Matthew 10:16 - Yak'usda Ooghuni

¹⁶ “Whunulhꞌen, ꞌantsꞌi ꞌusbai yus yugha óolhꞌaz leꞌ hoontꞌoh tsꞌe whuz nohtisꞌaꞌ. ꞋEt huwa tlꞌughus kꞌunꞌa whunih oohleꞌ ꞌinkꞌez dutꞌai, dove huyulhni, ꞌi kꞌunꞌa nohbulh dune ndólhdaꞌ junih.

Matthew 10:16 Iomraidhean Croise

Genesis 3:1

ꞋEt tlꞌughus ꞌi lhelhdoh didoh-i Moodihti Yakꞌusda (Yahweh Elohim) ꞌuyinla-i unli ꞌinkꞌez tsꞌeke ꞌulhni, “Duchun yun kꞌut whuduchun ꞌaw tsꞌiyawh lhuzoohꞌal, ni eh?”

Genesis 3:13

ꞋInkꞌez Moodihti Yakꞌusda (Yahweh Elohim) tsꞌeke ꞌulhni, “Dahoontꞌoh-un dainja?” ꞋInkꞌez tsꞌeke ꞌutni, “Tlꞌughus nasunanꞌa ꞌinkꞌez usꞌal.”

Matthew 24:25

ꞋEt soo zulhtsꞌai, whutsodaꞌ nohdásniꞌ.

Matthew 24:45

“Kꞌus mbe ꞌulhna-un tsꞌihꞌun ꞌuntꞌoh ꞌinkꞌez whunih-un ꞌuntꞌoh? Oomoodih dichꞌoh de ꞌulhna-un, ꞌonghohne de ꞌulhnane duyoh humoodih yutilhtselh. ꞋAwet ꞌet neooninzut de, ꞌonghohne hitiꞌulh-i bugha itaꞌalh.

Matthew 25:2

Kwulane, ꞌenne huwhunih ꞌinkꞌez kwulane, huwhusni.

Matthew 25:4

ꞋEt hoontsꞌi whunihne too dizkꞌun denáhitilhdzoh-i cha hutizdla.

Matthew 25:9

ꞋEt whunihne, ‘ꞋAwúndooh!’ hutni ‘Nohgha uznilhdzo de, nohni cha ꞌinkꞌez wheni cha ꞌaw neba soo lhéꞌiltsuk. ꞋEt hoontsꞌi ꞌeꞌóoket tsꞌe whuz ꞌahdulh, ꞌinkꞌez nohnichꞌoh oohket.’

Luke 10:3

ꞋAwet ꞌahdulh ꞌinkꞌez soo zúlhtsꞌai! Whunulhꞌen, ꞌusbaiyaz kꞌunꞌa yús toh tsꞌe nohtísꞌaꞌ.

Luke 21:15

Khuni ꞌinkꞌez be wháhnih-i nohtlꞌa dutisꞌalh. Mbene la nohchꞌaz ditnine ꞌaw nohtsꞌoohoodódlai ꞌaitꞌoh. ꞋInkꞌez ꞌaw daja ꞌuhudooniꞌ ꞌaitꞌoh.

Acts 20:29

Tꞌéoonúszun whenásja de, dune untsiꞌne, yus huske-i kꞌunꞌa ꞌuntꞌohne, ꞌenne nohtoh nehútidulh, ꞌinkꞌez nohóduntálhdah, ꞌinkꞌez ꞌaw nohghaꞌ holeꞌ ꞌaitꞌoh.

1 Corinthians 14:20

Sulhutsinke noheni be tsꞌoodunne kꞌunꞌa oohtꞌeꞌ junih noheni be. ꞋEt chalhtsꞌul dahíntꞌoh la ꞌaw hoontsiꞌ-un tꞌehonuszun, ꞌet whuz unꞌa oohtꞌeꞌ. ꞋEt hoontsꞌi dune suliꞌ kꞌunꞌa nuní noohzut.

