Mark 8:17 - Yak'usda Ooghuni

¹⁷ ꞋEt Jesus daja hutni la ꞌudaꞌ tꞌeoonínzun ꞌet ꞌúbulhni, “Di ha lhes lháhtꞌih-un huwa yalhduk, ꞌawhuz tꞌeoonuzúhzun kꞌus noheni tꞌalhodúlhtsꞌit nohdzi ꞌawhuz eh dutsꞌun wheꞌ dahni?

Mark 8:17 Iomraidhean Croise

Matthew 12:15

Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 15:17

ꞋAwhuz eh tsꞌihꞌun nelhózahꞌai? Dune ooza yúkat-i, oobut be yukat. ꞋInkꞌez ooyustꞌe tsꞌu ha náyukat.

Matthew 16:7

Lhulh yawhehunilhduk, “ꞋAw lhes lhtsꞌíꞌal ꞌet huwa ꞌutni.”

Mark 16:14

ꞋEt hukwꞌelhꞌaz Jesus yugha hodulꞌehne whunizyane ꞌon ꞌat ꞌilhoghun naꞌhutꞌalh whe bunalhtsꞌet hainya. ꞋEt ꞌaw be ꞌalha ꞌuhoontꞌoh-i lhuhítꞌiꞌ ꞌinkꞌez ꞌutsꞌun ꞌoninzun. ꞋEt huwa yanꞌenne ꞌaw buba ꞌalhaꞌ lheꞌhudusnih, ꞌet Jesus hukwaꞌ budániꞌ

Mark 2:8

ꞋEt hoontsꞌi Jesus duyughi be daja huninzun tꞌewhunínzun ꞌet ꞌahoh ꞌubulhni, “Dáhoontꞌoh huwa ꞌoh te nuní nahzut?

Mark 3:5

Jesus tube hunílchꞌe whe butunuyúꞌen budzi dadiltsꞌun la ꞌet huwun unli. ꞋEt dune ka únli-un yulhni, “Lhtsꞌedílnih!” Nyoon dune lhtsꞌedilhni ibulh ꞌilhoghi oola kꞌunꞌa soo náꞌuja.

Mark 6:52

Whutsodaꞌ liba dáyinla la ꞌet ꞌaw tsꞌihꞌun nelhúhohooꞌal, ꞌet huwa njan lhes ghun dahóoja-un budzi dutsꞌun ꞌet huwa.

Mark 8:16

ꞋEt lhulh yáwhehunilhduk, “ꞋAw lhes lhtsꞌítꞌih ꞌinka ꞌutni.”

Luke 24:25

ꞋEt Jesus ꞌubulhni, “Tube nohni whusnine ꞌahli! Ndet la tsꞌiyawh nus hooꞌenne daja hutni-un, tube saꞌ whe nohdzi be nohba ꞌalhaꞌ whuneh!

John 16:30

ꞋAndit ꞌawet tꞌetsꞌonínzun soo tsꞌiyantsuk ꞌet tꞌéwhúnínzun ꞌet huwa ꞌaw ꞌon ꞌun ntsꞌu yoodolhkut ꞌaítꞌoh. ꞋEt huwa Yakꞌusda ootsꞌun hainya neba ꞌalha ꞌuhoontꞌoh.”

John 21:17

Whulh tat yoodulhkut, “Simon Jonas ooyeꞌ ꞌalhaꞌ eh syadan inli?” ꞋEt Peter tube ooba dzoh suliꞌ, Jesus whulh tat-un yoodulhkut whe uyúlhni, “Syadan inli eh?” uyúlhni. ꞋEt Peter uyúlhni, “SMoodihti, nyunchꞌoh tsꞌiyantsuk tꞌéwhúnínzun. ꞋInkꞌez nyunchꞌoh tꞌéwhunínzun nyadan usdli.” ꞋEt doo cha Jesus uyúlhni, “Se ꞌusbaine bube ꞌilhꞌalh!

Revelation 2:23

ꞋInkꞌez ndun tsꞌeke buzkeh cha ubutisghan. ꞋInkꞌez Yakꞌusda ba ꞌilhunaoodulhne, tsꞌiyawh tꞌehontázin, si ꞌustꞌoh dune bubeni toh ꞌinkꞌez budzi bet cha hoonli hukwꞌu nústa. ꞋInkꞌez ꞌilhughun ꞌahli whe nohꞌeꞌutꞌen kꞌoh huwa nohba ꞌukꞌelha whutiselh.