Mark 9:43 - Yak'usda Ooghuni

⁴³ ꞋEt nla ꞌi gha lubeshi ꞌinla de, kꞌunintꞌas! Nla kꞌuz za ꞌintꞌi whe yakꞌuz whénya de whuz ꞌilhiz hutanalh, ꞌet mba hootázooꞌ. Lhchꞌaz nla bulh kwuncho yo tsꞌe whénya de ꞌukꞌenus mba hootátsiꞌ, whuz kwun nalhnusne whe ꞌuntꞌoh.

Mark 9:43 Iomraidhean Croise

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 3:12

Lufoos tlꞌo maiꞌ be tahawhúltsꞌih-i, ꞌi nuyútun. ꞋInkꞌez tlꞌo maiꞌ yutahawhúlhtsꞌih-i, ꞌinkꞌez yukꞌut ꞌutꞌen-i cha yukꞌut lhadútꞌih de, ꞌinkꞌez yunaꞌulhdoh. ꞋInkꞌez mai lhaduja-i, ꞌi tsꞌiyawh deínudzih ꞌinkꞌez mai bayoh tsꞌe wheyúli. ꞋEt hoontsꞌi ndi kwun ꞌaw nalhnusne, ootꞌooz, ꞌi be dutákꞌun,” ꞌubulhni.

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Mark 9:44

Whuz whe usgo dalhusa, ꞌinkꞌez kwun nalhnusnoh.

Luke 14:13

ꞋEt hoontsꞌi huwa ꞌutanꞌalh de, ꞌet telꞌenne, ꞌinkꞌez dzoh nudilhne, ooyustꞌe bodinꞌaine, ꞌinkꞌez hoos̱ꞌenne cha, nduntꞌohne, ꞌenne bughu nonyaꞌ.

Luke 14:21

ꞋEt be ꞌulhna-un yughu nanja ꞌinkꞌez dumoodih yudániꞌ. ꞋEt yoh whumoodih hunilchꞌe ꞌinkꞌez dude ꞌulhna-un ꞌuyulhni, ‘Soo ꞌa cho! Keyoh whuti tsꞌínyalh ꞌinkꞌez tiyaz ndulcho whe ninya ꞌinkꞌez telꞌenne, dzoh nudilhne, ꞌinkꞌez hoos̱ꞌenne cha ꞌinkꞌez ooyustꞌe bodinlane cha, tsꞌiyawh whusabinle!’ ꞋInkꞌez whe yálhꞌaꞌ.

Luke 3:17

Lufoos tlꞌo maiꞌ be tahawhúltsꞌih-i, ꞌi lhaídilhdzun. ꞋInkꞌez tlꞌo maiꞌ yutahawhúlhtsꞌih de, ꞌinkꞌez yun cha gak whulhtsilh de, mai la lhaduja-i, ꞌi tsꞌiyawh dénudzih ꞌinkꞌez mai bayoh tsꞌe dainudzih. Kwun ꞌaw nalhnusne ootꞌooz dutákꞌun,” ubúlhni.

Romans 8:13

ꞋEt whuz unꞌa dune ulhi de, ꞌet ꞌalha ꞌuhoontꞌoh whe kwuncho yo tsꞌu tíhdulh. ꞋEt hoontsꞌi Ndoni ꞌen gha nohyustꞌe lubeshi haꞌ ninzun-un ꞌetsul ꞌuhla de, ꞌet de ꞌilhiz wheni hutihnalh.

1 Corinthians 9:27

Sichꞌoh syustꞌe be syaih ꞌet whe skꞌuneꞌ titꞌen. ꞋEt ꞌaw ndulhuzustꞌen de, lhelhyoone khuni unzoo-i be bubulh yasduk hoontsꞌi sichꞌoh sba dzoh naóodleꞌ la.

Galatians 5:24

ꞋInkꞌez mbene Christ oochꞌeꞌ unline, ꞌet dáhoontꞌoh neyustꞌe lubeshi tsꞌu nintꞌi, ꞌet ꞌantsꞌi lubeshi tsꞌuznintꞌi-un leꞌ tsꞌintꞌoh, ꞌet tsꞌiyawh tulalhgus ꞌutsꞌodunilhtꞌo.

Colossians 3:5

ꞋEt huwa ndi yun kꞌut nohyustꞌe daootsah-un howa núlhtih. Ninta lheꞌzoohtꞌen, nintaꞌtsꞌutꞌih-un, ꞌinkꞌez whudutsun tuneꞌ oohtꞌen junih, ꞌinkꞌez nintaꞌuztitꞌelhꞌun, ꞌet hukwa lheꞌnuzooszin, hoontsiꞌ tuneꞌ utihtꞌen-un hukwaꞌ noohzin junih, ꞌinkꞌez ꞌuyoonne chꞌeꞌ haꞌ noohzin junih, ꞌet ꞌukꞌeltsi neba ꞌalhaꞌ ꞌuntꞌóh-un leꞌ hoontꞌoh.

Titus 2:12

ꞋEt whuneoodulhꞌeh, ndet Yakꞌusda be ꞌutꞌen lhuhooloh-un, ꞌinkꞌez whenichꞌoh ndi yun kꞌut hukwaꞌ ꞌuzninzun-un, ꞌet tsꞌiyawh dah ꞌuzdooniꞌ. ꞋEt kꞌus tsꞌihꞌun ni uznizulh-un, tsꞌihꞌun dune tsinli-i, ꞌi cha, ꞌinkꞌez Yakꞌusda tsꞌun teniꞌ uznilhdzun kꞌoh tsꞌe za tsꞌootꞌeꞌ, ꞌandit whuz unꞌa za ꞌutsꞌootꞌeꞌ,

Hebrews 12:1

ꞋEt huwa nohdutásnelh, ndunne bughun nohdásniꞌne, ꞌenne Yakꞌusda be ꞌutꞌen kꞌoh whunénulhtunne. Huldlai kꞌet, nenat ndúlcho ꞌantsꞌi kwꞌus leꞌ hintꞌoh. ꞋEt huwa neba ndaz-i kꞌoh nenilhtꞌi-i, ꞌinkꞌez lubeshi ꞌaw huwa lhúhoolnaꞌ whe neilhchuk, ꞌi tsꞌiyawh ꞌun tsꞌutoolhdilh. Yakꞌusda ba lhghu naztulwus-i, ꞌi nebut néwhultsꞌut-i, nelhtsꞌunisi whe uztoolghas.

1 Peter 2:1

ꞋEt huwa ꞌuyoonne tsꞌun noheni untsiꞌ-i, whutsꞌit be yalhduk-un, ꞌinkꞌez duba naꞌahdzooꞌ. ꞋInkꞌez ꞌuyoonne ghe oolhnih, ꞌinkꞌez khuni untsiꞌ-i be yálhduk-un cha, ꞌet tsꞌiyawh ꞌilhiz wheni whula doohtnih.