Matthew 10:2 - Yak'usda Ooghuni

² ꞋEt whunizyane ꞌon ꞌat nane whelꞌaꞌne bubooziꞌ; ꞌudechoo Simon, Peter cha huyulhni; bulhutsin ꞌen Andrew; James cha Zebedee ooyeꞌ, ꞌinkꞌez bulhutsin John;

Matthew 10:2 Iomraidhean Croise

Matthew 17:1

ꞋEt whulh lhkꞌu tat dzin inleꞌ whe Jesus Peter, James, ꞌinkꞌez bulhutsin John, ndo dzulh kꞌuz dulh ubílya.

Matthew 20:20

ꞋEt Zebedee buzkeh duloo te, Jesus tsꞌo tizdil huyoodutalhkut ha. Buloo yubut nachaniti.

Matthew 26:37

Peter ꞌinkꞌez Zebedee buzkeh, nane, ubilhchoot ꞌinkꞌez dulh whebildilh. ꞋEt tsꞌodi cho ookꞌé diltsꞌut ꞌinkꞌez oodzi tube yo ꞌuja.

Matthew 4:18

Bunghun Galilee taba Jesus ꞌoh whuya uyalh ꞌet nane dune lhulhutsinke ꞌubutilhꞌen. ꞋIlhoghun ꞌen Simon huyulhni Peter cha huyulhni, ꞌet ꞌilhoghun bulhutsin ꞌen Andrew huyulhni. ꞋEnne lhembilh tahúyalhdil lho ha ꞌutꞌenne hinli.

Matthew 4:21

ꞋOn ꞌun hidulh ꞌet doo cha za nane dune tilhꞌen. ꞋEnne cha lhulhutsinke Zebedee ooyeꞌke. ꞋIlhoghun James huyulhni ꞌinkꞌez ꞌilhoghun John huyulhni. Dubá te tsꞌi be húdilhtsꞌi ꞌinkꞌez dulembil nahuyutlꞌoo. Jesus bukahizya.

Mark 1:29

Lizwif lugliz tenáhundil whe Simon ꞌinkꞌez Andrew buyoh tsꞌe dahunindil, James ꞌinkꞌez John hiyulh naꞌaz.

Mark 13:3

ꞋEt Lizwif bulugliz whucho whanchꞌaz shus Olive, ꞌi kꞌut, ꞌet Jesus usda. Peter, James, John, ꞌinkꞌez Andrew te disoh Jesus huyoodulhkut.

Mark 6:30

ꞋEt whelꞌaꞌne whusanáhidil ꞌinkꞌez Jesus te ꞌilhuhozdil ꞌet hidániꞌ ntsꞌoh te néꞌhustꞌen ꞌinkꞌez ndet dune whubuhodalhꞌeꞌ.

Luke 11:49

ꞋEt huwa Yakꞌusda ye whunih-i, ꞌi be ꞌet ndutni, ‘Nus hooꞌenne ꞌinkꞌez whelꞌaꞌne, ꞌenne butsꞌu butisꞌalh. ꞋEnne whulohne dzoh nubotilhdzut ꞌinkꞌez ꞌonghohne cha hubotighan.’

Luke 22:14

ꞋAwet ꞌoh whuya whudizulh-un whusahóoltsꞌut, ndunne whunizyane ꞌon ꞌat nane whelꞌaꞌne bubulh natlꞌa didaꞌ.

Luke 22:8

ꞋInkꞌez ꞌet Jesus, Peter ꞌinkꞌez John bulh whe balhꞌaꞌ ꞌinkꞌez ꞌubulhni, “Ahꞌus ꞌinkꞌez neba lhaoodahleh butus lhuseya-un ꞌet naꞌuztitꞌulh-un.”

Luke 5:10

ꞋEt James ꞌinkꞌez John Zebedee ooyeꞌke ꞌenne Simon tsꞌu ditnine whe húnilhjoot. ꞋEt Jesus yulhni, “Simon khun whenoljut junih. ꞋAndit whutsꞌun dune haꞌ tantꞌelh.”

Luke 9:10

ꞋEt whelꞌaꞌne whusanáhidil whe dahítꞌen-un tsꞌiyawh hidaniꞌ. ꞋInkꞌez njan Bethsaida keyoh whunat disoh tsꞌe whébanla.

John 12:22

ꞋEt Philip, Andrew yughu ninya ꞌinkꞌez yudániꞌ, ꞌinkꞌez Andrew Philip bulh Jesus hidániꞌ.

