Mark 8:13 - Yak'usda Ooghuni

¹³ ꞋEt buchꞌa nasja tsꞌi be nája ꞌinkꞌez bun kꞌut nyan whenáki.

Mark 8:13 Iomraidhean Croise

Matthew 15:14

Butsꞌá ha lhozahꞌai! Moodih hoos̱ꞌenne leꞌ hintꞌoh. ꞋEt ndiz unꞌa njan duhoontꞌoh, ꞌilhoghun hoos̱ꞌen-un ꞌinkꞌez ꞌilhoghun hoos̱ꞌen-un ghunli de, nahúltꞌoh tsa kꞌet ꞌá hatiltsꞌulh.”

Matthew 7:6

Yakꞌusda ooghuni lubeshi ooghu hooloh-un, khun te lhike ndultꞌohne gha óohꞌalh junih. Kꞌus Yakꞌusda ye whúneodulhꞌeh-i, ꞌi kwꞌusul diztiꞌ-i, pearl huyulhni, khun gugoos butso naóolhdilh junih. Hikꞌu nutílhꞌus ꞌinkꞌez ꞌaho nohtsꞌu nálhya ꞌinkꞌez yanohodutálhchꞌulh.”

Mark 8:12

Jesus tube hibadzo ꞌúdija ꞌinkꞌez ubúlhni, “Di ha ꞌandit dunene huwa ꞌítꞌen-un hukwa hitisꞌen? ꞌalhaꞌ nohdúsni ꞌaw ndi yun kꞌut whuduneꞌne ndúhoontꞌoh-un huhooꞌen ꞌaitꞌoh.”

Mark 8:14

Yugha hodulꞌehne lhes nahodilhnoh ꞌilho liba za tsꞌi be húlhꞌai.

Luke 8:37

ꞋEt Gadarene whunat whutꞌenne ndulcho whe hunílhjoot. ꞋEt huwa Jesus buchꞌa naoojaꞌ huyúlhni. ꞋInka tsꞌi be naja ꞌinkꞌez whe nahiki.

John 12:36

Dáwhuldzoh la ndi be hóotꞌen-i ꞌahtꞌí-i, ꞌinkꞌez nohba ꞌalhaꞌ ooteꞌ, ꞌet de be hóotꞌen-i buzkeh tihleh.” ꞋEt Jesus ndubulhni hukwꞌelhꞌaz, bughu whenája ꞌinkꞌez buchꞌa untilhꞌi.

John 8:21

ꞋEt Jesus doo cha ubúlhni, “Nohghu tisyalh. Ska itóhꞌen la ꞌet hoontsꞌi nohlubeshi bulh la yaóohdlah, ꞌet huwa ntsꞌe la tisyalh tsꞌe nohni cha ꞌaw whuz toohdilh ꞌaítꞌoh.”

Acts 18:6

ꞋEt hoontsꞌi ndet buba ꞌalhaꞌ lheꞌdusnih ꞌinkꞌez hoontsiꞌ te neꞌhiduniꞌ de, ꞌet la bulez chꞌa dunaih nayughat ꞌinkꞌez ꞌubulhni, “Ninta nahkat de, nohnichꞌoh whuzahni wheꞌ tihnelh. Si skꞌé hoꞌalh ꞌaítꞌoh. ꞋAndit whutsꞌun ꞌudun yun kꞌut whutꞌenne, ꞌenne la butsꞌu tóosyaꞌ!”

Acts 27:2

Tsꞌi cho, keyoh Adramyttium tsꞌe haínkez, ꞌi Asia tsꞌe yatoo ba tsꞌi yanákuk-un whutunutíkwus, ꞌi be tsꞌándil ꞌinkꞌez ꞌawet uztizki. ꞋIlhoghun dune Aristarchus huyúlhni-un, ꞌen keyoh Thessalonica Macedonia yun kꞌut whuzꞌai tsꞌe whuz de haínya, ꞌen cha nebulh ꞌúja.