Matthew 1:1 - Yak'usda Ooghuni

¹ Ndi ꞌudustlꞌus ꞌukꞌeguz-i ꞌet ndutni, ꞌi be Jesus Christ ꞌen ꞌubé dinzutne ꞌuhíntꞌoh, ꞌi Jesus David tsꞌu hainzut. David ꞌen Abraham tsꞌu hainzut-un ꞌuntꞌoh.

Matthew 1:1 Iomraidhean Croise

Genesis 12:3

Mbene la mba soo hoonzoo-un ngha hóotaltsꞌulh, ꞌenne cha soo hoonzoo-un bugha hóotaltsꞌulh, ꞌinkꞌez mbe la nkꞌehiyihne cha bukꞌehutisyih, ndi yun kꞌut dilhtsꞌine ꞌenne tsꞌiyawh nyun ngha soo hoonzoo-un bugha hóotaltsꞌulh.”

Genesis 2:4

Njan ꞌet soo ꞌudechoo wheꞌ whuditꞌen hukwꞌelhꞌaz yakꞌuz ꞌinkꞌez yun kꞌut njan dzin Moodihti Yakꞌusda (Yahweh Elohim) ꞌen ndi yakꞌuz ꞌinkꞌez yun kꞌut ꞌuhoonla,

Genesis 22:18

Ntsꞌu hainde-un ndi yun kꞌut dune tsꞌiyawh soo hoonzoo-un bugha hóotaltsꞌulh, skꞌunꞌa ꞌinja ꞌet huwa.”

Genesis 5:1

Ndi ꞌudustlꞌus, Adam tsꞌu haindene ghun ꞌuntꞌoh. Yakꞌusda (Elohim) ndet dzin ꞌuyinla dzin, Yakꞌusda (Elohim) ndotꞌen yulhtsi.

Matthew 1:18

ꞋEt Jesus Christ whuzdli-un, ndiz unꞌa ꞌuhooja. Ooloo Mary ꞌen Joseph yughu tidalh ha lhahódinla, yughu tidalh whutso whe ꞌet nahoonꞌai ꞌudaꞌ tsꞌoodun ba ꞌuntꞌoh. Ndoni, be ꞌuja.

Matthew 1:2

Abraham ꞌen Isaac oobá ꞌuntꞌoh. Isaac ꞌen Jacob oobá ꞌuntꞌoh. Jacob ꞌen Judah ꞌinkꞌez bulhutsinke bubá ꞌuntꞌoh.

Matthew 15:22

ꞋIlhoghun tsꞌeke, Canaan whutꞌen-un ꞌuntꞌoh, yughu ninya. Tso bulh yalhduk wheꞌ yulhni, “SMoodihti sgha teꞌninzeh, David ootsꞌuhainzut-un ꞌintꞌoh! Syaz tsꞌekeyaz tube hoontsiꞌ hukwꞌunꞌa ntsiꞌ-i nududeh-i ooyudinda!”

Matthew 3:16

Jesus too beꞌ yinla whe tooz ha nája ibulh ꞌet ꞌaho ꞌen ba ꞌaho yakꞌuz dahaꞌ dankez ꞌinkꞌez Yakꞌusda Ooyughi yunilhꞌen whe ndus de dutꞌai, dove huyúlhni, ꞌi kꞌunꞌa Jesus ookꞌé dinde.

Matthew 9:27

Jesus natisja whe nane dune hoos̱ꞌenne hiyuntizꞌaz ꞌinkꞌez hikazulh, “NeMoodihti David ootsꞌuhainzut-un negha teꞌninzeh!”

Luke 1:33

ꞋEt Jacob ootsꞌu haindene ꞌilhiz wheni buba lerwe tileh. ꞋInkꞌez lerwe tileh-un, ꞌaw whula toh hootáloh.”

John 7:42

Yakꞌusda ooghuni ꞌukꞌu nusguz-i, ꞌi ndutni, David yutsꞌu ha kédanzut-un, ꞌen keyoh Bethlehem huwhútni, David ookeyoh ínleꞌ, Christ whuz de ha tíyalh,” hutni.

