Mark 8:22 - Yak'usda Ooghuni

²² ꞋEt Jesus yugha hodulꞌehne bulh keyoh Bethsaida huwhútni-un whuz hoozdil whe ꞌilhoghun dune hoos̱ꞌén-un, ꞌen Jesus highu hinílhya ꞌinkꞌez highu tedudlih yutꞌaoonalh ha.

Mark 8:22 Iomraidhean Croise

Matthew 11:21

ꞋEt ꞌubulhni, “Nohni Chorazin whutꞌenne, ꞌinkꞌez Bethsaida whutꞌenne, nohni, dawhultsiꞌ-un ꞌet nohtsꞌu hóoltsꞌulh! ꞋUdaꞌ whunilhchoh hoolhtus neꞌwhustꞌen-un, Tyre ꞌinkꞌez Sidon whutꞌenne, bunalh ndúhooja de, ꞌudaꞌ daꞌ dudeni naháhundunooleh ooleꞌ daꞌ. Doso naih be hudólhdzꞌi de ꞌinkꞌez lhez kꞌehodzih daꞌ.

Matthew 14:36

“Nyunaih naintsꞌuz-i ꞌantsꞌi yus tsꞌe ootꞌá tsꞌonalh,” huyulhni. Mbene yutꞌaiznaine, tsꞌiyawh soo náꞌhuja.

Matthew 8:15

Yula tꞌaiznai. ꞋAho nulwus duda ootsꞌu ha naidide. ꞋAho dunadija ꞌinkꞌez bugha náꞌuntꞌai.

Matthew 8:3

ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja.

Matthew 9:29

Buna yutꞌaíznai ꞌinkꞌez ubúlhni, “Nohba ꞌalha ꞌuhoontꞌoh, whuz unꞌa ꞌuhóneh.”

Mark 2:3

Yalhduk whe dine dune, ꞌilhoghun dune délhdusni-un Jesus tsꞌun híyoozkai.

Mark 3:10

Lhane ndudáne soo naꞌbinla ꞌinkꞌez ꞌuyoonne cha hitꞌa óonalh hukwaꞌ hutꞌen,

Mark 6:45

ꞋAhoh Jesus yugha hodulꞌehne tsꞌi be nábalhꞌaꞌ ꞌinkꞌez Bethsaida huwhútni keyoh whuz dutso whe balhꞌaꞌ nyan tadatus tsꞌe whuzꞌai. ꞋEt didut nyoonne ꞌilhozdílne whe nábalhꞌaꞌ.

Luke 10:13

“ꞋEt nohni Chorazin whutꞌenne, ꞌinkꞌez nohni Bethsaida whutꞌenne, nohni chaꞌ dawhultsiꞌ-un nohtsꞌu hóoltsꞌulh! Ndet la hoolhtus-un nohnat ꞌuhooja-un, ndunne Tyre ꞌinkꞌez Sidon whutꞌenne, bunat ndúhooja de, ꞌudaꞌ daꞌ dudeni náhondunizdla ooleꞌ daꞌ. ꞋInkꞌez daꞌ doso be hudilhtsꞌi ꞌinkꞌez daꞌ kwun lez kꞌéhidzi.

Luke 9:10

ꞋEt whelꞌaꞌne whusanáhidil whe dahítꞌen-un tsꞌiyawh hidaniꞌ. ꞋInkꞌez njan Bethsaida keyoh whunat disoh tsꞌe whébanla.

John 1:44

Philip ꞌen keyoh Bethsaida huwhútni-un whutꞌen-un ꞌuntꞌoh. ꞋEt keyoh Andrew ꞌinkꞌez Peter bulh ꞌet huwhutꞌi.

John 12:21

Philip, ꞌen keyoh Bethsaida, Galilee yun kꞌut whuzꞌai, ꞌen highu nindil ꞌinkꞌez ꞌuhuyúlhni, “Wheni cha Jesus uztiꞌelh hukwa ꞌuzninzun.”