Matthew 1:23 - Yak'usda Ooghuni

²³ “Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”

Matthew 1:23 Iomraidhean Croise

Matthew 1:24

ꞋInka Joseph tsꞌe nandzut ꞌet neMoodihti oolizas daja yulhni la, ꞌoh tuneꞌ ꞌustꞌen ꞌinkꞌez Mary yilhchoot ooꞌat yutáleh ha.

Matthew 28:20

Khuni nohtlꞌa dísꞌai-i, tsꞌiyawh hikꞌuneꞌ ootꞌen-un hubodoolhꞌeh. ꞋInkꞌez soo zulhtsꞌai, dzin whula toh lhaooduja de, ꞌet whutsꞌun ꞌahoolhyiz nohbulh ꞌútistꞌelh wheꞌ hoontꞌoh.” ꞋEt ndo honeh.

Luke 20:44

ꞋEt huwa David, ‘SMoodihti,’ yulhni, ntsꞌenꞌa suba Christ ꞌen ootsꞌuhainzut-un ooleꞌ?”

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

Acts 18:9

ꞋEt ꞌilhe ꞌulhdzis Paul be nghun néwhultsꞌut whe neMoodihti uyúlhni, “Whéniljut iloh, yailhduk zaꞌ dini, ꞌaw ꞌetsul ꞌudóniꞌ junih,

Romans 8:31

ꞋEt njan daja ꞌuzdooniꞌ suba? Yakꞌusda netsꞌún ditni de, mbe suba nechꞌaz dotni?

Romans 9:5

Israel ooduneꞌne ꞌudaꞌ dune tso whúdilhdzulhne tsꞌu ha hánde wheꞌ hintꞌoh, ꞌinkꞌez Christ butsꞌu haínzut. ꞋEt huwa ooyustꞌe dune kꞌunꞌa ꞌuchainya inleꞌ. ꞋEn ꞌuntꞌoh tsꞌiyantsuk whuYakꞌusda unli. ꞋEt huwa ꞌilhiz wheni whe hidílhtiꞌ. ꞋEt ndo honeh.

2 Corinthians 5:19

ꞋEt whuz unꞌa, Yakꞌusda Christ yudinda whe yinka duneꞌne tsꞌiyawh tsꞌun nenábudilya. Tsꞌiyantsuk whe hichꞌa neꞌustꞌen, ꞌet ꞌaw ꞌon ꞌun bukꞌelhúhooꞌal. ꞋInkꞌez ndi khuni dune yé tsꞌun nenábudilya-i, ꞌi negha íninꞌai.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

2 Timothy 4:17

ꞋEt hoontsꞌi neMoodihti szih inyin ꞌinkꞌez ꞌen ye ulhtus-i, ꞌi gha ꞌustus inleꞌ. ꞋEt ndi ulhtus-i, ꞌi be si sgha la ndi Yakꞌusda be ba yaduk-i, ꞌi tsꞌiyawh tsꞌihꞌun unꞌa huyoozálhtsꞌaiꞌ. ꞋEt de la ꞌuyoonne ꞌudun yun kꞌut whutꞌenne cha tsꞌiyawh huyoozólhtsꞌaiꞌ. ꞋInkꞌez cha neMoodihti ꞌen khuna-iti sutuzilhghelh-i yuchꞌá sulhyih.

2 Timothy 4:22

NeMoodihti Jesus Christ ꞌen ndzi yo oodaꞌ ꞌinkꞌez ꞌi nyulh óotꞌeꞌ. ꞋEt Yakꞌusda ye unzoo, ꞌi nuhwheni tsꞌiyawh nohwhulh ꞌóotꞌe. ꞋEt ndoh honeh.