Mark 8:2 - Yak'usda Ooghuni

² “Ndunne dune bughaꞌ teꞌnuszun. ꞋAwet tat dzin sulh ꞌúhitꞌen ꞌinkꞌez huyooꞌalh-i hooloh.

Mark 8:2 Iomraidhean Croise

Matthew 14:14

Jesus tsꞌi bé hainya whe dune huldlai kꞌet ꞌaw ꞌuzdooniꞌ ꞌaitꞌoh, ꞌenne butilhꞌen. Bugha téꞌninzin ꞌinkꞌez ndudane cha tsꞌiyawh soo naꞌbinla.

Matthew 20:34

ꞋEt Jesus bugha teꞌnanzin whe dula be buna yutꞌaíznai. ꞋEt ꞌaho huhooꞌen suliꞌ, ꞌinkꞌez huyuntizꞌaz.

Matthew 9:36

ꞋEt hoontsꞌi ꞌilhunaoosdilne ꞌubunilhꞌen. Tsꞌiyawh nehunintsai dóhotꞌen, ꞌaw ꞌuhooneh ꞌaitꞌoh. ꞋInkꞌez tsꞌiyaitsuk laditnine dohotꞌen. ꞋAntsꞌi ꞌusbai ꞌaw bughunli-un hooloh leꞌ hintꞌoh.

Mark 1:41

Jesus yugha téꞌninzin yutsꞌú nudilhni ꞌinkꞌez yutꞌaíznai. “Hukwaꞌ nuszun soo naꞌíntneh,” yulhni.

Mark 5:19

ꞋEt Jesus, “ꞋAwundooh,” yúlhni ꞌinkꞌez uyúlhni, “Nyoh tsꞌe naíndalh ꞌinkꞌez nkꞌekene te hubudíni dalcho ꞌi be la nyuMoodihti nla ꞌuja ꞌinkꞌez ngha teꞌninzin.”

Mark 6:32

ꞋEt nus tsꞌi be hutizki disoh tsꞌe whuz nehúninki.

Mark 6:34

ꞋEt Jesus tsꞌi be hainya whe lhane ꞌilhozdil ꞌet ꞌubunilhꞌen tube bugha téꞌninzun ꞌantsꞌi ꞌusbaiyaz ooghulhídloh-i léꞌhintꞌoh ꞌinka lhat-un ꞌet whubuwhéoodunilhꞌeꞌ.

Mark 8:3

ꞋEt nduhíntꞌoh whe buyoh tsꞌe whenábisꞌaꞌ de nahidulh whe la bukaootoodeh. Whulohne tube nilhdzaz de ha hándil ꞌet huwa.”

Mark 9:22

“Lhat whe tsꞌoodun yuzoolhghelh hukwaꞌ yulhꞌen. Too be cha yuzoolhghelh hukwaꞌ yulhꞌen ꞌinkꞌez tsídunoh chaꞌ yulhꞌen. Sooꞌ tanlelh de, negha téꞌninzeh ꞌinkꞌez nela ꞌineh!”

Luke 15:20

ꞋInka ꞌet ꞌawet dubá tsꞌu nátisja. ꞋAwhuz yoo ꞌaz de nádalh, oobá yutilhꞌen whe ꞌaho yugha teꞌninzin. Yududílhgaih ꞌinkꞌez duyeꞌ dushih beꞌ yilchoot ꞌinkꞌez naiditsꞌooz.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Hebrews 2:17

ꞋEt huwa dudulhutsinke kꞌunꞌa tsꞌiyantsuk whuz unꞌa dune kꞌunꞌa ꞌoolneh hubaꞌ hoontꞌoh. ꞋEnne buba lubret ꞌukꞌenus diztiꞌ-un tileh, ꞌet whe Yakꞌusda ooba bugha teꞌninzun ꞌinkꞌez ꞌaw bula dootnih ꞌaitꞌoh. ꞋEt whuz unꞌa Yakꞌusda ooba neꞌutꞌen. ꞋEt buba dazsai-un huwa lubeshi ꞌulhꞌenne Yakꞌusda buba ꞌun whutoolhdilh, ꞌet de soo cho buka naítatꞌelh.

Hebrews 4:15

Nelubret ꞌukꞌenus diztiꞌ-un, ꞌen be tetsꞌutsun-i, ꞌi bulh ꞌalhgoh negha teꞌninzun datsꞌintꞌoh la tꞌeooninzun. ꞋEn lubeshi yit ꞌuntꞌoh ꞌet hoontsꞌi ꞌen cha wheni nekꞌunꞌa tsꞌiyantsuk tankꞌus óoneh ha óoldzih inleꞌ.

Hebrews 5:2

Yakꞌusda yukꞌunꞌa tꞌeoonúszunne ꞌinkꞌez tankꞌus ítꞌelhne, ꞌenne bughun oodzi únduda, didutchꞌoh cha lhat-un whe tetsun ꞌet huwa.