Mark 9:41 - Yak'usda Ooghuni

⁴¹ Nohni Christ oochꞌeꞌne ꞌahli huwa dune too nohgha nílhdzo de, ꞌen Yakꞌusda ooba ꞌukꞌelha yutaleh-i ꞌaw nintayoꞌalh ꞌaitꞌoh.

Mark 9:41 Iomraidhean Croise

Matthew 10:42

ꞋInkꞌez mbene la si sgha hodulꞌehne, bubooziꞌ gha kꞌus hukwꞌeꞌih ꞌuntꞌoh-un, too sukꞌuz yubainkai de, ꞌalha ꞌunohdusni, ꞌen hoontsꞌi ooba ꞌukꞌelha whutaleh wheꞌ hoontꞌoh.”

Matthew 25:40

ꞋEt lerwe njan ndúbudutanelh, ‘Ꞌalha ꞌi be nohdusni, ndunne sulhutsinke, ꞌaw nchane lhiloh, ꞌenne ꞌilhoghun hoontsꞌi whuz unꞌa ꞌet ndúbahla de, si ꞌusáhla wheꞌ hoontꞌoh.’

Mark 4:10

Jesus dichꞌoh ꞌúntꞌoh whe whulohne yoozálhtsꞌaꞌne huyulh ꞌuntꞌohne whelꞌaꞌne bulh Jesus higha óozdil ꞌinkꞌez ꞌuhuyúlhni, “Dája daniꞌ-un, ꞌet neba hukwꞌu nuhílhyeꞌ.”

Romans 14:15

Ndai la uhꞌálh-i, ꞌinkꞌez nohulhutsinke yuchꞌa nijoot ninzun de, ꞌinkꞌez bunalh yahꞌalh de, ꞌet de be nékꞌetsꞌinsiꞌ-i yit yinka dúlhtsꞌih whe ꞌuhtꞌoh. Ndai la ꞌahꞌálh-i, ꞌi gha Christ buba dazsaíne nintaꞌbólhꞌen junih.

Romans 8:9

ꞋEt Yakꞌusda ooyughi nohyudínda de, Ndoni ooduneꞌne ulhi ꞌinkꞌez nohyustꞌe lubeshi tsꞌu níntꞌi-un ꞌaw ookꞌú nulheꞌzuhtꞌen. ꞋEt hoontsꞌi mbene la Christ ooyughi lhitꞌihne, ꞌenne ꞌaw ooduneꞌne lhuhíloh.

1 Corinthians 15:23

ꞋEt hoontsꞌi ꞌilhoghun hinli whe ntsꞌoya buba hoozulh whe bugha óoninꞌai, ꞌet whuz unꞌa ꞌuhutitꞌelh. Christ ꞌen ꞌudechoo-un suliꞌ. ꞋEt hukwꞌelhꞌaz mbene la Christ oochꞌeꞌne hinli whe buba whusanátidalh, ꞌet de ꞌenne cha dunahudutádulh ꞌinkꞌez nahuhitátnaih.

1 Corinthians 3:23

ꞋInkꞌez nohni Christ oochꞌeꞌne ꞌahli, ꞌinkꞌez Christ, Yakꞌusda oochꞌeꞌ unli.

2 Corinthians 10:7

Ndet hoohꞌen, ꞌet za eh whunulhꞌen? Mbene Christ oochꞌeꞌne naꞌdunúdzunne, dáhoontꞌoh whe Christ oochꞌeꞌne ꞌuhintꞌoh, ꞌet whuz unꞌa za, wheni cha Christ oochꞌeꞌne ꞌutsꞌintꞌoh. Doo cha soo cho howu nuní hunoozut!

Galatians 3:29

ꞋEt Jesus Christ ooduneꞌ ꞌahli de, ꞌet Abraham tsꞌu haindene cha ꞌahli. ꞋInkꞌez ndi Yakꞌusda Abraham ye yutsꞌu náhizya-i, ꞌi gha tsꞌiyawh nohtsꞌu whutikulh.

Galatians 5:24

ꞋInkꞌez mbene Christ oochꞌeꞌ unline, ꞌet dáhoontꞌoh neyustꞌe lubeshi tsꞌu nintꞌi, ꞌet ꞌantsꞌi lubeshi tsꞌuznintꞌi-un leꞌ tsꞌintꞌoh, ꞌet tsꞌiyawh tulalhgus ꞌutsꞌodunilhtꞌo.