Mark 9:42 - Yak'usda Ooghuni

⁴² ꞋEt ꞌilhoghun tsꞌoodun ooba ꞌalhaꞌ ꞌustꞌoh-un ꞌinkꞌez dune lubeshi be schꞌa yulhti de, ndun dune tsꞌoodun tankꞌus unꞌa wheyúntilhtun ꞌet whutso huyúlh tatse oolhꞌis ꞌon nus sooꞌ hoontꞌoh.

Mark 9:42 Iomraidhean Croise

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 18:10

“ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.

Matthew 18:6

“ꞋEt hoontsꞌi tsꞌoodunne buba ꞌalha ꞌustꞌohne, tsꞌoodunne hoontsiꞌ tsꞌe ubonilhtꞌine, mbe la dune edújane, ꞌenne tse cho butsꞌilchun ehudinguz ꞌinkꞌez kꞌus takhulh-un ꞌet tábahano de, ꞌon nus hootázooꞌ.

Acts 9:4

ꞋInkꞌez yun ꞌet náltsꞌut ꞌinkꞌez laꞌ whutni, “Saul di ha dzoh nusílhdzut whe ꞌintꞌen?”

Romans 14:13

ꞋEt huwa ꞌandit whutsꞌun ꞌaw ꞌuyoonne ba nalhtsꞌuhoosye. Tsꞌiyawh whuz unꞌa za ꞌuznoozin, ꞌaw ꞌon ꞌat neyulhutsinke Jesus Christ hichꞌaz naóolꞌah ha whuz lhubuznoolhtꞌi, kꞌus buba dzoh ꞌuzdooniꞌ junih.

Romans 15:21

ꞋEt hoontsꞌi ndiz unꞌa Yakꞌusda be ꞌudustlꞌus kꞌut ꞌukꞌu núwhusguz, “Mbene la ꞌaw highun lhubudínelne, ꞌenne huwhutíꞌelh, ꞌinkꞌez mbene la hiyulhéꞌditsꞌilne, ꞌenne tꞌehontizeh.”

Romans 16:17

Sulhutsinke njan huwun nohgha dúsni, nohtoh mbene la whunohodalhꞌeꞌ whuchꞌaz yálhdukne, ꞌenne bugha lhchꞌaz nedutahdulh ꞌinkꞌez nohba hoontsiꞌ tileh. ꞋEt nduntꞌóhne buka huwolhleꞌ ꞌinkꞌez buchꞌaz naóolhꞌah.

2 Corinthians 6:3

ꞋAw nohba dzoh-un nohghá tsꞌúhoꞌalh-un hukwa lheꞌuznízun. ꞋEt huwa Yakꞌusda ba neꞌutꞌenne tsinli, ꞌaw whe hukwꞌé holtsꞌit-un hooloh.

Philippians 1:10

ꞋEt ꞌukꞌenus hoonzoo-un, ꞌet tꞌewhuntihzeh. ꞋEt huwa Christ oodzin whusahóoltsꞌut de, ꞌet de nohtsun hooloh ꞌinkꞌez ꞌaw hoonli-unyaz nohkꞌé holtsꞌit-un hootáloh.

1 Timothy 5:14

ꞋEt huwa butsꞌu hukwaꞌ nuszun, ndunne tsandilh ꞌaw yoo ꞌun lhiszulhne, ki náhootꞌeꞌ ꞌinkꞌez bubuzkeh holeꞌ, ꞌinkꞌez duyoh cha huwo hooleꞌ. ꞋEt njan nduhutꞌen de, ꞌaw nechꞌaz ditni-un yatilhduk-un ooghá holtsꞌit ꞌaitꞌoh.

2 Peter 2:2

ꞋInkꞌez khuni duwhutsꞌit-i be lhane nahuntiꞌah bubuhuntoodilh ha. ꞋEt huwa ꞌenne bugha ꞌuyoonne njan Yakꞌusda buznidulh-un, ꞌet tsꞌuwhutsꞌit whe ꞌutsꞌutꞌen, hudutinelh.