Mark 9:25 - Yak'usda Ooghuni

²⁵ ꞋEt Jesus whutilhꞌen ꞌilhozdílne bughá holhghaz whe ꞌahoh khuni ulhtus-i be ntsiꞌ-i nudúdeh-i hukwaꞌ yudániꞌ, “Ntsiꞌ-i nudúdeh-i lheꞌhudústsꞌo ꞌinkꞌez yalhuhulhduk ilhꞌí-un, tsꞌoodun ooyáhanaindaih nyudúsni, ꞌinkꞌez doo cha ꞌon ꞌat ooyunádondzit junih!” yúlhni.

Mark 9:25 Iomraidhean Croise

Matthew 12:22

ꞋEt ꞌilhoghun ntsiꞌ-i nududeh ooyudinda-un, hoos̱ꞌen ꞌinkꞌez yaoolhduk cha ꞌaitꞌoh. ꞋEn Jesus tsꞌu huyoolhti whe soo naꞌyinla. Hooꞌen ꞌinkꞌez yawhenilhduk.

Matthew 17:18

Ntsiꞌ-i nududeh-i ooyudinda-i, Jesus khuni ulhtus-i be hukwaꞌ yudániꞌ. ꞋEt whulh hulhgha za yutsꞌu ha nája ꞌinkꞌez tsꞌoodun soo naꞌuja.

Mark 9:15

ꞋIlhozdílne Jesus hitilhꞌen ibulh buba hooncha whe hidudílhghaz ꞌinkꞌez, “Hadih,” huyúlhni.

Mark 9:24

ꞋAhoh oobá oonatsultooꞌ hoonli whe ꞌutni, “SMoodihti be ꞌalha ꞌuhoontꞌoh ꞌustꞌi. ꞋEt hoontsꞌi sla ꞌineh, ꞌon nus ꞌultus-i be ꞌalha ꞌuhoontꞌoh-i oostꞌeꞌ ha, ꞌet hukwaꞌ nuszun.”

Mark 9:26

ꞋEt ntsiꞌ-i nudúdeh-i ndun tsꞌoodun yuka ootilhdzut, ꞌinkꞌez tube cho yudalhtlut, ꞌalhdzul, ꞌinkꞌez yuyáhanadide. Tsꞌoodun ꞌantsꞌi dazsai ꞌet ndúja. ꞋEt huwa lhane, “Dazsai whe ꞌuntꞌoh,” hutni.

Luke 11:14

ꞋEt ntsiꞌ-i nududeh ooyudinda-un ꞌaw yaoolhduk ꞌaitꞌoh whe Jesus dune tsꞌu ha naínanyoot. ꞋEt yutsꞌa ha naínanyoot whe dune yalhulduk-un yawhenilhduk. ꞋEt ꞌilhozdilne buba hooncha.

Luke 4:35

ꞋEt Jesus hukwaꞌ yudániꞌ whe ꞌuyulhni, “Tꞌeduzinih whe ooyáhanaindaih!” Ntsiꞌ-i nududeh-i dune butoh nayáno ꞌinkꞌez yutsꞌu ha naja. ꞋInkꞌez ꞌaw lhuyundílhdal.

Luke 4:41

ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.

Luke 8:29

ꞋEt ꞌudaꞌ ntsiꞌ-i ndudeh-i khuniti be ꞌubulhni ndun dune ye yáhanadoodeh ha. ꞋOh daꞌ lhuztih tlꞌool be huyulhghel oola ꞌinkꞌez ookechun cha, ꞌet whuz unꞌa highunli inleꞌ. ꞋEt hoontsꞌi lhat whe ntsiꞌ-i ndudeh-i yilhchuk whe lhuztih tlꞌool tániduchꞌas ꞌinkꞌez ntsiꞌ-i nududeh-i, ꞌen dune lhuhootꞌih tsꞌe whuz whénanyoot.

Luke 9:42

ꞋEt ꞌawhuz Jesus tsꞌu yilhtelh whe ntsiꞌ-i nududeh-i nayáno ꞌinkꞌez yukaootilhzut. ꞋEt Jesus ntsiꞌ-i nududeh-i khuniti be hukwaꞌ yudániꞌ, ꞌinkꞌez tsꞌoodun soo naꞌninla ꞌinkꞌez oobá tlꞌa náyalhti.

Acts 16:18

Lhat dzin ndutꞌen, ꞌudekꞌez Paul tube taídizni, yutsꞌu nálhꞌa ꞌinkꞌez ntsiꞌ-i nududeh-i ndí yulhni, “Jesus Christ booziꞌ gha ooyáhanadindaih!” ꞋEt ꞌaho ntsiꞌ-i nududeh-i yuyáhanadide.

Jude 1:9

ꞋEt hoontsꞌi Michael ꞌen ꞌudedo lizas ꞌuntꞌoh-un, ꞌet ꞌoh daꞌ netsudule ꞌen Moses dazsai whe hukwꞌelhꞌaz oozi ꞌi ghun lhdulhyoh ꞌuhudutni. ꞋAw dichꞌoh oobaꞌ hoontꞌoh lhnízun whe yuchꞌaz ditni be yalhduk ꞌinkꞌez yuba nahutiyeh. ꞋEt hoontsꞌi Michael netsudule nduyúlhni, “NeMoodihti hukwaꞌ nyudóniꞌ!”