuni nohtsodáꞌne butlꞌa ídooꞌalh ha.

Acts 4:8

Ndoni Peter ꞌon nus ulhtus yulhtsi whe ubúlhni, “Israel ooduneꞌne bumoodihne ꞌinkꞌez butso whúdilhdzulhne cha,

Acts 6:10

ꞋEt hoontsꞌi Stephen Ndoni gha whunih kꞌet yalhduk te ꞌaw hichꞌa oolhdeh ꞌaítꞌoh.

2 Corinthians 13:3

Si sgha Christ yalhduk tꞌewhuntáhzin hukwaꞌ nahzun, ꞌinka whuz unꞌa nohdásniꞌ. ꞋInkꞌez ꞌalhaꞌ ꞌen ꞌuntꞌoh nohtsꞌun telhítsun, ꞌinkꞌez nohtoh ꞌukꞌenus úlhtus-un ꞌuntꞌoh.

1 Thessalonians 2:13

ꞋEt huwa wheni negha Yakꞌusda ooghuni dáhtsꞌo ꞌet tsꞌiyawh hoonáhtꞌiꞌ whe ulhchoot. Yinka dune ghuni iloh kꞌunꞌa úlhchoot. ꞋAlhaꞌ hoontꞌoh Yakꞌusda ooghuni ꞌuntꞌoh. Ndi khuni ꞌi be ꞌon nus ulhtus nóhulhtsi. Nohni ooba ꞌalhaꞌ yintꞌohne, ndi khuni ulhchoot ꞌet huwa ꞌetsul lheꞌtsꞌudísni whe Yakꞌusda musi tsꞌutni.

1 Peter 1:12

ꞋInkꞌez ndunne nus hooꞌenne, ꞌenne Yakꞌusda whubunilhtan ꞌaw ꞌenne buba lheꞌhootꞌoh. ꞋEt kꞌus wheni za neba nus húhonꞌen. ꞋEt ꞌawet ndunne khuni unzoo-i be yalhdukne, ꞌenne Ndoni yakꞌuz ndus de hálꞌaꞌ-un, ꞌen be nohodániꞌ. ꞋInkꞌez nduhoontꞌoh-un, lizasne, ꞌenne hoontsꞌi nahahootáꞌalh hukwaꞌ huninzun.

2 Peter 1:21

ꞋEt ndi khuni ꞌi be nus tꞌeznanzin-i, ꞌaw dune didutchꞌoh hukwaꞌ huninzun huwa iloh whe neba ꞌukꞌeguz. ꞋEt kꞌus Yakꞌusda ooduneꞌne, mbe la oochꞌeꞌne, ꞌenne ntsꞌenꞌa Ndoni whubúnilhtan yahutilhduk-un, ꞌet whuz unꞌa za yahalhduk whe ꞌukꞌehónguz.