Matthew 1:18 - Yak'usda Ooghuni

¹⁸ ꞋEt Jesus Christ whuzdli-un, ndiz unꞌa ꞌuhooja. Ooloo Mary ꞌen Joseph yughu tidalh ha lhahódinla, yughu tidalh whutso whe ꞌet nahoonꞌai ꞌudaꞌ tsꞌoodun ba ꞌuntꞌoh. Ndoni, be ꞌuja.

Matthew 1:18 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 1:1

Ndi ꞌudustlꞌus ꞌukꞌeguz-i ꞌet ndutni, ꞌi be Jesus Christ ꞌen ꞌubé dinzutne ꞌuhíntꞌoh, ꞌi Jesus David tsꞌu hainzut. David ꞌen Abraham tsꞌu hainzut-un ꞌuntꞌoh.

Matthew 12:46

Jesus ꞌawhuz ꞌilhunaoosdilne bubulh yalhduk whe ooloo ꞌinkꞌez bulhutsinke te, ꞌaz nódilhya hiyulh yatilhduk hukwaꞌ huninzun.

Matthew 2:11

ꞋEt yoh dahunindil whe tsꞌoodun hitilhꞌen. Ooloo Mary ꞌen bulh. Hibut nachánilya ꞌinkꞌez hitsꞌun teniꞌ nalhdzun. Huye ꞌúzdla-i hidah lhchꞌaz hiyilhchoot hiyé ha háyanla-i ꞌinkꞌez hitsꞌu hítilhdil. Gold, yoo sooltsun-i frankencense huyulhni, ꞌinkꞌez yoo Myrrh huyulhni ꞌi cha, ꞌi hitsꞌu hítilhdil.

Luke 1:25

“ꞋEt whuz unꞌa ꞌazih neMoodihti sulh ꞌutꞌen. ꞋOh daꞌ dzin sunalni inleꞌ whe hukwaya usdli-un, tsꞌiyawh stsꞌa ha náhonla.”

Luke 2:5

Mary yughu tidalh whe yutsꞌu nahizya-un, tsꞌoodun ba ꞌuntꞌoh whe yulh whinꞌaz bubooziꞌ ꞌukꞌehuyítagus-un ha.

Hebrews 10:5

ꞋEt huwa nkedaꞌ Jesus Christ ndi yun kꞌeínya whe, ꞌet njan ndutni, “O Yakꞌusda ndai huwa tꞌaih-i, ꞌinkꞌez loodel kꞌut hidílhkꞌun-i, ꞌi tsꞌiyawh ookwa lheꞌnínzun. ꞋEt hoontsꞌi ꞌilho yustꞌe ꞌi sba lhadinla.

Hebrews 7:26

Jesus Christ lubret ꞌukꞌenus diztiꞌ-un neba unli. Lubeshi ooghu hooloh, ꞌaw whe ookꞌeholtsꞌit-un cha hooloh. ꞋInkꞌez tankꞌus ꞌuhoontꞌoh-un ꞌaw hoontsool-unyaz hoontsꞌi ookwꞌuz lhístꞌen. Lubeshi ꞌulhꞌenne bubulh ꞌutꞌen inleꞌ, ꞌet hoontsꞌi ꞌaw ꞌenne bukꞌunꞌa ndi yun kꞌut lhidal. Buchꞌa nasja, ꞌinkꞌez yakꞌuz whanus díztiꞌ suliꞌ.