Mark 7:7 - Yak'usda Ooghuni

⁷ Stsꞌun téni hunilhdzun doo ka ꞌuhutni, ndi yun kꞌut dune yugha néꞌulhꞌai-i, ꞌi Yakꞌusda ooghuni huyilhꞌi whe dune whubuhodulhꞌeh’.”

Mark 7:7 Iomraidhean Croise

Matthew 15:9

Ndunne ꞌantsꞌet stsꞌun teni ꞌuhunoolhzin. ꞋI Yakꞌusda ooghuni netlꞌa idanꞌai-i ꞌi kꞌunꞌa dune khuni be whubohodulhꞌeh.’”

Matthew 6:7

ꞋEt tenadahdli de, lhat cho ꞌoh lhunahoohdeh junih. Whuz unꞌa lhendun keyoh whutꞌenne kꞌunꞌa tenahududli. ꞋEnne lhai khuni be tenahududli de, ꞌi be Yakꞌusda budutátsꞌo huninzun ꞌet huwa.

1 Corinthians 15:14

ꞋInkꞌez Christ ꞌaw nalhehítnal de, ꞌet de ꞌen ghun neghuni ꞌaw hoonli lhiloh whé ꞌuntꞌoh, ꞌinkꞌez be nohba ꞌalhaꞌ ꞌuwhutátꞌelh, ꞌi cha ꞌantsꞌet ꞌuwhutátꞌelh.

1 Corinthians 15:58

ꞋEt huwa sulhutsinke, ulhtusne oohleꞌ. Khun nahóohtnah junih! ꞋAhoolhyiz neMoodihti be ꞌutꞌen kꞌoh soo cho ꞌuwhulhꞌen. Tꞌeóonúhzun neMoodihti ba ꞌahtꞌen, ꞌaw ꞌantsꞌet iloh ꞌahtꞌen wheꞌ hoontꞌoh.

Colossians 2:22

Ndi nduntꞌoh-i, ꞌi tsꞌiyawh gak whulhih. Khuni netlꞌa ditꞌai-i ꞌinkꞌez dune whuneoodalhꞌeꞌ-un, ꞌet whuz unꞌa za ꞌuhoontꞌoh.

Titus 3:9

ꞋEt hoontsꞌi Moses ooghuni ꞌukꞌu neyuzguz-i ghun, whusni khuni cha, ꞌinkꞌez lhenyoone whutsodaꞌne huye yailhduk-i, ꞌi cha, ꞌinkꞌez lhdulhyoh ꞌuhudutni, ꞌet tsꞌiyawh oochꞌoh ꞌontꞌeꞌ. ꞋAw tsꞌiyanne ba lheꞌhoozooꞌ ꞌinkꞌez ꞌantsꞌi hoonli wheꞌ hoontꞌoh.

James 1:26

Mbene la nohtoh Yakꞌusda ba neꞌhutꞌen huninzun, ꞌet hoontsꞌi ꞌaw dughuni gha lhéꞌoolihne, dichꞌoh naꞌhundunutꞌah. ꞋEt ꞌantsꞌet nduntꞌohne Yakꞌusda ba hutꞌen-un, ꞌet ꞌaw hoonli lhuhóoloh.

James 2:20

ꞋEt nyun tube whuzini! ꞋAwhuz eh tꞌeóonuzínzun? ꞋUtꞌen yit de, be ꞌalha ꞌuhoontꞌoh-i, ꞌaw hoonli lhiloh whe ꞌuntꞌoh.

Revelation 22:18

Ndi ꞌudustlꞌus be nus hootꞌen-i, be ꞌudustlꞌus ditsꞌone, huwahli nohdúsni. Mbe dichꞌoh khuni ꞌuyoo cha yulanaidanla-un, ndi dune ye dzoh nuzut-i ndi ꞌudustlꞌus kꞌut ooghun ꞌukꞌu nusguz-i, ꞌi ꞌon ꞌun cha ye dzoh nuzut-i, Yakꞌusda bugha óotaꞌalh.