John 13:23

ꞋEt ꞌilhoghun yugha hodulꞌeh-un, Jesus kꞌus yúkꞌensiꞌ-un soo yuzih kꞌut usda,

John 20:2

ꞋEt ꞌawet Simon Peter ꞌinkꞌez nyoon ꞌilhoghun Jesus yugha hodulꞌeh-un kꞌus yúkꞌensiꞌ-un, ꞌen bulh, bughulgai ꞌinkꞌez ꞌúbulhni, “NeMoodihti oozi huyílhchoot. ꞋUtsꞌun whe húyalhti, ꞌinkꞌez ꞌaw tꞌétsꞌonúszun ntsꞌe suba whe húyalhti.”

John 21:2

Simon Peter, Thomas ꞌutꞌudándaꞌ-un, Nathanael, ꞌen keyoh Cana Galilee yun kꞌut whuzꞌai, ꞌet whutꞌen-un, Zebedee ooyeꞌke cha, ꞌinkꞌez ꞌuyoonne nane Jesus yugha hodulꞌehne cha, ꞌenne tsꞌiyawh ꞌalhgoh hudilhtsꞌi whe

John 21:20

ꞋEt Peter ꞌawh nalhꞌa whe nyoon mbe Jesus kꞌus yúkꞌensiꞌ-un, ꞌen ꞌuja ꞌudekꞌez naꞌhútꞌalh-un yutsꞌun leꞌ ꞌuja ꞌinkꞌez yoodulhkut, “SMoodihti, mbe ꞌuja nyeꞌ ꞌónket?” yúlhni, ꞌet Peter ꞌawh nalhꞌa whe ꞌen ꞌubuniyalh whe yutilhꞌen,

John 21:24

ꞋEt ndun yugha hodulꞌeh-un, mbe Jesus ꞌukꞌenus yukꞌentsiꞌ-un, ꞌen ꞌudaniꞌ njan howu yailhduk ꞌinkꞌez ꞌukꞌehoonguz ꞌinkꞌez daja daniꞌ la soo ꞌalha ꞌuhoontꞌoh ꞌet tꞌétsꞌonínzun.

John 6:67

ꞋEt Jesus ndunne whunizyane ꞌon ꞌat nane yugha hodulꞌehne uboodulhkut, “Nohni cha eh schꞌa natihdulh hukwaꞌ nahzun?” ubúlhni.

John 6:70

ꞋEt Jesus ꞌubulhni, “ꞋAlhaꞌ iloh lakw nohni whunizyane ꞌon ꞌat nane, ꞌenne ꞌutáhanóhisdla, ꞌinkꞌez nohtoh ꞌilhoghun ꞌen netsudule unli.”

John 6:71

Judas Iscariot, Simon ooyeꞌ, ꞌen ghu yalhduk whe ꞌutni, ꞌen ꞌutinelh yeꞌ óotakulh tꞌéwhunínzun ꞌinka ꞌutni. ꞋEn cha whunizyane ꞌon ꞌat nane ꞌilhoghun butoh ꞌuntꞌoh.

John 6:8

ꞋIlhoghun Jesus yugha hodulꞌeh-un, Andrew, Simon Peter bulhutsin, ꞌen Jesus ꞌuyulhni,

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Acts 1:26

ꞋEt nahúltꞌoh bubooziꞌ tse kꞌehúyinguz ꞌinkꞌez huyuntílhgai kꞌus umbe booziꞌ ndo nádilhtsꞌut-un, ꞌen ꞌutahatíltelh. ꞋInkꞌez Matthias ꞌen whelꞌaꞌne whunizyane ꞌon ꞌat ꞌilhoghun hinli whe butanínya.

Acts 12:2

ꞋEt James, John bulhutsin huwá balhꞌaꞌ whe saluzti be hizilhghi.

Acts 3:1

ꞋEt ꞌilhudzin Peter ꞌinkꞌez John bulh dzetniz hukwꞌelhꞌaz, 3:00 atꞌen ꞌuhúnitꞌoh Lizwif bulugliz whucho tsꞌótizꞌuz, tenahududli neóoninzut ꞌet wheni.

1 Corinthians 15:7

ꞋEt James ꞌen cha yunalhtsꞌet hainya, ꞌinkꞌez whélꞌaꞌne, ꞌenne tsꞌiyawh bunalhtsꞌet hainya.

