Matthew 10:17 - Yak'usda Ooghuni

¹⁷ Whulohne dune buchꞌa khohleꞌ. Lizwif nahiyilhne bubut nenóhotalelh. ꞋInkꞌez Lizwif lugliz whambez tsꞌe ꞌet nohohóotalhtsus.

Matthew 10:17 Iomraidhean Croise

Matthew 10:18

Yun kꞌut whumoodihne ꞌinkꞌez lerwene cha si sgha bubut nenóhotalelh. ꞋInkꞌez si sghun whubuntilhtun. ꞋUdun yun kꞌut whutꞌenne cha si sghun whubuntilhtun.

Matthew 20:19

ꞋInkꞌez ꞌudun yun kꞌut whutꞌenne butlꞌa hitilhtelh. Butlꞌa húyalhti de, highu tidloh, huyootalhtsus, ꞌinkꞌez tulalhgus kꞌehuyitalhtelh. ꞋInkꞌez hukwꞌelhꞌaz whulh tat dzin dunadutádalh.”

Matthew 23:34

ꞋEt hukwa soo cho soo zulhtsꞌai, nus hooꞌenne, dune whunihne cha, ꞌinkꞌez Yakꞌusda ooghuni hodulhꞌehne cha, tsꞌiyawh nohtsꞌú butisꞌalh. Whulohne butihghan. Tulalhgus ubunduntálhtꞌoh. Whulohne nohlugliz bez tsꞌe ꞌet ubootalhtsus. Lhelhdun keyoh nubuntihyulh ꞌinkꞌez dzoh nubutilhdzut.

Matthew 26:59

ꞋEt lubret bumoodihne, ꞌinkꞌez ꞌutso whudilhdzulhne, ꞌinkꞌez nahiyilhne cha, tsꞌiyawh hoonli whutsꞌit huwun highu nahóꞌalh hukwaꞌ hutꞌen hituzilhghelh ha.

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Mark 13:12

Dune dulhutsinke dahútitsah-un huwá botalelh. Bubáke cha, duduzke ꞌet ndúbotilhꞌelh, ꞌinkꞌez tsꞌoodunne cha, dudusne buchꞌaz náhulhya ꞌinkꞌez dahátitsah-un huwá botalelh.

Mark 13:9

Nohnihchꞌoh huwohleꞌ. Keyoh huwunline but nenóhotalelh ꞌinkꞌez lugliz nohoohootalhtꞌoh. ꞋEt si sgha moodihne ꞌinkꞌez lerwene cha bubut nenóhotalelh. ꞋEt Si sghu tꞌewhunoozeh.

Luke 12:11

ꞋInkꞌez lizwifne lugliz, kꞌus nahiyilhne, kꞌus moodihne cha bubut nenohonilhya de, daja dutihnelh-un, ꞌet huwu ni oohleꞌ junih.

John 11:47

ꞋEt hukwa lubret bumoodihne ꞌinkꞌez Phariseene yahútilhduk wheni ꞌilhúnahosdil ꞌinkꞌez ꞌuhutni, “Ntsꞌenꞌa dáztinelh? Ndun dune stabe lhat-un hooncha teneꞌútꞌen!

John 16:2

Lugliz whuchꞌa nóhjoot la. ꞋEt ꞌawet ꞌoh de whuz de whudizulh, ꞌet de la mbe la nohzilhghi-un Yakꞌusda ba ꞌuhutꞌen untizilh.

Acts 17:14

ꞋEt ꞌahoh ooba ꞌalha ꞌuhoontꞌohne Paul yatooꞌ ba tsꞌe whe náhuyalhꞌaꞌ ꞌet hoontsꞌi nahúltꞌo Silas Timothy bulh Berea ꞌawet hankeꞌ.

Acts 22:19

ꞋInkꞌez ꞌudusni, ‘NeMoodihti, soo cho tꞌehonínzun lugliz totsuk whe mbe la nyun ooba ꞌalhaꞌ ꞌuntꞌohne tsꞌiyawh ubuschuk ꞌinkꞌez dzoh nubusdzut inleꞌ.

Acts 26:11

Si ꞌudusni huwa lugliz totsuk dune dzoh nubuhulhdeh Jesus Christ hichꞌaz naóolꞌah hukwaꞌ busꞌen. Whuz tube bubulh húnuzchꞌoh kꞌet nilhdzaꞌ keyoh hoontsꞌi bubúnunúsya dzoh nubutisdzut ha.”

Acts 9:2

ꞌinkꞌez yoodulhkut keyoh Damascus huwhutni tsꞌe Lizwif bulugliz whulubretne duba butsꞌó kꞌehooꞌooges butsꞌu húkwaꞌ ꞌutni, ndunne Jesus kꞌunꞌa ꞌuninzunne tsꞌiyawh dune ꞌinkꞌez tsꞌekoo cha ꞌabule, ꞌinkꞌez Jerusalem tsꞌe nabutoolaꞌ ha ꞌet wheni.

Philippians 3:2

Mbene lhike ndultꞌohne buchꞌa huwahli. ꞋInkꞌez ꞌutꞌen ntsiꞌ-i ꞌulhꞌenne cha buchꞌa huwahli. ꞋInkꞌez yanéꞌdudutꞌasne cha buchꞌa huwahli.

2 Timothy 4:15

Nyun cha ookwa huwonleꞌ. ꞋEn dune ulhtus-i be neghuni dulhyoh ꞌitꞌelh-un ꞌuntꞌoh ꞌet huwa.

Hebrews 11:36

ꞋUyoonne cha ꞌenne bughu hudlo ꞌinkꞌez whulohne bubuhoolhtsas. ꞋInkꞌez whulohne tlꞌoolh be bubuhulhghel ꞌinkꞌez ꞌabahanla.