Mark 9:18 - Yak'usda Ooghuni

¹⁸ ꞋEt ndet la ntsiꞌ-i ooyédinda ooba hoolhtus de, ꞌet yun nadúldus, huwus ooza ha núldoh, dughoo lhúdukꞌus, ꞌinkꞌez lhtsꞌedunukw. Ngha hodulꞌehne ntsiꞌ-i nudúdeh-i hiyáhanahinooyoot, ꞌubudúsni ꞌet hoontsꞌi ꞌaw ꞌuhuyooleh ꞌaítꞌoh.”

Mark 9:18 Iomraidhean Croise

Matthew 15:22

ꞋIlhoghun tsꞌeke, Canaan whutꞌen-un ꞌuntꞌoh, yughu ninya. Tso bulh yalhduk wheꞌ yulhni, “SMoodihti sgha teꞌninzeh, David ootsꞌuhainzut-un ꞌintꞌoh! Syaz tsꞌekeyaz tube hoontsiꞌ hukwꞌunꞌa ntsiꞌ-i nududeh-i ooyudinda!”

Matthew 17:16

Ngha hodulꞌehne bughi nústih hoontsꞌi ꞌaw soo naꞌhuyooleh ꞌaitꞌoh.”

Matthew 8:12

ꞋEt hoontsꞌi mbene la yakꞌuz kꞌuneꞌ hoolꞌen huba ꞌuntꞌoh inleꞌne, tsahólhgus tsꞌe hubotilhdulh, hutso ꞌinkꞌez dughoo lhehídutikꞌus.”

Mark 11:23

Tsꞌihꞌun nohdusni, ndi dzulh ꞌi laꞌ dóhniꞌ, ‘Dudiltsꞌit ꞌinkꞌez yatoo kꞌut tailtsꞌit,’ nohdzi yo whe ꞌaw nawh lheꞌnahzun de, ꞌinkꞌez nohba ꞌalha ꞌuhoontꞌoh de, dawhútanelh dahni, tsꞌiyawh nohba ꞌet ndó tanelh.

Mark 9:17

ꞋIlhozdílne ꞌilhoghun dune butahaínya, “Nehodulhꞌeh-un syeꞌ ntsiꞌ-i nudúdeh-i ooyudínda ꞌet huwa ꞌaw yaoolhduk ꞌaítꞌoh ꞌinka ntsꞌo whúsasti.

Mark 9:19

ꞋInkꞌez Jesus uyúlhni, “ꞋAw nohni dune nohba ꞌalhaꞌ hotꞌeꞌ ꞌaítꞌoh! Dáwhuldzoh nohzih tisdalh? Dawhuldzoh nohtoh tisdalh sudutáhtsꞌo whutsꞌun ꞌinkꞌez nohba ꞌalhaꞌ tistꞌelh? Tsꞌoodun ndiz stsꞌun túlhtih!” ubúlhni.

Mark 9:20

ꞋInka highu hinílhti. ꞋEt ntsiꞌ-i nududeh-i yuyudínda-un Jesus yutilhꞌen ibulh, ꞌahoh tsꞌoodun ookaootizut ꞌinkꞌez nadílduz, ꞌinkꞌez huwus ooza ha nuldoh whe núkallhoh.

Mark 9:26

ꞋEt ntsiꞌ-i nudúdeh-i ndun tsꞌoodun yuka ootilhdzut, ꞌinkꞌez tube cho yudalhtlut, ꞌalhdzul, ꞌinkꞌez yuyáhanadide. Tsꞌoodun ꞌantsꞌi dazsai ꞌet ndúja. ꞋEt huwa lhane, “Dazsai whe ꞌuntꞌoh,” hutni.

Acts 7:54

ꞋEt dune nahíyilhne Stephen hidántsꞌo whe buba dzoh ꞌudija ꞌinkꞌez hituzilhghelh hukwaꞌ huninzun.

Jude 1:13

ꞋAntsꞌi ndulcho tatsi nudútun leꞌ hintꞌoh. Ndai la dune buba hukwaya hooni-i, ꞌi huwus ꞌet nduntꞌoh. Sum kꞌunꞌa lhtanahikulh leꞌ hutꞌen. ꞋEt nduntꞌohne dune, ꞌenne soo tsalhgus tꞌes leꞌ ꞌuntꞌoh-i, ꞌi ꞌilhiz wheni ꞌet Yakꞌusda buba ꞌudun whulhꞌai.