Mark 9:23 - Yak'usda Ooghuni

²³ “A,” yúlhni, “Soo ꞌúlcho ꞌi be be ꞌalha ꞌuhoontꞌoh ꞌintꞌi de, mbene la ooba ꞌalha ꞌuhoontꞌoh utꞌíne tsꞌiyantsuk neꞌhutitꞌen-un buba huwa lhótilhnaꞌ.”

Mark 9:23 Iomraidhean Croise

Matthew 14:29

ꞋEt ꞌuyulhni, “ꞋAnih!” Peter tsꞌi be hainya ꞌinkꞌez Jesus too kꞌut yutsꞌu tizya.

Matthew 17:20

ꞋEt Jesus ꞌúbulhni, “Nohba ꞌalha lheꞌhootꞌoh ꞌet huwa ꞌaw oohleh ꞌaitꞌoh. ꞋAlha nohdusni ꞌanukat-i lheꞌniltsool-i, ꞌi mustard huyulhni, ꞌi kꞌunꞌa be nohba ꞌalha ꞌuhoontꞌoh de, ꞌet ꞌulcho de, dzulh njan whutsꞌun, nguz nailtsꞌut dahni de, ꞌaho ndutínelh. ꞋEt whuz unꞌa tsꞌiyaitsuk whuz unꞌa ꞌudahni de, ꞌet ndutítꞌelh.

Mark 11:23

Tsꞌihꞌun nohdusni, ndi dzulh ꞌi laꞌ dóhniꞌ, ‘Dudiltsꞌit ꞌinkꞌez yatoo kꞌut tailtsꞌit,’ nohdzi yo whe ꞌaw nawh lheꞌnahzun de, ꞌinkꞌez nohba ꞌalha ꞌuhoontꞌoh de, dawhútanelh dahni, tsꞌiyawh nohba ꞌet ndó tanelh.

Mark 9:22

“Lhat whe tsꞌoodun yuzoolhghelh hukwaꞌ yulhꞌen. Too be cha yuzoolhghelh hukwaꞌ yulhꞌen ꞌinkꞌez tsídunoh chaꞌ yulhꞌen. Sooꞌ tanlelh de, negha téꞌninzeh ꞌinkꞌez nela ꞌineh!”

Mark 9:24

ꞋAhoh oobá oonatsultooꞌ hoonli whe ꞌutni, “SMoodihti be ꞌalha ꞌuhoontꞌoh ꞌustꞌi. ꞋEt hoontsꞌi sla ꞌineh, ꞌon nus ꞌultus-i be ꞌalha ꞌuhoontꞌoh-i oostꞌeꞌ ha, ꞌet hukwaꞌ nuszun.”

Luke 17:6

ꞋEt neMoodihti ꞌubulhni, “ꞋUkꞌenus ha níyeh maiꞌ nintsool-i, mustard huyulhni, ꞌet nohba ꞌalha ꞌuhoontꞌoh-un, ꞌet ꞌuwhulcho de, duchun ha níyeh-i, mulberry huyulhni, ꞌet oodulhkut, ‘Ndi duchun ooghih tubulh ha ílhchꞌoolh ꞌinkꞌez bun cho kꞌut ꞌet ꞌana nꞌaih.’ ꞋEt nohkꞌoh tsꞌe ooneh.

John 11:40

ꞋEt Jesus ꞌuyulhni, “ꞋAw lakw lhunyudúsnel inleꞌ, si sghun mba ꞌalha ꞌuhoontꞌoh de, ꞌet de Yakꞌusda yé diztiꞌ-i tanꞌelh?”

Acts 14:9

ꞋEt usda ꞌinkꞌez Paul yalhduk yoozílhtsꞌai. ꞋEt Paul yunilhꞌen, tꞌéoonínzun ndun dune ooba ꞌalha ꞌuhoontꞌoh ꞌet whe soo náꞌtitnelh ninzun ꞌinka soo cho yunin tsꞌe yunilhꞌen whe

Hebrews 11:6

Bé ꞌalha ꞌuhoontꞌoh-i, ꞌi ooyit de, ꞌaw Yakꞌusda ooba dzoh tsꞌoozooꞌ ꞌaitꞌoh. Mbene Yakꞌusda tsꞌun hutidulh hukwaꞌ huninzun, Yakꞌusda hoonli wheꞌ hoontꞌoh, ꞌet buba ꞌalhaꞌ hotꞌeꞌ hubaꞌ hoontꞌoh. ꞋInkꞌez soo tsꞌihꞌun dudzi huwaꞌ hooli whe hikꞌoh tsꞌe hukwa hítisꞌenne, ꞌenne za buba ꞌukꞌelha whutilhtselh.