Mark 8:34 - Yak'usda Ooghuni

³⁴ ꞋEt Jesus ꞌilhozdilne ꞌinkꞌez yugha hodulꞌehne tubulh, “ꞋAnih,” ubúlhni, “Mbe suntiyalh hukwaꞌ ninzun-un dichꞌoh duba moodih naoodleꞌ ꞌaitꞌoh. Dutulalhgus yudutootan ꞌinkꞌez suntooyaꞌ.

Mark 8:34 Iomraidhean Croise

Matthew 10:38

ꞋInkꞌez mbene la dutulalhgus lhudistel de, ꞌinkꞌez sulhonisdulh de, sba soo lheꞌhildzooꞌ.

Matthew 16:24

Jesus ꞌet yugha hodulꞌehne ndúbulhni, “Dune seꞌ ꞌutꞌen kꞌoh ootꞌen ha suntiyalh hukwaꞌ ninzun de, yun kꞌut datsꞌíntꞌoh-un, ꞌet whula dootni, ꞌinkꞌez dutulalhgus yólhchoot ꞌinkꞌez suntooyaꞌ.

Matthew 27:32

ꞋAwet Jesus tehínilhti whe ꞌilhoghun dune Cyrene whutꞌen-un ꞌuntꞌoh, Simon huyulhni, hidudizdil whe ndi Jesus ootulalhgus ooba idantelh huyúlhni.

Mark 10:21

ꞋEt Jesus yukꞌensiꞌ whe yunalhꞌen ꞌinkꞌez uyúlhni, “ꞋIlhoghun za whuyit ꞌintꞌoh, naindalh ꞌinkꞌez ꞌintꞌi-i tsꞌiyawh be ꞌóonket ꞌinkꞌez sooniya telꞌenne gha níndzaih, tulalhgus ilhchoot ꞌinkꞌez ꞌanih, seꞌ ꞌutꞌen kꞌoh tuneꞌ óntꞌen ha sunanyalh. ꞋEt de yakꞌuz hoonzoo-un, ꞌet whuchꞌa ootálhdoh.”

Mark 7:14

ꞋEt ꞌilhozdílne Jesus doo cha za, “ꞋAnih! Soo zúlhtsꞌai tsꞌiyanne ꞌinkꞌez noheni taóodoltsꞌit,” ubúlhni.

Luke 13:24

“Hoondat-un datí-un hukwa daóohtni. ꞋEt nohdusni lhane ꞌet datí-un dahátidulh hukwaꞌ huntizilh, ꞌet hoontsꞌi ꞌaw ꞌuhooneh ꞌaitꞌoh.

Luke 14:33

ꞋEt huwa nohni nohtoh ꞌilhone ꞌahli whe, tsꞌiyawh ahtꞌi-i, ꞌaw oolalhduzahni de, ꞌaw sgha hodilꞌeꞌne oohleꞌ ꞌaitꞌoh.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 20:45

ꞋEt tsꞌiyanne dune huyoozilhtsꞌai whe Jesus yugha hodulꞌehne ꞌet ndúbulhni,

Luke 9:23

ꞋInkꞌez tsꞌiyawh ꞌúbulhni, “Mbe la dune seꞌ ꞌutꞌen kꞌoh tsꞌe ootꞌen ha hukwaꞌ ninzun-un, tsꞌiyawh whula dootnih ꞌinkꞌez dzin totsuk dutulalhgus yólhchoot ꞌinkꞌez suntooyaꞌ.

John 10:27

Seꞌ ꞌusbaine tꞌébunúszun. Sghuni hiditsꞌo ꞌinkꞌez sunónudilh.

John 19:17

ꞋInkꞌez dutulalhgus yuditelh whe ꞋUtsin Tsꞌun huwhútni, whuz oozya. ꞋEt Hebrew kꞌunꞌa Golgotha huwhútni.