2 Corinthians 1:12

ꞋEt neyo tsꞌe oogha tꞌetsꞌoninzun-i ndi whunénulhtun, ꞌi za tsꞌuhóontꞌiꞌ whe howu yatsꞌoolhduk. ꞋEt whe whunénilhtan ndi yun kꞌut uzdaltsꞌiꞌ. Yakꞌusda oobé ꞌalhaꞌ nudzun-i, ꞌinkꞌez ꞌaw nanki khuni be yalhtsꞌusduk, ꞌet whuz unꞌa za ꞌukꞌenus nohtoh ꞌuzdáltsꞌiꞌ. Ndi yun kꞌut whutꞌenne be whútnih-i, ꞌi be lheꞌtsꞌilel. Yakꞌusda ye unzoo-i, ꞌi gha ꞌutsꞌitꞌen. ꞋEt whuz unꞌa ne-eni toh whudizꞌai-i whunénilhtan.

2 Corinthians 11:14

Khun te nohba hooncha ooleꞌ junih! Satan ꞌen lizas be hootꞌen-un naꞌdudilꞌi ꞌet huwa.

2 Corinthians 11:3

ꞋEt hoontsꞌi ꞌudaꞌ nyoo tlꞌughus ye ꞌutsꞌun ꞌuninzun-i, ꞌi be Eve yunanꞌa, ꞌet whenuzjut nohni cha ꞌet whuz unꞌa noheni nintaꞌitálhꞌelh. ꞋEt ndúhooja de, noheni Christ tsꞌun ꞌaw ꞌilho ooleꞌ ꞌaitꞌoh.

2 Corinthians 8:20

Ndi huwantꞌai-i whutaztilelh-i ꞌaw ooka nekꞌéholtsꞌi junih. ꞋEt whuchꞌa neꞌtsꞌutꞌen.

Philippians 2:15

Nohkꞌehóotaltsꞌulh-un, ꞌet whuyit ꞌuhtꞌoh ꞌinkꞌez ootsun hoolohne oohleꞌ, ꞌet whuz unꞌa Yakꞌusda buzkeh tihleh ꞌet whe ꞌaw nohkꞌeꞌ holtsꞌit ꞌaitꞌoh. Ndunne tankꞌus ꞌúntꞌohne ꞌinkꞌez lubeshi ꞌukꞌenus ntsiꞌ-i ooleh hukwaꞌ ꞌutꞌenne, ꞌenne butoh ꞌulhdzis be hootꞌen-i kꞌunꞌa oohtꞌeꞌ.

Colossians 1:9

ꞋEt whula gha tsꞌe ꞌoh daꞌ ndet dzin whulh ꞌúzdantsꞌo, ꞌoh daꞌ whutsꞌun nohba tenazdudli-un ꞌaw ꞌetsul lheꞌtsꞌudísni. Whuz unꞌa Yakꞌusda nohba tsꞌoodulhkut whe nohtsꞌo hukwaꞌ ninzun-un, soo tsꞌihꞌun unꞌa tꞌewhunoohzeh. ꞋEt whe Ndoni ꞌen be, be whutnih-i ꞌinkꞌez be tꞌeoonudzun-i cha, ꞌi tsꞌiyawh ꞌi be dutíhbun.

Colossians 4:5

Ooba ꞌalhaꞌ lheꞌhootꞌohne, ꞌenne soo cho bughohleꞌ. Ndet ꞌandit nohghá whultsꞌut-un, whunih be ꞌuhoolhꞌen.

1 Thessalonians 2:10

Nohni nohnalh ꞌutsꞌutꞌen, Yakꞌusda cha, dalcho-i be teniꞌ uznilhdzun ꞌinkꞌez tsꞌihꞌun unꞌa neꞌtsꞌustꞌen whe nohni ooba ꞌalha ꞌuhoontꞌohne nohtoh nekꞌéholtsꞌit whuchꞌa.

1 Thessalonians 5:22

Ntsiꞌ-i tsꞌiyawh oochꞌoh ꞌahtꞌoh.