Mark 9:12 - Yak'usda Ooghuni

¹² Jesus ꞌet ubúlhni, “Elijah ꞌalhaꞌ ꞌudechoo whusatíyalh tsꞌiyantsuk lhaóodutileh ha. ꞋEt hoontsꞌi di ha Yakꞌusda ooghuni ꞌukꞌu nusgúz-i ꞌet ndutni ‘Yinka Dune Yeꞌ dzoh nutízut ꞌinkꞌez hitsꞌo dilhꞌoh neꞌhutilhꞌen?’

Mark 9:12 Iomraidhean Croise

Matthew 16:21

ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 26:24

ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Mark 10:33

“Soo zúlhtsꞌai, Jerusalem tsꞌuztidil ꞌinkꞌez Yinka Dune Yeꞌ, Lizwif lubret moodihne ꞌinkꞌez Moses be ꞌudustlꞌus ꞌukꞌu nunáguzne butlꞌa ihítilhtelh. Datítsah wheni hiba nahutiyeh ꞌinkꞌez ꞌudun yun kꞌut whutꞌenne butlꞌa ihítilhtelh.

Mark 9:13

ꞋEt hoontsꞌi nohdúsni Elijah ꞌudaꞌ whusaínya ꞌinkꞌez dune ntsꞌenꞌa hukwaꞌ huninzun te, néꞌhuyulhꞌen. ꞋEt Yakꞌusda be ꞌudustlꞌus kꞌut whuz unꞌa ꞌukꞌu núwhusguz ínleꞌ.”

Mark 9:31

yugha hodulꞌehne hubodulhꞌeh ꞌet huwa. ꞋInkꞌez ubúlhni, “Yinka Dune Yeꞌ, ꞌuyoonne dune tlꞌa hitilhtelh ꞌinkꞌez hituzilhghelh. Hizilhghi hukwꞌelhꞌaz whulh tat dzin ꞌet dunadutádalh.”

Luke 1:76

ꞋInkꞌez nyun tsꞌoodunyaz, kꞌus ꞌudedo-un, ba nus hooꞌen-un nyo dutanelh. NeMoodihti ꞌen ti hoonzoo ooba whutalhtselh ha ootso tanyalh ꞌet huwa.

Luke 23:11

ꞋEt Herod ꞌinkꞌez yuba lhuganne, ꞌenne bubulh tsꞌiyawh hoonliyaz buba lhíloh hinínzun ꞌinkꞌez highudloh. Lerwe nayitsꞌuz-i be húyalhti ꞌinkꞌez Pilate tsꞌun whe náhuyalhꞌaꞌ.

Luke 23:39

ꞋEt untsiꞌne, hizih tulalhgus kꞌut hulhti, ꞌilhoghun hichꞌá ꞌutsꞌun ꞌutni whe ꞌet ndúyulhni, “Nyun Christ inli de, ꞌet nyunchꞌoh ꞌududílyih ꞌinkꞌez wheni cha neílhyih!”

Acts 1:6

ꞋEt huwa whelꞌaꞌne Jesus te ꞌilhunahosdil whe ꞌet Jesus huyoodulhkut, “NeMoodihti, ꞌawet eh whusahónzut Israel ootsꞌu hainzutne doo cha za buyun kꞌut butlꞌa naootanꞌalh?”

Acts 4:11

Jesus, ꞌen ꞌuntꞌoh Yakꞌusda ꞌukꞌu nusguz-i kꞌut ndutni whe ooghu yaduk, ‘Nohni yoh ꞌuwhulhꞌenne tse ꞌúndutulhꞌuz-i, ꞌi la ꞌuja ꞌukꞌenus tse ooka dáhotni-i suliꞌ.’