Ephesians 4:11

ꞋEn za ꞌutꞌen, whulohne cha whelꞌaꞌne butlꞌa hónꞌai. Whulohne cha nus hooꞌenne butlꞌa hónꞌai. ꞋEt whulohne cha khuni unzoo-i be yahutilhduk-un, ꞌet butlꞌa hónꞌai. ꞋInkꞌez whulohne cha Yakꞌusda ba ꞌilhunaoosdilne bughu tilehne ꞌinkꞌez dune hodutilhꞌehne, ꞌet cha butlꞌa hónꞌai wheꞌ hutꞌen.

Hebrews 3:1

ꞋInka sulhutsinke, nohni Yakꞌusda oochꞌeꞌne ꞌahli. Soo hoonzoo hukwꞌunꞌa ndi yun kꞌut dólhtsꞌi ꞌet nohtsꞌu hukwaꞌ ninzun. ꞋEt huwa nohni tsꞌiyawh Christ Jesus ꞌen za ooghuni záhtan ꞌinkꞌez ꞌen ookꞌunꞌa oohtꞌeꞌ. ꞋEn whelꞌaꞌ-un ꞌuntꞌoh, ꞌinkꞌez be neba ꞌalha ꞌuhoontꞌoh-un, ꞌet huba neba lubret ꞌukꞌenus diztiꞌ-un unli.

1 Peter 1:1

Si Peter Jesus Christ ꞌen gha whelꞌaꞌ-un usdli. Nohni Lizwifne dukeyoh whutꞌenne ꞌahli inleꞌ. ꞋAwet lhelhdun keyoh whutꞌenne suhliꞌ. Pontus, Galatia, Cappadocia, Asia, ꞌinkꞌez Bithynia cha. ꞋEt ꞌóh ho ndulcho whe ꞌatsulyaz huba nenáhtna. Yakꞌusda ba ꞌutahalyane ꞌahtꞌoh. Nohni nohtsꞌo kꞌeꞌisguz.

2 Peter 1:1

Si Simon Peter Jesus Christ ꞌen beꞌ ꞌulhna-un ꞌinkꞌez whelꞌaꞌ-un cha usdli. NeYakꞌusda neulhyis-un Jesus Christ, ꞌen ye tsꞌihꞌun unꞌa ꞌuntꞌoh-i, ꞌi be njan be ꞌalha ꞌuhoontꞌoh-i díztiꞌ-i, nohni cha ꞌinkꞌez wheni cha ꞌalhgoh neghaltsꞌut. ꞋEt huwun nohtsꞌo kꞌeꞌusges.

2 John 1:1

Si ꞌutso whudilhdzulh-un, tsꞌeke ꞌutahálti-un ꞌinkꞌez buzkeh cha butsꞌó kꞌeꞌusges. ꞋEnne bukꞌesiꞌ. ꞋAw si za iloh. Mbene khuni ꞌalhaꞌ ꞌuntꞌoh-i tꞌeninzunne, ꞌenne cha bukꞌehinsiꞌ.

3 John 1:1

Si John ꞌutso whudilhdzulh-un Gaius tsꞌiyanne yukꞌensiꞌ-un, ꞌen soo ꞌalhaꞌ ookꞌesiꞌ-un, ꞌen ootsꞌó kꞌeꞌusges.

Revelation 1:1

Ndi khuni ꞌi Jesus Christ dune buba tsꞌet ha hónla-i ꞌuntꞌoh. Yakꞌusda yutlꞌa ídanꞌai be ꞌulhnane bunalhtsꞌet ha hóokat ha. ꞋAwet nilhdukw daóotanelh-un, ꞌet huwun. Dulizas ꞌen dude ꞌulhna-un John ꞌen yughe nílhꞌaꞌ.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,

Revelation 18:20

“Nohni yakꞌuz whutꞌenne ꞌinkꞌez nohni Yakꞌusda oochꞌeꞌne, whelꞌaꞌne cha, ꞌinkꞌez nus hooꞌenne cha ndun tsꞌeke ꞌulꞌen-un bulh dahooja, ꞌet huwa soo cho whunúlhni! Ntsꞌenꞌa nohba nahizya whuz unꞌa Yakꞌusda nohba yukꞌelha whulhtsi ꞌet huwa.”

Revelation 22:8

ꞋInkꞌez si, John, ndo ho hoosꞌen ꞌinkꞌez whudástsꞌo whe lizas whusúnilhtan-un, ꞌet huwa ꞌen oobut nachánisno ootsꞌun teniꞌ untisdzilh ha.