Matthew 10:15 - Yak'usda Ooghuni

¹⁵ ꞋAlha nohdusni ndet dune ba nahidilh-un whusahooltsꞌut de, Sodom ꞌinkꞌez Gomorrah whutꞌenne cha, njan keyoh whutꞌenne nohghu núlhiyalne, ꞌon nus ꞌuwhultsiꞌ-un bugha óotaltsꞌulh.”

Matthew 10:15 Iomraidhean Croise

Matthew 12:36

ꞋEt nohdusni mbene la ꞌaw khuni lheꞌitꞌoh-i be yalhdukne, dune ba nahidilh-un dzin whusahóoltsꞌut de, ntsꞌenꞌa khuni ꞌi be yahalhduk, whuz unꞌa buba nahutideh.

Matthew 5:18

ꞋAlhaꞌ dusni, Moses be ꞌudustlꞌus Hebrew bughuni kꞌunꞌa hoontꞌum-unyaz whe ꞌukꞌeguz-un ꞌinkꞌez hoontꞌum-unyaz usgus-un, ndet ꞌuwhulhni, ꞌet tsꞌiyawh ꞌet ndúhooja de, ꞌet whutsꞌun ꞌaw ndi yun ꞌinkꞌez yakꞌuz cha ꞌetsul ꞌuhóneh ꞌaitꞌoh.

Matthew 7:22

Mbene la njan dzin whusahooltsꞌut de, ‘SMoodihti sMoodihti, ꞌalha iloh lakw nyooziꞌ be nus tsꞌúhooꞌen? Nyooziꞌ be ntsiꞌ-i nududeh-i ꞌuyoonne bughu whe nátsꞌinanyoot! ꞋInkꞌez nyooziꞌ be huwa ꞌítꞌen tuneꞌ tsꞌutꞌen.’

Mark 6:11

ꞋInkꞌez keyoh nenáhꞌaz-un dune nohtsꞌu hódilhꞌoh de kꞌus lhunohodústsꞌo de huwu nátóohtꞌas ꞌinkꞌez whulez chꞌa nohke naóohghat. ꞋEt dahúja-un tꞌehonoozeh. Tsꞌihꞌun nohdúsni Sodom ꞌinkꞌez Gomorrah whutꞌenne buba nus hootatsiꞌ. ꞋUdékꞌez dzin de huyé dzoh nutízut-i ba nús ꞌet lhunohdústsꞌone dzoh nahutideh.”

John 12:48

Mbene la stsꞌu disnihne ꞌinkꞌez ꞌaw sghuni lhuyílhchulh, ꞌilhoghun ꞌen buba nahutiyeh. Ndi khuni be nohbulh yasduk-i, ꞌi khuni za ꞌudekꞌez dzin de be nohba nahutideh.

John 6:39

ꞋInkꞌez sBá, whuz de sútilhꞌaꞌ-un, mbene la sgha buninlane ꞌaw ꞌilhoghun hoontsꞌi nintaoostelh hukwa lheꞌnízun, ꞌinkꞌez la ꞌudekꞌez dzin de dunabudosdlelh.

John 6:40

Mbene la Yakꞌusda ooYeꞌ tꞌeinínzunne ꞌinkꞌez ꞌen buba ꞌalhaꞌ ꞌuyintꞌohne, ꞌilhiz wheni huye khúna-i hitátꞌelh ꞌinkꞌez ꞌudekꞌez dzin de ꞌenne dunabudutásdlelh. Ndun whuz de sútilhꞌaꞌ-un njan ꞌet hukwaꞌ ninzun ꞌet huwa,” ubúlhni.

Acts 17:31

ꞋEt ꞌilhudzin ꞌutahahónꞌai ndet ndi yun kꞌut ndulcho whe ye tsꞌihꞌun unꞌa ꞌuntꞌoh-i, ꞌi be dune ba nahutiyeh ha. Ndun ꞌilhoghun dune ꞌen dune ba nahutiyeh ha ꞌutahayálhti. ꞋEn dunaidilhti ꞌet huwa ꞌalhaꞌ ꞌet ndó tanelh.”

