Mark 9:9 - Yak'usda Ooghuni

⁹ ꞋEt dzulh kꞌut nyo nanáhidil whe Jesus khuni ulhtus-i be ubúlhni, “Khun te ꞌuyoonne dóhniꞌ junih! Ndet hoohꞌén-un, Yinka Dune Yeꞌ dunadutádalh ꞌet whutsꞌun.”

Mark 9:9 Iomraidhean Croise

Matthew 12:19

ꞋAw dune budulhyoh ꞌudooniꞌ ꞌaitꞌoh. ꞋAw bubúlh ꞌaooldzul ꞌaitꞌoh. Ti nudilhne bubulh dóoltul ꞌaitꞌoh.

Matthew 12:40

Tat dzin ꞌinkꞌez tat ꞌulhdzis Jonah lho cho chandandaꞌ. Whuz unꞌa za Yinka Dune Yeꞌ ꞌen tat dzin ꞌinkꞌez tat ꞌulhdzis yun yo tsꞌe ꞌutitelh.

Matthew 16:21

ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 27:63

ꞋEt ꞌuhúyulhni, “Nemoodih ndun nenanꞌa-un ꞌawhuz khuna whe daja neúlhni la, ꞌet whunatsꞌilnih ‘Tat dzin inleꞌ de dunádutásdalh,’ ni.

Matthew 8:4

ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”

Mark 5:43

Jesus soo khuni ulhtus-i be ubúlhni, “Dune dóhniꞌ junih, ꞌinkꞌez hoonliyaz yutiꞌúlh-i oogha nahꞌaih,” ubúlhni.

Mark 7:36

“Khun te dune dóhniꞌ junih!” ubúlhni. ꞋAwet, “Dah” ubúlhni, ꞌet hoontsꞌi ꞌon nus huwu yahalhduk.

Mark 9:10

Hikꞌunꞌa ꞌuhuja ꞌinkꞌez dichꞌoh ꞌalhgoh howu yawhehúnilhduk, “Khuni ‘Dazsai ꞌinkꞌez dunadutádalh?’ dini whe ꞌutni?” hutni.

Mark 9:8

ꞋEt ꞌahoh dunat nuhúyuzꞌen ꞌaw ꞌuyoonne lhuhíꞌelh, Jesus ꞌen za bubulh ꞌútꞌen.

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

Luke 9:36

ꞋEt yaduk-un ꞌetsul ꞌuwhudija whe Jesus dichꞌoh za ꞌuntꞌoh whe hinilhꞌen, teꞌhudínel ꞌinkꞌez ꞌaw dune lhodínel ndun hohonꞌen-un.