Matthew 10:1 - Yak'usda Ooghuni

¹ ꞋEt whunizyane ꞌon ꞌat nane Jesus yugha hodulꞌehne, ꞌanih ubudániꞌ. Ntsiꞌ-i nududeh-i tsꞌiyawh whe hílhtus-un, ꞌinkꞌez kꞌuneꞌ boolꞌen ha, ꞌet cha, ꞌinkꞌez dada lhelhdoh didoh-i cha, ꞌet tsꞌiyawh soo naꞌbotilhꞌelh-un, butlꞌa hónꞌai.

Matthew 10:1 Iomraidhean Croise

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 26:20

ꞋAwet hulhgha whusahonzut whe whunizyane ꞌon ꞌat nane yugha hodulꞌehne, bubulh natlꞌa didaꞌ bula naꞌtitꞌulh ha.

Matthew 26:47

ꞋAwhuz yalhduk whe khuntsul Judas, whusainya. ꞋEn ndunne whunizyane ꞌon ꞌat nane whelꞌaꞌne, ꞌilhoghun ꞌuntꞌoh. ꞋEn bulh lhane dune yulh whusaindil. Whulohne saluzti nuhúle, ꞌinkꞌez whulohne tutꞌoh nódule. Lubret bumoodihne ꞌinkꞌez dune ꞌutso whudilhdzulhne, whusahábahalhꞌaꞌ.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 6:13

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Matthew 9:38

ꞋInka Yakꞌusda haꞌ nukat-un whumoodih, ꞌuyoonne ꞌutꞌenne cha whusáboolhꞌaꞌ, ꞌet huba tenadoohdli,” ubúlhni.

Luke 10:19

Soo zúlhtsꞌai, tlꞌughus ꞌinkꞌez lubezo unli-i, scorpion huyulhni, tube cho ookꞌu nahya. ꞋInkꞌez ndai la nohchꞌaz ditnine hiye ulhtus-i, tsꞌiyawh ndi ba ndo oohtꞌeꞌ-un, ꞌet nohtlꞌa hóosꞌai ꞌinkꞌez ꞌaw hoonli nohundólhda ꞌaitꞌoh.

Luke 21:15

Khuni ꞌinkꞌez be wháhnih-i nohtlꞌa dutisꞌalh. Mbene la nohchꞌaz ditnine ꞌaw nohtsꞌoohoodódlai ꞌaitꞌoh. ꞋInkꞌez ꞌaw daja ꞌuhudooniꞌ ꞌaitꞌoh.

Luke 24:49

ꞋInkꞌez soo zulhtsꞌai, ndi sBá nohtsꞌu yoozi-i, ꞌi nohtsꞌo tlꞌa dutisꞌalh. ꞋEt hoontsꞌi yakꞌuz ndus de whelhtus-i, ꞌi nohkꞌedútaltsꞌulh ꞌet whutsꞌun, Jerusalem ꞌet za dólhtsꞌiꞌ.”

Luke 6:13

ꞋEt yulhkai-un higha hodulꞌehne, ꞌanih ꞌubulhni. ꞋEt butoh whunizyane ꞌon ꞌat nane ꞌutahábanla. ꞋEnne whelꞌaꞌne bubooziꞌ súlhtsi.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 3:27

ꞋEt John ubúlhni, “Yakꞌusda yugha óoninꞌai de za, ꞌet huwa hoonliyaz ootꞌeꞌ ꞌaítꞌoh.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

John 6:70

ꞋEt Jesus ꞌubulhni, “ꞋAlhaꞌ iloh lakw nohni whunizyane ꞌon ꞌat nane, ꞌenne ꞌutáhanóhisdla, ꞌinkꞌez nohtoh ꞌilhoghun ꞌen netsudule unli.”

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 19:15

ꞋEt nduhútni whe ntsiꞌ-i nududeh-i bubulh yátilhduk ꞌinkꞌez ꞌubulhni, “Jesus ꞌen tꞌenuszun, ꞌinkꞌez Paul cha ooghun tꞌéoonúszun, ꞌet hoontsꞌi nohni, mbe ꞌahli wheꞌ ꞌuhtꞌoh?”

Revelation 12:1

ꞋAwet ndo yatꞌah tsꞌe huwa ꞌítꞌen-un, ꞌet whe hóodiltsai, tsꞌeke oonaih ꞌantsꞌi sa tsꞌu hainduz-i doútꞌen, ꞌi be dune unli. Ooketlꞌah ꞌet ꞌulhdzis oozaꞌ ꞌusꞌai. ꞋInkꞌez whunizyai ꞌon ꞌat nanki sum ꞌi ootsi náyuztꞌi.