Matthew 10:18 - Yak'usda Ooghuni

¹⁸ Yun kꞌut whumoodihne ꞌinkꞌez lerwene cha si sgha bubut nenóhotalelh. ꞋInkꞌez si sghun whubuntilhtun. ꞋUdun yun kꞌut whutꞌenne cha si sghun whubuntilhtun.

Matthew 10:18 Iomraidhean Croise

Matthew 10:17

Whulohne dune buchꞌa khohleꞌ. Lizwif nahiyilhne bubut nenóhotalelh. ꞋInkꞌez Lizwif lugliz whambez tsꞌe ꞌet nohohóotalhtsus.

Matthew 10:19

ꞋAwet whutlꞌa nohuhanla de, daja dutihnelh, huwu ni oohleꞌ junih. Ntsꞌoya hoozulh whe be yátilhduk-i, ꞌet la tꞌewhunoohzeh.

Matthew 8:4

ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”

Mark 13:9

Nohnihchꞌoh huwohleꞌ. Keyoh huwunline but nenóhotalelh ꞌinkꞌez lugliz nohoohootalhtꞌoh. ꞋEt si sgha moodihne ꞌinkꞌez lerwene cha bubut nenóhotalelh. ꞋEt Si sghu tꞌewhunoozeh.

2 Timothy 1:8

ꞋEt huwa ꞌuyoonne neMoodihti ghun bubulh yailhduk de, khun hukwaya ꞌonleꞌ junih. ꞋInkꞌez si cha ꞌadusꞌai-un, ꞌet cha khun hukwaya ꞌonleꞌ junih. Kꞌus ꞌuyoonne khuni unzoo-i be bubulh yaílhduk whe dzoh ninzut de, ꞌet de Yakꞌusda ye ulhtus-i, ꞌi gha ꞌíntꞌen.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,

Revelation 11:7

ꞋAwet ndunne nane bunalh ꞌúhoojane dune bulh yáhalhduk-un, ꞌetsul ꞌuhudíja de, khuna-iti ntsiꞌ-i tsa kꞌet whucho whutlꞌah hooloh halget-i, bubulh lhútigan, buchꞌaꞌ tilhdoh, ꞌinkꞌez bubutuzilhghelh.

Revelation 6:9

ꞋEt ndet bulh kwulaiꞌ-i ꞌudustlꞌus be lhídildze-i yudáhaꞌ dalhchꞌul whe mbene la Yakꞌusda ooghuni gha ꞌinkꞌez highuni ghu yalhdukne dune ubanghanne buzul, ꞌenne loodel tꞌah bubutísꞌen.