Mark 7:5 - Yak'usda Ooghuni

⁵ ꞋEt huwa Phariseene ꞌinkꞌez Moses be ꞌudustlꞌus ꞌukꞌu nunáguzne Jesus huyoodulhkut, “ꞋEt dáhoontꞌoh huwa ngha hodulꞌehne netsodáꞌne whuneodalhꞌeꞌ kꞌunꞌa lheꞌhustꞌen ꞌinkꞌez dula tunálhuhusgus whe ꞌuhaꞌalh?”

Mark 7:5 Iomraidhean Croise

Matthew 15:2

“Di ha ngha hodulꞌehne, netsodaꞌne neꞌhustꞌen hukwꞌunꞌa hukwꞌu nulheꞌhustꞌen? Ngha hodulꞌehne, ꞌaw lanalheꞌhulhde ꞌuhutiꞌulh whutso!”

Mark 7:13

ꞋEt huwa Yakꞌusda ooghuni ꞌaw lhoozúlhtsꞌai ꞌinkꞌez ookꞌú nulheꞌzahtꞌen. Whuz unꞌa dune whúbunulhtun lhat-un whe ꞌudun cha nohnichꞌoh nohkꞌunꞌa neꞌahtꞌen.”

Mark 7:8

ꞋEt Jesus ꞌutni, “Yakꞌusda dughuni nohtlꞌa ídanꞌai, ꞌi ꞌaw lhoozúlhtsꞌai ꞌinkꞌez yinka duneꞌ whubuhodalhꞌeꞌ-un, ꞌet ookꞌúneꞌ ꞌuhtꞌen, tsetsꞌai, lubot, ꞌinkꞌez ꞌuyoo be butaꞌwhutꞌen-i tunáhgus-un, ꞌoh ndúhoontꞌoh-un, dune whubodulhꞌeh.”

Mark 7:9

ꞋEt ꞌon ꞌun cha Jesus ꞌutni, “Tube ꞌuyoo ꞌahli Yakꞌusda dughuni nohtlꞌa ídanꞌai oola díhtni, ꞌinkꞌez nohnichꞌoh be dune hodulhꞌeh-i, ꞌi za nulhtꞌi whe whubodulhꞌeh.

Acts 21:21

ꞋEnne nyulh ꞌúhudantsꞌo ntsꞌenꞌa la Lizwifne ꞌudun yun kꞌut hudilhtsꞌi, ꞌenne whubodilhꞌeh. Moses ooghuni ꞌukꞌu nusguz-i hila dootnih, ꞌinkꞌez duzkeh hika dune unli-i, ꞌi kꞌut hubuhítꞌus-un, ꞌinkꞌez Lizwif kꞌunꞌa dune hinli-un cha ꞌetsul ꞌuhooneh whuz unꞌa hubodilhꞌeh hutni.

Acts 21:24

ꞋEnne bubulh ꞌíntꞌen ꞌinkꞌez butsꞌú nedindaih ꞌinkꞌez ntsꞌenꞌa la dunaꞌhuldoh nyun buba ꞌukꞌelháhoolhtsi, ꞌet la soo dutsi náhunoozo. ꞋEt ndínja de, ꞌet whuz unꞌa nyunchꞌoh Moses ooghuni ꞌukꞌu nusguz-i ookꞌúneꞌ ꞌintꞌen hunoozin la. ꞋInkꞌez daja nyuhútni-un buba ꞌalhaꞌ lheꞌwhudoosnih.

Romans 4:12

ꞋInkꞌez whulohne Lizwifne, ꞌenne cha Abraham butso whudilhdzulh unli. Lizwifne tsꞌiyawh bubuhúztꞌus whe bube hóodatꞌen. ꞋEt hoontsꞌi mbe la Lizwifne Abraham kꞌunꞌa Yakꞌusda ooghuni buba ꞌalhaꞌ ꞌuntꞌohne, ꞌenne za Abraham butso whudilhdzulh-un unli.

Galatians 1:14

ꞋInkꞌez stsodaꞌne dahántꞌeꞌ la ꞌet ꞌonus hostun hukwa ꞌistꞌen. ꞋEt whe lizwifne bube ꞌutꞌen kꞌoh huwun, ndunne sulh didowhne, mbene la sundultꞌohne, ꞌet hoontsꞌi tsꞌiyawh buba nus unzoo-un susdliꞌ inleꞌ.

2 Thessalonians 3:11

ꞋEt nohni nohtoh whulh ꞌúzditsꞌo, tsedutnine cha hoonli ꞌinkꞌez ꞌaw lheꞌhustꞌen. ꞋEt hoontsꞌi ꞌuyoonne eꞌutꞌen kꞌoh huwu hinli.

2 Thessalonians 3:6

ꞋEt ꞌawet neulhutsinke, neMoodihti Jesus Christ booziꞌ gha njan dunohtsꞌutni, ndunne ooba ꞌalha ꞌuhoontꞌohne neulhutsinke hinli, tsedutni ꞌinkꞌez ꞌantsꞌi oogháꞌ tikulh za huba sulhꞌi de, ꞌet nduntꞌohne, ꞌenne tsꞌiyawh buchꞌa nasahdilh, ꞌinkꞌez buyit ꞌahtꞌoh. Ndi Yakꞌusda ooghuni whubutsꞌodalhꞌeꞌ-un, ꞌaw lhuhuhóotun ꞌet huwaꞌ hintꞌoh.