Mark 9:7 - Yak'usda Ooghuni

⁷ ꞋInkꞌez khuntsul kwꞌus bukꞌínde ꞌinkꞌez ndo kwꞌus toh tsꞌe yaztílhduk, “Ndun sichꞌoh sYeꞌ ꞌuntꞌoh, tube ookꞌesiꞌ, oozúlhtsꞌai,” whutni.

Mark 9:7 Iomraidhean Croise

Matthew 27:43

Yakꞌusda tꞌanínintan. ꞋEt huwa Yakꞌusda yukaꞌ ninzun de, ꞌandit ꞌaho daꞌ yoolhyih. Njan ndutni inleꞌ Yakꞌusda ooYeꞌ ꞌustꞌoh.”

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Mark 1:11

ꞋEt ꞌuwhútni, “Nyun sYeꞌ inli. Tube nkꞌesiꞌ, ꞌinkꞌez tube nyulh hoonústꞌiꞌ.”

Mark 9:6

Peter daja dutinelh ꞌaw tꞌéwhunúszun tane hultꞌoh bugha ꞌúnjaz kꞌet ꞌet huwa ꞌutni.

Mark 9:8

ꞋEt ꞌahoh dunat nuhúyuzꞌen ꞌaw ꞌuyoonne lhuhíꞌelh, Jesus ꞌen za bubulh ꞌútꞌen.

Luke 3:22

ꞌinkꞌez Ndoni dutꞌai, dove huyulhni, ꞌi kꞌunꞌa ndus de hátꞌoh ꞌinkꞌez yukꞌítoh. ꞋEt yakꞌuz khuni huduztsꞌai, ꞌi njan ndutni, “Nyun sYeꞌ ookꞌesiꞌ-un ꞌintꞌoh. Tube nyulh hoonústꞌiꞌ.”

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 12:28

‘SBá nyooziꞌ ꞌon nus diztiꞌ ílhtsi.’” ꞋEt yakꞌuz whutsꞌun khuni huduztsꞌai, “ꞋUdaꞌ sooziꞌ dastiꞌ ꞌinkꞌez doo cha za ꞌon ꞌun dutástiꞌ,” whutni.

John 19:7

ꞋEt Lizwifne ꞌuhuyúlhni, “Wheni khuni neba ootulhúhisdeꞌ-i tsꞌutꞌi, ꞌi kꞌut ꞌutni, daóotsa huba ꞌuhoontꞌoh. Lheꞌutni Yakꞌusda ooYeꞌ ꞌududulhtsi ꞌet huwa.”

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

John 5:18

ꞋEt hukwa Lizwifne ꞌon nus hituzilhghelh-un hukwa hunuta. ꞋAw nahulyis dzin kꞌonínyuz ꞌet huwa za iloh, ꞌinkꞌez cha Yakꞌusda ꞌen duBá yulhni. ꞋEt ndutni whula gha tsꞌe Yakꞌusda bulh húlhgha ꞌuntꞌoh ni, ꞌet huwa hituzilhghelh-un hukwaꞌ huninzun.

John 5:37

ꞋInkꞌez sBá, mbe la whuz de sútilhꞌaꞌ-un, ꞌen didutchꞌoh si sghun tsꞌihꞌun unꞌa whulhtsi. ꞋAw yalhduk whe lhduzúhtsꞌo, ꞌinkꞌez dantꞌóh-un unli ꞌaw lhuzihꞌen.

John 6:69

ꞌinkꞌez neba ꞌalhaꞌ ꞌintꞌoh. Tꞌétsꞌonínzun nyun Christ ꞌen ꞌintꞌoh. Yakꞌusda ꞌilhiz wheni khuna-un, ꞌen ooYeꞌ ꞌintꞌoh!” yúlhni.

