Matthew 1:2 - Yak'usda Ooghuni

² Abraham ꞌen Isaac oobá ꞌuntꞌoh. Isaac ꞌen Jacob oobá ꞌuntꞌoh. Jacob ꞌen Judah ꞌinkꞌez bulhutsinke bubá ꞌuntꞌoh.

Matthew 1:2 Iomraidhean Croise

Genesis 25:19

Ndi ꞌi Abraham ooyeꞌ Isaac ootsꞌu ha yandene. Abraham ꞌen Isaac oobá.

Genesis 25:26

ꞋEt hukwꞌelhꞌaz bulhutsin ꞌen whuzdli, ꞌinkꞌez Esau ookentsul ꞌi yilhchoot. ꞋEn Jacob huyulhni. Isaac lhkꞌu tat whunizyat be yus kꞌut (60) ꞌet nyoon tsꞌoodunne huwhuzdli.

Matthew 1:1

Ndi ꞌudustlꞌus ꞌukꞌeguz-i ꞌet ndutni, ꞌi be Jesus Christ ꞌen ꞌubé dinzutne ꞌuhíntꞌoh, ꞌi Jesus David tsꞌu hainzut. David ꞌen Abraham tsꞌu hainzut-un ꞌuntꞌoh.

Matthew 1:3

Judah ꞌen nyoon tsꞌeke Tamar ꞌen be Perez ꞌinkꞌez Zerah bubá ꞌuntꞌoh. Perez Hezron oobá ꞌinkꞌez Hezron Ram oobá ꞌuntꞌoh.

Acts 7:8

ꞋEt Yakꞌusda Abraham ndi ye yutsꞌu nahizya-i, ꞌi gha ootsꞌu haínzutne, ꞌenne hika dune unli-i kꞌut ubuhítꞌus. ꞋEt whuz unꞌa Yakꞌusda hiyulh ꞌílhughi huzdliꞌ. ꞋEt Abraham ooyeꞌ Isaac whuzdli ꞌinkꞌez whulh lhkꞌu dit dzin ꞌet huyúztꞌus. ꞋInkꞌez la Isaac cha ooyeꞌ Jacob whe Jacob, ꞌen cha ndunne duyeꞌke whunizyat ꞌon ꞌat nane, ꞌenne cha netsodaꞌne whuníhne ndúbuhinla.

Hebrews 11:11

Be ꞌalha ꞌuhoontꞌoh-i, ꞌi be Sarah ꞌen cha Yakꞌusda ye ulhtus-i yutlꞌa nahonꞌai oolchan ha. Tube yoo ꞌun uzulh ꞌaw ooyaz hóleꞌ ooba lheꞌhóotꞌoh. ꞋEt hoontsꞌi Yakꞌusda yutsꞌú hoozi-un Sarah tꞌeooninzun Yakꞌusda ꞌaw yula dootnih ꞌaitꞌoh.

Hebrews 7:14

ꞋEt neMoodihti ꞌen Judah didowhne tsꞌu hainzut-un ꞌuntꞌoh, ꞌet tsꞌiyanne tꞌehonínzun. ꞋInkꞌez ꞌenne lubret hutileh huwun, Moses ꞌaw howu yalhtílhdih.

Revelation 7:5

Judah bulh didowhne tsꞌu haíndene, 12,000ne bube hoodatꞌen bubuhulhtsi. Reuben bulh didowhne tsꞌu haíndene, 12,000ne bube hoodatꞌen bubuhulhtsi. Gad bulh didowhne tsꞌu haindene, 12,000ne bube hoodatꞌen bubuhulhtsi.