Mark 8:11 - Yak'usda Ooghuni

¹¹ ꞋEt whulohne Phariseene Jesus highu nindil ꞌinkꞌez hidulhyoh wheꞌ duniniꞌ huyóolhdzih whe huyóodúlhkut, “Huwa ꞌítꞌen-un ꞌuhóonleh ꞌalhaꞌ Yakꞌusda ntlꞌa hónꞌai de huwa tꞌétsꞌonoozeh ha.”

Mark 8:11 Iomraidhean Croise

Matthew 12:38

ꞋAwet whulohne Moses be ꞌudustlꞌus ꞌukꞌu nunáguzne ꞌinkꞌez Phariseene, cha ꞌuhuyulhni, “Dune hodulhꞌeh-un neba huwa ꞌitꞌen tuneꞌ tantꞌen ntsꞌu hukwaꞌ ꞌuzninzun.”

Matthew 19:3

ꞋEt Phariseene cha highu nindil hiyootálhdzih ha, ꞌinkꞌez huyoodulhkut, “ꞋEt ndet huwa neꞌatke ꞌantsꞌi ꞌoh huwun buchꞌa naztidalh, Moses khuni netlꞌa idanꞌai-i, ꞌi ookꞌunꞌa eh ꞌuhoontꞌoh?”

Matthew 21:23

ꞋEt ꞌawet lugliz whucho daninya whe ꞌet dilhtsꞌine whe whúbondunilhꞌeꞌ. ꞋEt ꞌudedo lubretne ꞌinkꞌez dune ꞌutso whudilhdzulhne cha, highu nindil ꞌinkꞌez ꞌuhuyúlhni, “Nedini ndai gha dune ando ꞌintꞌoh whe njan ndintꞌen-un. ꞋInkꞌez mbe ntlꞌa honꞌai whe dune bukꞌunuhilhyeꞌ?”

Matthew 22:15

ꞋEt ꞌawet Phariseene ꞌudun nehúnindil ꞌinkꞌez howu yahalhduk, ntsꞌenꞌa la Jesus ye yalhduk-i, ꞌi be hitilhgooh hukwaꞌ hutꞌen.

Matthew 22:18

ꞋEt hoontsꞌi Jesus tꞌeooninzun ntsꞌenꞌa la hoontsiꞌ kꞌoh tsꞌe hoontꞌoh, ꞌet huwa ꞌubulhni, “ꞋEt di ha soo zúlhtsꞌi? Nohni duba naꞌudzooꞌne ꞌahtꞌoh!

Matthew 22:23

ꞋEt dzin za Sadduceene, highu nindil. ꞋEnne ꞌuhutni datsꞌúzsai ꞌinkꞌez ꞌaw natsꞌuhótnah ꞌaítꞌoh.

Mark 12:15

ꞋEt hoontsꞌi Jesus huyoolhgooh hukwaꞌ huyulhꞌen tꞌeoonanzin, ꞌinka ꞌubulhni, “ꞋEt di ha sóolhdzih? Sooneya stlꞌahꞌaih noosꞌen si.”

Mark 2:16

ꞋEt Moses beꞌ ꞌudustlꞌus ꞌukꞌu nunáguzne ꞌinkꞌez Pharisee didowhne, Jesus hinilhꞌen lubeshi ꞌulhꞌenne, ꞌinkꞌez sooniya nalhdzóohne bula naꞌutꞌalh. Phariseene Jesus yugha hodulꞌehne hubuhoodulhkut, “Dáhoontꞌoh huwa nduntꞌóhne bula ꞌaꞌalh?”

Mark 9:16

Jesus Moses be ꞌudustlꞌus ꞌukꞌu nunáguzne uboodulhkut, “Di ghun budulhyoh ꞌudahni?” ubúlhni.

Luke 10:25

ꞋEt hukwꞌelhꞌaz ꞌilhoghun Moses beꞌ ꞌudustlꞌus ꞌuyoo unli be yalhduk-un dudinya ꞌinkꞌez Jesus ꞌonilha yoodulhkut, “Nehodulhꞌeh-un datistꞌelh whe ꞌilhiz be tsꞌukhuna-i stlꞌa ootiltsꞌulh?”

Luke 11:16

ꞋEt ꞌuyoonne huyoolhdzih whe huyoodulhkut, “Yakꞌuz tsꞌe whutsꞌun neba huwa ꞌitꞌen tuneꞌ tantꞌen eh, ꞌet whunenilhtun?”

John 4:48

ꞋEt Jesus uyúlhni, “Nyunalh huwa ꞌítꞌen tuneꞌ ꞌústꞌen ꞌinkꞌez hooncha te neꞌústꞌen de, ꞌet de za la nohba ꞌalhaꞌ oostꞌeꞌ.”

John 6:30

ꞋInka ꞌuhuyúlhni, “Dantꞌi ꞌutꞌen ꞌutalhꞌelh? ꞋIlhoghun huwa ꞌítꞌen-un neba ꞌuhoonleh, ꞌet de la tsꞌonoolhꞌen, ꞌinkꞌez neba ꞌalhaꞌ ꞌontꞌeꞌ.

John 7:48

Wheni moodihne kꞌus Phariseene wheni cha neba ꞌalhaꞌ ꞌuntꞌoh nahzun eh? ꞋAwundooh!

John 8:6

ꞋEt ꞌonilha huyóolhzih hoonli hukwaꞌ hikꞌeóotaꞌalh ꞌinka ꞌuhutni, ꞋEt Jesus nyo duja ꞌinkꞌez dulasga be yun kꞌut ꞌukꞌeneꞌ ꞌúsguz, lhubudutso léꞌuntꞌoh.

Acts 5:9

ꞋEt Peter uyúlhni, “ꞋEt di ha nki bulh Ndoni ólhdzih hukwa ꞌahtꞌan? Ndunne chilke nki ꞌailhtíne dati nódilhya, nyun cha whuz unꞌa tenányotalhtelh!”

1 Corinthians 10:9

ꞋEnne bukꞌunꞌa Christ tsꞌoolhdzih leꞌ tsꞌootꞌen junih. Whulohne huyóolhdzai ꞌet huwa tlꞌughus be higan.