Mark 7:34 - Yak'usda Ooghuni

³⁴ Jesus ndo yakꞌuz tsꞌe yutánꞌen, yughudzoh ꞌúja whe tenadudli ꞌinkꞌez dune yulhni, “Ephphatha!” ndi lizwif bughuni ꞌet “Mba dáhaꞌ dooltsꞌit” ni whe ꞌutni.

Mark 7:34 Iomraidhean Croise

Mark 1:41

Jesus yugha téꞌninzin yutsꞌú nudilhni ꞌinkꞌez yutꞌaíznai. “Hukwaꞌ nuszun soo naꞌíntneh,” yulhni.

Mark 15:34

Whulh ꞌilho hooloh sadzi ookꞌoh ꞌuhoonistꞌoh, ꞌet Jesus tube cho haínzul whe, dughuni kꞌunꞌa ꞌutni, “Eloi, Eloi, lama sabachthani,” “SYakꞌusda, sYakꞌusda, di ha sla dantni?” ni whe ꞌutni.

Mark 5:41

ꞋEt tsꞌekeyaz yula ílhchoot ꞌinkꞌez uyúlhni, “Talitha koumi,” ꞌet dakelh kꞌunꞌa, “Tsꞌekeyaz dududinyaih nyudúsni,” ni whe ꞌutni.

Mark 6:41

ꞋEt Jesus liba ꞌinkꞌez lho bulh yílhchoot ndo yakꞌuz tsꞌe yutánꞌen ꞌinkꞌez, “Musi,” ni whe tenadidli. Lhes taidanyuz ꞌinkꞌez yugha hodulꞌehne whutahayólelh ha butlꞌa yánla. Nanki lho cha ꞌet ndúyinla whe butainínla.

Mark 7:35

ꞋAhoh dune ꞌuditsꞌo nasdliꞌ ꞌinkꞌez soo yálhduk cha nasdliꞌ.

Mark 8:12

Jesus tube hibadzo ꞌúdija ꞌinkꞌez ubúlhni, “Di ha ꞌandit dunene huwa ꞌítꞌen-un hukwa hitisꞌen? ꞌalhaꞌ nohdúsni ꞌaw ndi yun kꞌut whuduneꞌne ndúhoontꞌoh-un huhooꞌen ꞌaitꞌoh.”

Luke 18:42

ꞋEt Jesus ꞌuyulhni, “Honꞌen naoodleꞌ! Mba ꞌalhaꞌ ꞌustꞌoh-un ꞌet huwa soo naꞌinja.”

Luke 19:41

ꞋEt keyoh whuti whenghoh uyalh, Jerusalem whutilhꞌen whe howintse.

Luke 7:14

ꞋInkꞌez nezi chunkelh yughu ninya ꞌinkꞌez yutꞌaiznai. Yilhtelhne cha ꞌilhiz nehunindil. ꞋInkꞌez ꞌutni, “Chilh dune dudinyaih nyudúsni!”

John 11:33

ꞋEt Jesus yunilhꞌen ꞌutso, ꞌinkꞌez Lizwifne mbene la yulh nudilhne, ꞌenne cha hutso hubunilhꞌen whe, tube whutsꞌu disnih ꞌinkꞌez ooyughi whe ooba dzoh ꞌuhooja,

John 11:35

ꞋEt Jesus intse.

John 11:38

ꞋEt Jesus doo cha za dudzi yo whe ooba dzoh ꞌuhooja, ꞌinkꞌez ni suliꞌ whe tsꞌun kꞌuz oozya. Njan tsꞌun kꞌut ꞌet ꞌan tse whudádinꞌai-un ꞌuhoontꞌoh.

John 11:41

ꞋEt nyo tsꞌun kꞌut dune ꞌadilhtí-un, tse ꞌudun hidutizꞌai. ꞋEt Jesus ndo yútanꞌen ꞌinkꞌez ꞌutni, “SBá sudántsꞌo ꞌinka musi nyudúsni.

John 11:43

ꞋEt ndúdija hukwꞌelhꞌaz soo khuniti be yatilhduk, “Lazarus, ndiz ínyalh!” yúlhni.

John 17:1

Jesus njan ꞌet ndudániꞌ hukwꞌelhꞌaz, ndo yakꞌuz yutanꞌen ꞌinkꞌez ꞌutni, “ꞋUBá, ꞌawet stsꞌo dizulh-un ꞌawet whusahóoltsꞌut. NYeꞌ ooba whudílhtiꞌ ꞌet whe la NYeꞌ cha mba whudólhtiꞌ.

Acts 9:34

ꞋInkꞌez Peter uyúlhni, “Aeneas Jesus Christ soo naꞌunyinla! Dudinyaih ꞌinkꞌez nlili kꞌut soo náꞌhoonleh,” yúlhni. ꞋAho Aeneas dudinya.

Acts 9:40

ꞋEt Peter tsꞌiyanne ꞌaz whenaílhꞌaꞌ, dugwutsi be nenínya ꞌinkꞌez tenadidli. Nyoo nezi yutsꞌu nálhꞌa ꞌinkꞌez ꞌutni, “Tabitha, dudinyaih!” ꞋEt yutánꞌen ibulh Peter yutilhꞌen whe dó netlꞌa dindaꞌ.

Hebrews 4:15

Nelubret ꞌukꞌenus diztiꞌ-un, ꞌen be tetsꞌutsun-i, ꞌi bulh ꞌalhgoh negha teꞌninzun datsꞌintꞌoh la tꞌeooninzun. ꞋEn lubeshi yit ꞌuntꞌoh ꞌet hoontsꞌi ꞌen cha wheni nekꞌunꞌa tsꞌiyantsuk tankꞌus óoneh ha óoldzih inleꞌ.