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Romans 6:6

Tꞌetsꞌonínzun, ꞌudaꞌ datsꞌintꞌoh la, ꞌet Jesus Christ tulalhgus kꞌut whulh dazsai. ꞋEt whe lubeshi ꞌuztilhꞌelh hukwa ꞌuzninzun-un gak neba whutaleh. ꞋEt huwa niz de néꞌtsꞌustꞌen-un, ꞌaw ꞌon ꞌun hukwꞌú neꞌtsꞌootꞌen ꞌaítꞌoh. ꞋAw ꞌon ꞌun netsudúle be ꞌulhna lhtsꞌutisle, ꞌinkꞌez ꞌaw ꞌon ꞌun lubeshi ꞌuztilhꞌelh-un hukwa lheꞌtsꞌuntiszil.

Romans 8:17

ꞋInkꞌez Yakꞌusda buzkeh unlíne, ndai la Yakꞌusda butsꞌú yoozi-i, ꞌi buchꞌeꞌ whutaleh. ꞋEt whuz unꞌa Christ bulh ꞌúztitꞌelh, Christ bulh dzoh nutsꞌuzut de, ꞌen bulh uzdutátiꞌ ꞌet huwa.

1 Corinthians 15:31

ꞋInkꞌez hootáhtꞌeꞌ-un si cha ꞌet whuz unꞌa Christ neMoodihti, Jesus, ꞌen gha hootástꞌeꞌ. ꞋInkꞌez nohdusni, ndi khuni be yasduk, ꞌi gha dzin totsuk dásaih.

1 Corinthians 8:13

ꞋEt huwa ndi ꞌutꞌalh-i huwa tꞌaih-i, ꞌi gha sulhutsin tankꞌus óoneh de, ꞌet de ꞌaw ꞌon ꞌat ꞌutsung óosꞌalh ꞌaitꞌoh, doo ka la si sgha sulhutsin tankꞌus óoneh.

1 Corinthians 9:19

ꞋEt ꞌaw ꞌulhna lhusdloh ꞌet hoontsꞌi tsꞌiyanne ba ꞌulhna naꞌduzuzsi. ꞋEt whe ꞌon nus ꞌultsukne uboosyih.

Galatians 2:20

Christ tulalhgus kꞌut bulh dasusai le ꞌustꞌoh, ꞌet ꞌaw ꞌon ꞌun lhuhúsnoh le ꞌustꞌoh, ꞌet hoontsꞌi Christ syudinda. ꞋInkꞌez ye khuna-i, ꞌi be khusna. Yakꞌusda ooYeꞌ sba ꞌalhaꞌ ꞌuntꞌoh-un, ꞌet ꞌi gha yun kꞌut khusna. ꞋEn ꞌuja skꞌensiꞌ kꞌet sba whutlꞌaꞌ dudilti.

Galatians 5:24

ꞋInkꞌez mbene Christ oochꞌeꞌ unline, ꞌet dáhoontꞌoh neyustꞌe lubeshi tsꞌu nintꞌi, ꞌet ꞌantsꞌi lubeshi tsꞌuznintꞌi-un leꞌ tsꞌintꞌoh, ꞌet tsꞌiyawh tulalhgus ꞌutsꞌodunilhtꞌo.

Galatians 6:14

ꞋEt Jesus Christ tulalhgus kꞌut neba dazsai-un, ꞌet za whdústꞌiꞌ wheꞌ hoontꞌoh. NeMoodihti Jesus Christ ootulalhgus, ꞌi gha za sdzi do ꞌúja. ꞋEn bulh dasusai le ꞌustꞌoh. ꞋEt huwa ndi yun ꞌantsꞌi sba whuzdliꞌ. ꞋInkꞌez si cha ꞌantsꞌi whuba usdli suliꞌ.

Philippians 3:10

ꞋEt Jesus Christ ꞌen tꞌentiszeh hukwaꞌ nuszun. Ye ulhtus-i, ꞌi be dunaidilhti, ꞌinkꞌez dahoontꞌoh whe dzoh nusuzut, ꞌet cha tꞌewhuntiszeh. ꞋEt dazsai, si cha whuz unꞌa za ꞌutisnelh.

