Mark 8:6 - Yak'usda Ooghuni

⁶ ꞋEt ꞌilhozdílne yun hudóltsꞌiꞌ bubulhni. Lhtakꞌantꞌi lhes yílhchoot ꞌinkꞌez, “Musi,” ni whe tenadidli. Tánidizyuz ꞌinkꞌez yugha hodulꞌehne butainínla whutahayólelh ha, ꞌinkꞌez dilhtsꞌíne butahinínla.

Mark 8:6 Iomraidhean Croise

Matthew 26:26

ꞋEt ꞌaꞌalh whe Jesus lhes yilhchoot. Musi ni whe tenadidli. Lhtsꞌe danyuz ꞌinkꞌez yugha hodulꞌehne butlꞌa yánla. ꞋInkꞌez ꞌutni, “Ulhchoot ꞌinkꞌez ꞌahꞌalh. Ndi syustꞌe ꞌuntꞌoh.”

Mark 8:20

“ꞋInkꞌez lhtakꞌantꞌi liba 4,000ne dune butaidísyuz, daltsuk chalhyal dizbun-i highá ꞌozꞌal-i nalhdzooh ínleꞌ?” ubúlhni. “Lhtakꞌantꞌi,” huyúlhni.

Mark 8:5

ꞋEt Jesus uboodulhkut, “Daltsuk lhes sutꞌe ahtꞌi?” ꞋEt huyúlhni, “Lhtakꞌantꞌi lhes sutꞌe.”

Mark 8:7

Lho ntsool-iyaz hutꞌi, ꞌi cha Jesus “Musi,” ni whe yuba tenadidli ꞌinkꞌez yugha hodulꞌehne, “Whutahayólelh,” bubulhni.

Luke 12:37

ꞋEt moodih whusanaja de, ꞌinkꞌez be ꞌulhnane hika tse hooli, ꞌinkꞌez hika ítisꞌen. Moodih ndutꞌenne bunilhꞌen de, ꞌukꞌenus hoonzoo-un bugha whultsꞌut. ꞋAlhaꞌ nohdúsni, bumoodih soo nadutitneh ha, ꞌinkꞌez dude ꞌulhnane nátlꞌa dulhtsꞌi budutánelh, ꞌinkꞌez bubut néꞌtilelh.

Luke 24:30

ꞋEt natlꞌa hudiltsꞌiꞌ ꞌinkꞌez ꞌuhutiꞌulh. Jesus lhes yilhchoot ꞌinkꞌez Yakꞌusda musi yulhni. ꞋInkꞌez lhkídanyuz ꞌinkꞌez bugha íninꞌai.

John 2:5

ꞋEt ooloo ndunne ꞌustlénne ubúlhni, “Daja nohbulhni la ꞌoh te neꞌóohtꞌen.”

John 6:23

ꞋEt hoontsꞌi nyo ndet daꞌ neMoodihti Yakꞌusda tsꞌun lhes ba tenadidli ꞌinkꞌez dune tainínla huyooꞌalh-un wheni, ꞌet whuzih, ꞌet hukwꞌelhꞌaz ꞌuyoo tsꞌi cha Tiberias whuz de hainkat.

Romans 14:6

Ndun dune whuloh dzin ꞌon nus whudíztiꞌ ninzún-un, ꞌen ꞌet dzin neMoodihti yudólhtiꞌ ha, ꞌudun neóoninꞌai huwa ꞌútni. Ndun dune dzin ꞌon nus lhodítiꞌ ninzun-un, whuz unꞌa la neMoodihti wheyúdilhtiꞌ. Ndun dune tsꞌiyaitsuk ꞌaꞌálh-un Yakꞌusda musi yúlhni ꞌinkꞌez yunalh ꞌet yuꞌalh. Mbe la ꞌutsung lhúsꞌal-un, ꞌen cha Yakꞌusda musi yudániꞌ.

Colossians 3:17

ꞋInkꞌez dahtꞌen nohghuni ꞌinkꞌez nohꞌeꞌutꞌen whe cha, Jesus neMoodihti booziꞌ, ꞌi be ndahtꞌen. ꞋInkꞌez ꞌen be Yakꞌusda neBá, ꞌen tsꞌun musi dahni.