Acts 2:30

ꞋEn Yakꞌusda be nus hóoꞌen-un ꞌuntꞌoh ꞌinkꞌez Yakꞌusda ye yútsꞌu nahizya tꞌeinínzun. ꞋInkꞌez Yakꞌusda yuba néwhuninꞌai whe yúlhni, ‘David ootsꞌu haínzut-un, ꞌen ꞌilhudzin David kꞌunꞌa ookwꞌutsꞌuzda cho diztiꞌ-i kꞌutidalh,’ ꞌen Christ ꞌuntꞌoh.

Romans 1:3

Yakꞌusda netsꞌú hoozi-un duYeꞌ ghun, ꞌen Jesus Christ neMoodihti ꞌuntꞌoh. ꞋEn lerwe David yukédinzut. ꞋEt huwa dune ꞌúntꞌoh tꞌétsꞌonínzun.

Romans 4:13

Abraham Yakꞌusda daja yudániꞌ ꞌet ooba ꞌalha ꞌuhoontꞌoh ꞌinkꞌez Yakꞌusda yúlhni tsꞌihꞌun dune unli. ꞋEt whula gha tsꞌe Yakꞌusda Abraham ꞌinkꞌez yukédindene butsꞌú yoozi. ꞋEt ndi butsꞌú yoozi-i gha ndi yun buchꞌeꞌ whutaleh. Ndi butsꞌú yoozi-i ꞌaw Moses be ꞌudustlꞌus gha íloh whe butlꞌa ídanꞌai, ꞌet kꞌus Abraham Yakꞌusda dája yudániꞌ ooba ꞌalhaꞌ yintꞌoh. ꞋEt huwa ndi butsꞌú yoozi-i butlꞌa ídanꞌai.

Romans 9:5

Israel ooduneꞌne ꞌudaꞌ dune tso whúdilhdzulhne tsꞌu ha hánde wheꞌ hintꞌoh, ꞌinkꞌez Christ butsꞌu haínzut. ꞋEt huwa ooyustꞌe dune kꞌunꞌa ꞌuchainya inleꞌ. ꞋEn ꞌuntꞌoh tsꞌiyantsuk whuYakꞌusda unli. ꞋEt huwa ꞌilhiz wheni whe hidílhtiꞌ. ꞋEt ndo honeh.

Galatians 3:16

ꞋEt Yakꞌusda Abraham ꞌinkꞌez ootsꞌu ha yánzut-un, ndai ye yutsꞌu náhizya, ꞌaw ꞌen za ꞌinkꞌez ootsꞌu ha yánzut-un, ꞌenne za butsꞌú yoozi. ꞋAw Abraham tsꞌu haíndene, ꞌenne iloh ꞌubudusni. ꞋAw lhane iloh ꞌulhni. ꞋEt hoontsꞌi Yakꞌusda ꞌilhoghun dune za ghu yalhduk whe ꞌutni. ꞋEt whuz unꞌa ꞌudija whe Abraham, “Ntsꞌu haínzut-un,” yúlhni. ꞋInkꞌez ndun Christ ꞌen Abraham tsꞌu hainzut-un ꞌuntꞌoh.

1 Timothy 2:5

Yakꞌusda ꞌilhoghun za unli. Yakꞌusda ꞌinkꞌez ndi yun kꞌut dilhtsꞌine hubulheguz ꞌilhoghun buba yalhduk-un za unli, ndun dune Christ Jesus ꞌen ꞌuntꞌoh.

2 Timothy 2:8

Whunailnih, Jesus Christ yaidlane butoh dunadija. David ootsꞌu haínzut-un cha ꞌuntꞌoh. ꞋEt ndi sghuni unzoo-i ꞌuntꞌoh whe nyudásniꞌ.

Revelation 22:16

“Si Jesus slizas nohni Yakꞌusda ba ꞌilhunaoodulhne, ꞌen nohtsꞌún whesꞌaꞌ. Ndi khuni Yakꞌusda ba ꞌilhunaoodulhne, ꞌenne ꞌubudóhniꞌ ha David ootsꞌu ha yándene, ꞌenne bube diszut whe ꞌustꞌoh. Bundadaꞌ sum tube be hóodatꞌen, ꞌi le ꞌustꞌoh!” ni Jesus.