Matthew 1:16 - Yak'usda Ooghuni

¹⁶ Jacob Joseph oobá ꞌuntꞌoh. ꞋEn Mary ooki ꞌinkꞌez Mary be Jesus whuzdli. ꞋEn Christ huyulhni.

Matthew 1:16 Iomraidhean Croise

Matthew 1:15

Eliud Eleazor oobá. Eleazor Matthan oobá, ꞌinkꞌez Matthan Jacob oobá ꞌuntꞌoh.

Matthew 16:16

ꞋEt Simon Peter yatilhduk, “Nyun Christ, Yakꞌusda khuna-un, ꞌen ooYeꞌ ꞌintꞌoh,” yúlhni.

Matthew 16:20

ꞋInkꞌez yugha hodulꞌehne khuniti be ubúlhni, “Khun te ꞌuyoonne dóhniꞌ junih si Jesus Christ, ꞌustꞌoh.”

Matthew 2:13

ꞋEt whenáhidil hukwꞌelhꞌaz neMoodihti oolizas Joseph nute whe be nghun whe hóodiltsai. ꞋEt ꞌuyulhni, “Dudinyaih, tsꞌoodun ooloo bulh ubilhchoot ꞌinkꞌez yun kꞌut Egypt ꞌa cho whuz ubalhtelh! Nohdutásnelh ꞌet whutsꞌun ꞌet dólhtsꞌiꞌ! ꞋEt Herod tsꞌoodun yuka itꞌáꞌelh yutuzilhghelh ꞌet huwa!”

Matthew 27:17

ꞋEt huwa tsꞌiyawh ꞌilhunahosdil whe Pilate uboodulhkut, “Mbe nohba oola nadutistnih hukwaꞌ nahzun, Barabbas kꞌus Jesus, Christ huyulhni?”

Matthew 27:22

ꞋEt Pilate ndúbulhni, “Ndun doꞌ, Jesus, Christ huyúlhni-un, ꞌen datísdlelh?” ꞋIlhunaoosdilne ꞌuhúyulhni, “Tulalhgus kéꞌ hiyolhtelh!”

Mark 6:3

Yoh ꞌuwhulhꞌen-un, ꞌen iloh lakw ꞌuntꞌoh? Mary ooyeꞌ bulhutsinke James, Joses, Judas, Simon, ꞌinkꞌez bulhtuske cha iloh njan huwhutꞌi?” ꞋInkꞌez buba dzoh suliꞌ.

Luke 1:27

ꞋIlhoghun tsꞌeke ꞌaw dune tꞌenuszun-un, ꞌen tsꞌun whelꞌaꞌ. ꞋIlhoghun dune, Joseph huyúlhni, David tsꞌu haindene, ꞌilhoghun ꞌuntꞌoh. Yughu tidalh-un yutsꞌu lhaoodinla. Ndun ꞌaw dune tꞌenuszun-un ꞌuntꞌoh, Mary huyúlhni.

Luke 2:48

Oodusneke ꞌutꞌen-un ꞌet usda whe hitilhꞌen whe buba hooncha. ꞋEt ooloo uyúlhni, “Neyeꞌ di ha whuz unꞌa nuneꞌilhꞌen? Mbá ꞌinkꞌez si tube nghu ni ídli whe nkúnita.”

Luke 2:7

ꞋInkꞌez ꞌudechoo ooyaz whuzdliꞌ. Layin naih yugháꞌ ozduz ꞌinkꞌez musdoos yez ꞌaꞌalh-i be yalhti. ꞋAw tsꞌuztez bayoh nahuhóꞌalh ꞌaitꞌoh, tsꞌiyantsuk whudizbun ꞌet huwa.

Luke 3:23

ꞋEt Jesus tat whunizyat atꞌen be suliꞌ (30) ꞌet whéꞌ nitꞌen. Tsꞌiyanne Joseph ooyeꞌ huninzun. ꞋInkꞌez ꞌen Heli ooyeꞌ.

Luke 4:22

Tsꞌiyanne soo highu yalhduk. Khuni unzoo-i ye yailhduk-i buba hooncha. Dichꞌoh ꞌulhodutni, “Ndun Joseph ooyeꞌ ꞌen iloh eh ꞌuntꞌoh?”

John 4:25

ꞋEt ndun tsꞌeke uyúlhni, “Tꞌéoonúszun ndun Messiah whusatíyalh, mbe la Christ huyúlhni, ꞌen whusaínya de, tsꞌiyantsuk whunéuntilhtun.”