1 Corinthians 3:13

ꞌet ndet dzin whusahooltsꞌut de, ꞌet tsꞌiyawh ꞌilho ꞌutꞌen kwun be tꞌentidzeh. Ndi be ꞌuhoolya-i kwun be tꞌenidzin hukwꞌunꞌa.

1 Thessalonians 5:4

ꞋEt hoontsꞌi nohni sulhutsinke ꞌaw tsalhgus yo lhdúlhtsꞌi. ꞋEt huwa njan dzin whusahooltsꞌut de, ꞌaw ꞌundunutꞌihne kꞌunꞌa nohgha óonolꞌih ꞌaitꞌoh.

Hebrews 10:25

Ntsꞌenꞌa la ꞌahoolhyiz ꞌilhunatsꞌodulh-un khun te whulazdootnih junih! Whulohne ꞌetsul ꞌuhutꞌih. ꞋEt hoontsꞌi ꞌawet ꞌudekꞌez dzin whuz de hóoltsꞌulh-un ꞌawet neba nilhdukw suliꞌ. ꞋEt huwa ꞌon nus soo cho nus lhtsꞌunooltꞌi whe ꞌahoolhyiz Yakꞌusda ba ꞌilhunatsꞌódilh hubaꞌ hoontꞌoh.

2 Peter 2:6

ꞋInkꞌez nat-un keyoh Sodom ꞌinkꞌez Gomorrah huwhútni-un, ꞌet nawhultꞌoh kwun nailhtan whe whudálhkꞌun ꞌinkꞌez lhez gaih za whulhtsi. ꞋEt whuz unꞌa musai ꞌubulhtsi ꞌet whe buba nahizya. Nus de mbene la Yakꞌusda highu nuní lhuntiszutne ꞌinkꞌez ꞌaw lhahidutálhtiꞌne, ꞌenne huwa tꞌéhonozin ha ꞌinkaꞌ hóonla.

2 Peter 2:9

Mbene Yakꞌusda énuljutne, ꞌenne lubeshi ꞌuhulhꞌen whutsꞌó nintꞌi, ntsꞌenꞌa whuchꞌa nabutálelh-un, ꞌet neMoodihti tꞌeooninzun. ꞋInkꞌez tsꞌihꞌun lheꞌítꞌohne, ꞌenne cha ndet dzin buba nahutiyeh-un, ꞌet whutsꞌun bubeꞌ whuyah-un, ꞌet buboontun.

2 Peter 3:7

ꞋEt hoontsꞌi ꞌandit yat ꞌinkꞌez yun bulh Yakꞌusda ooghuni be za huwudli, kꞌat le whudutakꞌun. Yakꞌusda ba lheꞌustꞌenne buba nahutideh ꞌinkꞌez musai hutileh.

1 John 4:17

Neba nahudeh dzin ꞌet sih nedzi oolhtus ha, ꞌet whuz unꞌa be lhkꞌetsꞌusiꞌ-i soo tsꞌihꞌun unꞌa neba lhadúlya suliꞌ. Christ ꞌet nduntꞌoh huwa, wheni cha ndi yun kꞌut ꞌet ndutsꞌíntꞌoh ꞌet huwa.

Jude 1:6

ꞋEt ndunne lizas, ꞌenne cha Yakꞌusda buba ꞌuhoonla-un, ꞌet whula huditni. ꞋInkꞌez ndunne neMoodihti tsálhgus yo tsꞌe ꞌenne buboontun. Tlꞌoolh ꞌilhiz ꞌuntꞌoh-i, ꞌi be whénubudizguz, dzin hooncha-un whuz de hóoltsꞌulh ꞌoh de buba nahutiyeh.

Jude 1:7

ꞋEt whuz unꞌa ndunne Sodom ꞌinkꞌez Gomorrah whutꞌenne, whunat whuduneꞌne, ꞌenne cha, ꞌet whuz unꞌa za bukꞌoh tsꞌe ꞌuhutꞌen. ꞋUtꞌen dutsun-i ꞌuhulhꞌen, ꞌet wheni dichꞌoh whutlꞌaꞌ hududilya. Tsꞌiyai didowh-i bulh nintaꞌhutitꞌih ndi kwun ꞌaw nalhnusne-i, ꞌi be dzoh nuhudeh wheꞌ hoontꞌoh. ꞋEnne bugha tꞌetsꞌonanzin.