John 9:35

ꞋEt Jesus whulh ꞌúdantsꞌo Lizwifne nyoon dune tenáhinino, hukwꞌelhꞌaz nayilhti ꞌet ꞌuyulhni, “Yakꞌusda ooYeꞌ ghun mba ꞌalha ꞌuhoontꞌoh eh?”

Acts 1:9

ꞋEt ndi yughu yatílhduk whe ꞌawet ndo yakꞌuz whenája. ꞋEt hinilhꞌen whuz za kwꞌus yo tsꞌe hooloh suliꞌ.

Acts 7:37

Moses ꞌen ꞌuntꞌoh Israel ootsꞌu hainzutne ubúlhni whe ndutni, ‘Yakꞌusda be nus hóoꞌen-un, sundultꞌoh-un, ꞌen Yakꞌusda nohtsꞌítilhꞌalh. Nohkeyoh ꞌilhoghun ꞌen ꞌutinelh. ꞋEn si oozólhtsꞌaiꞌ.’

Acts 8:36

Higooh whe too hoonli-un hugho ningoo. ꞋEt nyoon moodih ꞌutni, “Njan too hooni. Dáhoontꞌoh huwa ꞌaw too beꞌ ꞌóoznih ꞌaítꞌoh?”

Romans 1:4

Yakꞌusda cha unli. Yakꞌusda ye ulhtus-i gha dazsai ꞌinkꞌez dunadija. ꞋEt whe Ndoni whunénilhtan ꞌen Yakꞌusda ooYeꞌ ꞌúntꞌoh.

Hebrews 2:1

ꞋEt huwa Yakꞌusda ooghuni ndet whulh ꞌúzdantsꞌo-un, ꞌet soo tsꞌihꞌun unꞌa tsꞌuhotun ꞌinkꞌez nedzi yo netsꞌú hoꞌalh doo ka la ookwꞌúneꞌ tsꞌutꞌen-un whulazdootni.

2 Peter 1:17

ꞋEt ꞌoh daꞌ ꞌuhooja-un, neBá Yakꞌusda duYeꞌ yudálhtiꞌ ꞌinkꞌez dádiztiꞌ whe ꞌuntꞌoh, ꞌet whunénilhtan. Kꞌus hooncha-un, ꞌen oochꞌeꞌ ꞌuhoontꞌoh, ꞌet dichꞌoh duYeꞌ yugha ooninꞌai. Yakꞌuz tsꞌe whe ꞌukꞌenus hooncha-un, ꞌet Yakꞌusda ooghuni ndus de ha díltsꞌut whe ndutni, “Ndun ꞌen sYeꞌ ookwꞌesiꞌ-un, ꞌen ꞌuntꞌoh. ꞋEn be tube hoonústꞌiꞌ.”

1 John 5:20

Yakꞌusda ooYeꞌ whusainya ꞌinkꞌez tꞌetsꞌonínzun njan tꞌetsꞌonózin-un, ꞌet negha óoninꞌai. ꞋEt whe ndun ꞌalhaꞌ ꞌuntꞌoh-un tꞌeznoozeh ha. Ndun ꞌalhaꞌ ꞌuntꞌoh-un, ꞌen bulh ꞌutsꞌintꞌoh. OoYeꞌ Jesus Christ ꞌen bulh ꞌutsꞌintꞌoh. Ndun ꞌen ꞌuntꞌoh soo ꞌalhaꞌ Yakꞌusda ꞌuntꞌoh ꞌinkꞌez ꞌilhiz be tsꞌúkhuna-i unli whe ꞌuntꞌoh.

Revelation 1:7

Whunulhꞌen! Kwꞌus toh whuz de tiyalh. Tsꞌiyanne hitiꞌelh. Mbene oola ꞌinkꞌez ooke lugloo cho hikunúnilhtꞌone, ꞌenne cha hiyutilhꞌelh. ꞋInkꞌez ndi yun kꞌut lhelhdoh didowhne, ꞌen gha khuna hutitso. ꞋEt ndó tanelh, ꞌet ndó honeh.