Matthew 10:19 - Yak'usda Ooghuni

¹⁹ ꞋAwet whutlꞌa nohuhanla de, daja dutihnelh, huwu ni oohleꞌ junih. Ntsꞌoya hoozulh whe be yátilhduk-i, ꞌet la tꞌewhunoohzeh.

Matthew 10:19 Iomraidhean Croise

Matthew 10:18

Yun kꞌut whumoodihne ꞌinkꞌez lerwene cha si sgha bubut nenóhotalelh. ꞋInkꞌez si sghun whubuntilhtun. ꞋUdun yun kꞌut whutꞌenne cha si sghun whubuntilhtun.

Matthew 6:25

“ꞋEt huwa njan ndunóhdusni, yinka dúlhtsꞌi-un huwu ni oohleꞌ junih. Tihꞌulh-i ꞌinkꞌez tihnelh-i cha, ꞌinkꞌez nohyustꞌe soo naidutihleh, ꞌi cha, ꞌi tsꞌiyawh ooghuni oohleꞌ junih. Tihꞌulh-i be háhna-i anus diztiꞌ nahzun eh? Kꞌus naih ꞌi nohuyustꞌe anus diztiꞌ nahzun eh?

Matthew 6:31

ꞋEt huwa khun lhoodolhkut junih, di suba tsꞌooꞌalh, kꞌus di suba tsꞌootnaiꞌ, kꞌus di suba be dune tsꞌooleꞌ, noohzin junih.

Matthew 6:34

ꞋEt huwa bunde dawhútanelh, ꞌet howu ni oohleꞌ junih. Bunde daootanelh la, ꞌet la ndo honeh. Dzin totsuk sooꞌ hoolcho whe huwu ni hooli ꞌet huwa.”

Luke 12:11

ꞋInkꞌez lizwifne lugliz, kꞌus nahiyilhne, kꞌus moodihne cha bubut nenohonilhya de, daja dutihnelh-un, ꞌet huwu ni oohleꞌ junih.

Luke 12:12

Soo ꞌet whudizulh-un Ndoni whunoh untilhtun daja dutihnelh-un.”

Acts 6:10

ꞋEt hoontsꞌi Stephen Ndoni gha whunih kꞌet yalhduk te ꞌaw hichꞌa oolhdeh ꞌaítꞌoh.

Philippians 4:6

Hoonli huwu ni oohleꞌ junih! ꞋEt kꞌus tsꞌiyaitsuk ooba tenadahdli. ꞋInkꞌez tedahdlih, ꞌinkꞌez musi dóhniꞌ. Be ndunihzut-i, ꞌi tsꞌiyawh Yakꞌusda tsꞌun ookaꞌ dahni.

2 Timothy 4:17

ꞋEt hoontsꞌi neMoodihti szih inyin ꞌinkꞌez ꞌen ye ulhtus-i, ꞌi gha ꞌustus inleꞌ. ꞋEt ndi ulhtus-i, ꞌi be si sgha la ndi Yakꞌusda be ba yaduk-i, ꞌi tsꞌiyawh tsꞌihꞌun unꞌa huyoozálhtsꞌaiꞌ. ꞋEt de la ꞌuyoonne ꞌudun yun kꞌut whutꞌenne cha tsꞌiyawh huyoozólhtsꞌaiꞌ. ꞋInkꞌez cha neMoodihti ꞌen khuna-iti sutuzilhghelh-i yuchꞌá sulhyih.

James 1:5

ꞋEt nohni whulohne Yakꞌusda be whútnih-i ꞌaw lhahtꞌih de, ꞌet de Yakꞌusda hika huyoodolhkut. ꞋEt de ye dánzoo whe bugha ítaꞌalh. ꞋInkꞌez ꞌaw yooya uboolhtselh ꞌaitꞌoh.