Philippians 3:7

ꞋEt hoontsꞌi ndóohoolcho whe sba hoonzoo sutilhtselh inleꞌ, ꞌet Christ ꞌen ba ꞌantsꞌet ꞌístꞌen whuzdliꞌ ꞌet nawhusꞌai.

Colossians 1:24

ꞋEt ꞌandit Christ ꞌen gha nohba dzoh nuszut-un hoonústꞌiꞌ. ꞋEt syustꞌe kꞌoh ꞌuhoontꞌoh-un ꞌi be ꞌen ooyustꞌe ba lhaoodutisdleh. Ndi ooyustꞌe, ꞌi Yakꞌusda ba ꞌilhunaoodulh-un, ꞌet ꞌuwhúlhni.

Colossians 3:5

ꞋEt huwa ndi yun kꞌut nohyustꞌe daootsah-un howa núlhtih. Ninta lheꞌzoohtꞌen, nintaꞌtsꞌutꞌih-un, ꞌinkꞌez whudutsun tuneꞌ oohtꞌen junih, ꞌinkꞌez nintaꞌuztitꞌelhꞌun, ꞌet hukwa lheꞌnuzooszin, hoontsiꞌ tuneꞌ utihtꞌen-un hukwaꞌ noohzin junih, ꞌinkꞌez ꞌuyoonne chꞌeꞌ haꞌ noohzin junih, ꞌet ꞌukꞌeltsi neba ꞌalhaꞌ ꞌuntꞌóh-un leꞌ hoontꞌoh.

2 Thessalonians 3:11

ꞋEt nohni nohtoh whulh ꞌúzditsꞌo, tsedutnine cha hoonli ꞌinkꞌez ꞌaw lheꞌhustꞌen. ꞋEt hoontsꞌi ꞌuyoonne eꞌutꞌen kꞌoh huwu hinli.

Titus 2:12

ꞋEt whuneoodulhꞌeh, ndet Yakꞌusda be ꞌutꞌen lhuhooloh-un, ꞌinkꞌez whenichꞌoh ndi yun kꞌut hukwaꞌ ꞌuzninzun-un, ꞌet tsꞌiyawh dah ꞌuzdooniꞌ. ꞋEt kꞌus tsꞌihꞌun ni uznizulh-un, tsꞌihꞌun dune tsinli-i, ꞌi cha, ꞌinkꞌez Yakꞌusda tsꞌun teniꞌ uznilhdzun kꞌoh tsꞌe za tsꞌootꞌeꞌ, ꞌandit whuz unꞌa za ꞌutsꞌootꞌeꞌ,

Hebrews 13:13

ꞋEt huwa tsꞌuwhutꞌi-un whan ꞌaz tsꞌe, ntsꞌe Jesus Christ ꞌuntꞌoh-un, whuz ootsꞌuztoodilh. ꞋInkꞌez yooya huyulhtsi-un, wheni cha tsꞌuhólhchoot.

1 Peter 4:1

ꞋInka Christ, duyustꞌe ꞌi be neba dzoh nusuzut. ꞋEt huwa nohni cha noheni ulhtus oolhꞌeꞌ ookꞌunꞌa nuni noohzut. Mbene dichꞌoh duyustꞌe be dzoh nudehne, tsꞌiyawh lubeshi ꞌonidulh-un ꞌetsul ꞌuhuja ꞌet huwa.

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.

2 Peter 1:14

Tꞌeoonúszun ꞌawet nilhdukw whe datítsah. Ntsꞌenꞌa datísah-un, ꞌet neMoodihti Jesus Christ whusunilhtan.

1 John 3:16

Jesus Christ ꞌen ye khuna-i neba yula ditni, ꞌet huwa be lhkꞌetsꞌusiꞌ-i tꞌezninzun. ꞋInkꞌez wheni cha neulhutsinke be tsꞌúkhuna-i buba oolazdootnih hubaꞌ hoontꞌoh.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.